Vüqar Əsgərov

Vikipediya, açıq ensiklopediya
Keçid et: naviqasiya, axtar
Vüqar Əsgərov
Vüqar İsa oğlu Əsgərov
Vüqar Əsgərov.jpg
Vüqar Əsgərov
Doğum tarixi: 13 aprel 1974 (1974-04-13) (43 yaş)
Doğum yeri: Flag of the Soviet Union.svg SSRİ
Flag of Armenian SSR.svg Ermənistan SSR, Dərələyəz mahalı, Qovuşuq

Vüqar Əsgərov (tam adı: Əsgərov Vüqar İsa oğlu. d.13 aprel, 1974. Dərələyəz mahalı, Qovuşuq) — Azərbaycan Milli Elmlər Akademiyasının "Respublika Xatirə Kitabı" redaksiyasında böyük redaktor, Azərbaycan Jurnalistlər Birliyinin üzvü. "Fədai" medalı laureatı.

Həyatı[redaktə | əsas redaktə]

Vüqar Əsgərov 13 aprel 1974-cü ildə Qərbi Azərbaycanın Dərələyəz mahalının Qovuşuq kəndində (Yexeqnadzor rayonu) doğulmuşdur.

1981-ci ildə Qovuşuq kənd orta məktəbinə getmiş, 7-ci sinfə qədər doğma kənddə təhsil almışdır.

1988-ci ildə ermənilərin təzyiqi nəticəsində ailəsi ilə birlikdə Naxçıvan MR-nin Şahbuz rayonuna köçmüşdür.

1991-ci ildə orta təhsilini Bakı şəhər 280 saylı orta məktəbdə bitirmişdir.

1992-ci ildə Vətənin çağırışına səs verərək Milli Ordu sıralarına daxil olmuşdur. Qarabağ müharibəsində fəal iştirak etmiş, ağır döyüşlərin iştirakçısı olmuşdur.

Vüqar Əsgərov Moskva Dövlət İqtisadiyyat, Statistika və İnformatika Universitetinin menecmentlik fakültəsini əla qiymətlərlə bitirmişdir.

Hal-hazırda Azərbaycan Milli Elmlər Akademiyasının Respublika Xatirə Kitabı redaksiyasında böyük redaktor vəzifəsində çalışır.

Azərbaycan Jurnalistlər Birliyinin üzvüdür.

Cəbrayıl rayon icra başçısı Mahmud QuliyevVüqar Əsgərov "Bir ovuc torpaqdır yarama məlhəm" kitabının təqdimatında. 15 may 2012-ci il.

Yaradıcılığı[redaktə | əsas redaktə]

Yerli mətbuatda yüzlərlə publisistik məqaləsi çap olunan Vüqar Əsgərovun onlarla məqaləsi dünyanın bir neçə ölkəsində ayrı-ayrı dillərdə çap olunmuşdur.

2005-ci ildə “Azərbaycanın Milli Qəhrəmanları” kitabını ilk dəfə toplum halında nəşr etdirib. 2010-cu ildə isə “Azərbaycanın Milli Qəhrəmanları” kitabını yenidən işlənmiş variantda nəşr etdirib.

2012-ci ildə isə “Bir ovuc torpaqdır yarama məlhəm” kitabı çap olunub.

"Azərbaycan bayrağı ordeni" ilə təltif olunmuş Bilal Əhliman oğlu Məmmədovun həyatı və keçdiyi döyüş yoluna həsr edilmiş "Sinəmdə yurd dağı var" adlı kitab da yazmışdır.

2015-ci ildə Azərbaycanın ilk Milli Qəhrəmanı Maşallah Abdullayevə həsr edilmiş, onun keçdiyi döyüş yolundan, həyatından, Goranboy və Ağdərə döyüşlərindən bəhs edən kitab yazmışdır. Kitabın redaktoru Ötərxan Eltac, məsləhətçiləri isə tarix institunun direktor müavini, professor Cəbi Bəhramov və Xalq şairi Nəriman Həsənzadədir.

Kitabları[redaktə | əsas redaktə]

Məqalələri[redaktə | əsas redaktə]

Mükafatları[redaktə | əsas redaktə]

Vətənpərvərliyin təbliğinə görə 2016-cı ildə Respublika Qarabağ Əlilləri, Veteranları və Şəhid Ailələri İctimai Birliyinin təsis etdiyi "Fədai" medalı və " Qızıl Qələm" diplomu ilə təltif edilmişdir.

Həmçinin bax[redaktə | əsas redaktə]

İstinadlar[redaktə | əsas redaktə]


Xarici keçidlər[redaktə | əsas redaktə]