Əvəz Şükürov
| Əvəz Şükürov | |
|---|---|
 | |
| Doğum tarixi | 1926 |
| Doğum yeri | Zülfüqarlı, Kəlbəcər rayonu |
| Vəfat tarixi | 20 yanvar 2006 |
| Vəfat yeri | Bakı |
| Milliyyəti | Azərbaycanlı |
Əvəz Kərəm oğlu Şükürov — Kəlbəcər rayonu İcra hakimiyyətinin başçısı olmuşdur (1994-1995)[1]
Həyatı[redaktə | əsas redaktə]
1926-cı ildə Kəlbəcər rayonu Zülfüqarlı kəndində anadan olmuşdur. Elə həmin kənd məktəbini bitirdikdən sonra Azərbaycan Kənd Təsərrüfatı Akademiyasına daxil olmuş və oranı müvəffəqiyyətlə bitirmisdir.
1944-cü ildən Kəlbəcər rayon icra komitəsi kənd təsərrüfatı şöbəsinin aqranomu, “Pravda” kolxozunun sədri olmuşdur.
1950-1953-cü illərdə Zülfüqarlı və Abdullauşağı kənd sovetinin sədri, rayon kənd təsərrüfatı şöbəsinin aqranomu, 1954-1964-cu illərdə isə yenə də “Pravda” kolxozunun sədri vəzifəsində işləmişdir. Eyni zamanda 1958-1968 illərdə V-VI çağırış Azərbaycan SSR Ali sovetinin deputatı olmuşdur. Uzun illər Kəlbəcər və Zərdab rayonlarında muxtəlif rəhbər vəzifələrdə çalışmişdir.
1993-1995-ci illərdə Kəlbəcər rayon icra hakimiyyətinin sədr müavini, sonra isə Kəlbəcər rayon İcra hakimiyyətinin başçısı vəzifəsində fəaliyyət göstərmişdir.
1995-ci ildən Kənd Təsərrüfatı Nazirliyində baş mutəxəssis işləmişdir. 2006-cı il yanvarın 20-də Bakı şəhərində vəfat etmişdir.
Azərbaycanın Milli Qəhrəmanı Şahlar Şükürovun atasıdır.
İstinadlar[redaktə | əsas redaktə]
Mənbə[redaktə | əsas redaktə]
- Hidayət Elvüsal, "Sanki dağ uçdu", "Ədalət" qəzeti 24 yanvar 2006-cı il