Dilqəm Nağıyev
| DİLQƏM NAĞIYEV | |
|---|---|
 | |
| Doğum tarixi | 24 iyun 1975. |
| Doğum yeri | Mingəçevir şəhəri,Azərbaycan Respublikası |
| Vəfat tarixi | 17 mart 1995 (19 yaşında) |
| Vəfat yeri | Tovuz-Ağstafa |
| Vəfat səbəbi | şəhid olmuşdur |
| Dəfn yeri | Mingəçevir şəhəri şəhidlər xiyabanı |
| Mükafatları |
 |
Dilqəm Nağıyev — Azərbaycanın Milli Qəhrəmanı; Qarabağ müharibəsi şəhidi.
Mündəricat
Həyatı[redaktə | əsas redaktə]
24 iyun 1975-ci il Mingəçevir şəhərində anadan olmuşdur. 1990-cı ildə 9 saylı orta məktəbin səkkizinci sinfini bitirdikdən sonra, 69 saylı texniki-peşə məktəbində təhsilini davam etdirir. 1993-cü il 7 avqust Milli Ordu sıralarında çağırılır.
Döyüşlərdə iştirakı[redaktə | əsas redaktə]
Bakıdakı "N" saylı hərbi hissədə təlim keçdikdən sonra isə Füzuli cəbhəsinə göndərilir. Dilqəm Füzuli rayonunun Əhmədbəyli, Mahmudlu, Bala Bəhmənli, Kürdmahmudlu kəndlərində rəşadətlə vuruşmuş, erməni qəsbkarlarının xeyli canlı qüvvəsini məhv etmişdi. Komandirləri onun bu bacaracağlarını qiymətləndirərək ona çavuş rütbəsi vermişdilər. 1994-cü il Gəncədə dövlət çevirilişinə cəhd edilərkən Dilqəm də silahlı dəstənin zərərsizləşdirilməsində iştirak etdi. 1995-ci il 13-17 mart hadisələri zamanı o yenidən silahlı dəstənin zərərsizləşdirilməsi üçün əməliyyatda iştirak etdi. Qarşı tərəfdən açılan atəş gənc Dilqəmin arzularla dolu ömrünü qırdı...
Ailəsi[redaktə | əsas redaktə]
Subay idi.
Milli Qəhrəman[redaktə | əsas redaktə]
Azərbaycan Respublikası prezidentinin 4 aprel 1995-ci il tarixli 307 saylı fərmanı ilə Nağıyev Dilqəm Heydər oğluna ölümündən sonra "Azərbaycanın Milli Qəhrəmanı" adı verilmişdir.
Mingəçevir şəhərinin Şəhidlər xiyabanında dəfn edilib.
Mingəçevirdəki 9 saylı məktəb qəhrəmanımızın adını daşıyır, burada büstü qoyulub.
Həmçinin bax[redaktə | əsas redaktə]
Mənbə[redaktə | əsas redaktə]
- Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 223.
