Valeh Müslümov

Vikipediya, açıq ensiklopediya
Jump to navigation Jump to search
Valeh Müslümov
Fotoqrafiya
Doğum tarixi 2 sentyabr 1968(1968-09-02)
Doğum yeri Lerik
Vəfat tarixi 10 aprel 1992 (23 yaşında)
Vəfat yeri Marquşevan, Ağdərə
Vəfat səbəbi şəhid
Dəfn yeri Lerik
Atası Əlizaid
Vətəndaşlıq Flag of Azerbaijan.svg Azərbaycan
Peşəsi Hərbi qulluqçu
Milliyyəti azərbaycanlı
Mükafatları Azərbaycanın Milli Qəhrəmanı

Müslümov Valeh Əlizaid oğluAzərbaycanın Milli Qəhrəmanı; Qarabağ müharibəsi şəhidi.[1]

Həyatı[redaktə | əsas redaktə]

Müslümov Valeh Əlizaid oğlu 1968-ci il 2 sentyabrda Lerik rayonunda doğulmuşdur. 1983-ci ildə 2 saylı Lerik rayon orta məktəbini səkkizinci sinfini bitirmiş və Sumqayıt şəhər 17 saylı peşə məktəbində dülgər ixtisasına yiyələnmişdir. Bir müddət Tikinti Trestinin Səyyar Mexanikləşdirilmiş dəstəsində çalışır. 1986-cı ildə hərbi xidmətə çağırılır, 1988-ci ildə ordudan tərxis olunaraq Sumqayıta qayıdır.

Ailəsi[redaktə | əsas redaktə]

Subay idi.

Döyüşlərdə iştirakı[redaktə | əsas redaktə]

1991-ci ilin avqustunda DİN-nin Xüsusi Təyinatlı Milis Dəstəsində xidmətə başlayır. Şuşa, Tovuz və Qubadlıda keçirilən döyüş əməliyyatlarında iştirak edir. 1992-ci il aprel ayının 10-da[2] Marquşevan kəndində gedən döyüşdə qəhrəmanlıq göstərir, qeyri-bərabər döyüşdə yaralanır, çoxlu qan itirdiyindən onun həyatını xilas etmək mümkün olmadı.

Mükafatları[redaktə | əsas redaktə]

Azərbaycan Respublikası Prezidentinin 6 iyun 1992-ci il tarixli 831 saylı Fərmanı ilə Müslümov Valeh Əlizaid oğluna ölümündən sonra "Azərbaycanın Milli Qəhrəmanı" fəxri adı verilmişdir.[1]

Lerik rayonunda dəfn edilmişdir. Milli Qəhrəmanın adını daşıyan Lerik şəhər 2 nömrəli orta məktəbdə xatirə muzeyi açılıb[3].

Mənbə[redaktə | əsas redaktə]

İstinadlar[redaktə | əsas redaktə]

  1. 1,0 1,1 "National Heroes". http://www.azerbaijans.com/content_420_en.html.
  2. Əsgərov V. Azərbaycanın Milli Qəhrəmanları / Redaktor: Kamil İsmayılov. — Bakı: Respublika Xatirə Kitabı Redaksiyası, 2005. S. 116.
  3. Lerikdə Milli Qəhrəman Valeh Müslümovun xatirə muzeyinin açılışı olub