Namiq Allahverdiyev

Namiq Allahverdiyev
Doğum tarixi	5 oktyabr 1967(1967-10-05)
Doğum yeri	Beyləqan, Azərbaycan SSR, SSRİ
Vəfat tarixi	9 iyul 1992 (24 yaşında)
Vəfat yeri	Cəmilli, Tərtər rayonu, Azərbaycan
Vəfat səbəbi	şəhid olub
Mükafatları

Allahverdiyev Namiq Müslüm oğlu — Azərbaycanın Milli Qəhrəmanı; Qarabağ müharibəsi şəhidi.

Həyatı

Namiq Allahverdiyev 5 oktyabr 1967-ci ildə Beyləqan rayonunda anadan olmuşdur. 1984-cü ildə 1-saylı orta məktəbi bitirmişdir. 1985-ci ildə hərbi xidmətə çağırılmış, 1987-ci ildə hərbi xidmətini Moskva ətrafında başa vuraraq vətənə dönmüşdür.

Döyüşlərdə iştirakı

1988-ci illərdə erməni təcavüzkarları xalqımızı narahat etməyə başlamışdı. Yerli əhali könüllü müdafiə dəstələri yaradıb vətəni müdafiə edirdi. Könüllülər sırasına yazılanlardan biridə Namiq oldu. O ilk döyüşünə Qubadlı rayonunda başladı. Namiq 1991-ci il 31 avqustda DİN-in XTP dəstələrinə daxil olur və yenidən döyüş meydanına atılır. O, Laçın, Əsgəran, Füzuli, Goranboy rayonları uğrunda gedən döyüşlərdə iştirak edir. Axırıncı döyüşü Tərtər rayonunda olur. Burada Şıxarx (keçmiş Marquşevan), Həsənqaya, Birinci Çaylı, İkinci Çaylı və digər kəndləri erməni basqınçılarından azad edilmişdi. 9 iyul 1992-ci il erməni millətçilərinin silahlı qüvvələri Cəmilli yüksəkliyinə hücum edirlər, cəsur əsgərimiz Namiq onların qarşısını almaq üçün yüksəkliyə qalxaraq mövqə tutur, elə bu vaxt güclü partlayış eşidilir, tankdan atılan mərmi onun həyatına son qoyur.

Ailəsi

Subay idi.

Milli Qəhrəman

Azərbaycan Respubliksaı prezidentinin 8 oktyabr 1992-ci il tarixli 264 saylı fərmanı ilə Allahverdiyev Namiq Müslüm oğlu ölümündən sonra "Azərbaycanın Milli Qəhrəmanı" adına layiq görülmüşdür.

Bakı şəhəri Şəhidlər xiyabanında dəfn edilmişdir.

Beyləqan rayonundakı 1 saylı orta məktəb qəhrəmanımızın adını daşıyır.

Ədəbiyyat

• Əsgərov V. Allahverdiyev Namiq Müslüm oğlu //Əsgərov V. Azərbaycanın Milli Qəhrəmanları.- B., 2005.- S.22.
• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 35.
• Fətullayeva G. Mən döyüşə gedirəm //Fətullayeva G. Beyləqan bahadırları.- B., 1997.- S.20-23.
• İnsan yaddaşlarda əməli ilə yaşayır //Naxçıvan.- 1996.-1 may.- S.3.
• Qəhrəmanın büstü: [Beyləqanda] //Azərbaycan.- 1996.-20 yanvar.- S.2.
• Nazim N. Allahverdiyev Namiq Müslüm oğlu: (1967-1992) //Nazim N. İstiqlal ulduzları.- B., 1995.- S.22-23.
• Zeynalov R. Allahverdiyev Namiq Müslüm oğlu: (1967-1992) //Zeynalov R. Azərbaycanın Milli Qəhrəmanları.- B.,1996.- S. 91.