Pəhlivan Fərzəliyev

PƏHLİVAN FƏRZƏLİYEV
Şəxsi məlumatlar
Doğum tarixi	27 sentyabr 1958(1958-09-27).
Doğum yeri	Qobu Dilağarda, Füzuli rayonu, Azərbaycan SSR, SSRİ
Vəfat tarixi	11 aprel 1992 (33 yaşında)
Vəfat yeri	Füzuli rayonu, Azərbaycan
Vəfat səbəbi	şəhid olmuşdur.
Dəfn yeri	Qobu Dilağarda, Füzuli rayonu, Azərbaycan
Təltifləri

Pəhlivan Əhliman oğlu Fərzəliyev (27 sentyabr 1958(1958-09-27), Qaryagin – 11 aprel 1992(1992-04-11), Füzuli rayonu) — Azərbaycan zabiti, baş leytenant, Azərbaycanın Milli Qəhrəmanı; Qarabağ müharibəsi şəhidi.

Həyatı

Pəhlivan Fərzəliyev 7 sentyabr 1958-ci ildə Füzuli rayonunun Qobu Dilağarda kəndində doğulmuşdur. Doğma kənddə səkkizinci sinfi başa vurduqdan sonra Şuşa Kənd Təsərrüfatı Texnikumuna daxil olmuşdur. İdmanla məşğul olmuş, Şuşada keçirilən çempionatda Qarabağ çempionu adını qazanmışdır. O, 1979-cu ildə orduya çağırılmışdır. 1986-cı ildə Orenburq Politexnik Universitetini bitirmişdir.

Döyüşlərdə iştirakı

BTR-n ekipaj komandiri olan Pəhlivanın taqımı Füzuli rayonundakı sərhəd kəndlərinin qorunmasında mərdliklə vuruşurdu. Onun şücaəti nəticəsində Xələfşə kəndində bir erməni bölüyü və bir BTR məhv edilmişdi. 1992-ci il 11 apreldə taqım komandirinin son döyüşü olur.

Ailəsi

Evli idi. İki oğlu, bir qızı yadigar qalıb.

Milli Qəhrəman

Azərbaycan Respublikası prezidentinin 8 oktyabr 1992-ci il tarixli 264 saylı fərmanı ilə baş leytenant Fərzəliyev Pəhlivan Əhliman oğluna ölümündən sonra "Azərbaycanın Milli Qəhrəmanı" adına layiq görülmüşdür.

Füzuli rayonunun Qobu Dilağarda kəndində dəfn edilmişdir.

Bakı şəhərindəki qəsəbələrdən biri qəhrəmanın adını daşıyır.

Həmçinin bax

• Qarabağ müharibəsi
• Erməni terrorizmi
• Azərbaycanlıların Soyqırımı Günü

Xarici keçidlər

• "Qarabağın görkəmli şəxsiyyətləri:Pəhlivan Fərzəliyev(1958-1992)". "Virtual Qarabağ" İKT Mərkəzinin rəsmi portalı (azərb.). virtualkarabakh.az. 2013. İstifadə tarixi: 2014-10-14.
• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 102.