Müdafiə Sənayesi Nazirliyi (Azərbaycan)

Vikipediya, azad ensiklopediya
(Azərbaycan Respublikası Müdafiə Sənayesi Nazirliyi səhifəsindən istiqamətləndirilmişdir)
Jump to navigation Jump to search
Müdafiə Sənayesi Nazirliyi
  • Azərbaycan Respublikası Müdafiə Sənayesi Nazirliyi
Müdafiə Sənayesi Nazirliyinin loqosu.png
Ümumi məlumatlar
Ölkə Azərbaycan Azərbaycan
Yurisdiksiya Azərbaycan Respublikası
Yaradılma tarixi 16 dekabr 2005
Tabelik Azərbaycan Respublikası Prezidenti
Baş qərargah Bakı, Azərbaycan
Ünvan Mətbuat pr. 40, AZ1022
Rəhbərlik
Nazir Mədət Quliyev
Müavinlər Yəhya Musayev
Mehman Baxışov

Rəsmi saytı mdi.gov.az
Nazirliyin inzibati binası

Azərbaycan Respublikası Müdafiə Sənayesi NazirliyiAzərbaycan Respublikasında müdafiə, radioelektronika, cihazqayırma sənayeləri sahələrində dövlət siyasətini və tənzimlənməsini həyata keçirən mərkəzi icra hakimiyyəti orqanı olmuşdur. Bu nazirlik Azərbaycan Respublikasının Prezidenti İlham Əliyevin 16 dekabr 2005-ci il tarixli 1181 nömrəli Sərəncamı ilə Azərbaycan Respublikası Dövlət Xüsusi Maşınqayırma və Konversiya Komitəsi ləğv edilib və onun bazasında dövlət idarəetmə strukturunu təkmilləşdirmək məqsədi ilə yaradılmışdır.

Fəaliyyət[redaktə | əsas redaktə]

Nazirliyin fəaliyyət istiqamətləri aşağıdakılardır:

  • müdafiə sənayesi sahəsində vahid dövlət siyasətinin formalaşmasında iştirak edir və bu siyasətin həyata keçirilməsini təmin edir;
  • müdafiə sənayesi sahəsinin inkişafını təmin edir;
  • dövlət sifarişi əsasında hərbi texnika, silah, mühəndis texnikası, ehtiyat hissələri, döyüş sursatları və digər müdafiə təyinatlı məhsullar üzrə qanunvericilikdə nəzərdə tutulmuş qaydada Dövlət Müdafiə Sifarişi Proqramının layihəsini hazırlayıb Azərbaycan Respublikasının Nazirlər Kabinetinə təqdim edir;
  • təsdiq edilmiş Dövlət Müdafiə Sifarişi Proqramına uyğun olaraq müdafiə təyinatlı məhsulların yaradılmasını, istehsalını, təkmilləşdirilməsini, təmirini, utilizasiyasını, idxal-ixracını öz səlahiyyətləri daxilində təmin edir;
  • Dövlət Müdafiə Sifarişi Proqramının həyata keçirilməsi üçün lazım olan maliyyə vəsaitləri barədə mövcud qanunvericiliyə uyğun olaraq dövlət büdcəsinin formalaşdırmasına dair təkliflər verir;
  • Silahlı qüvvələrin və qanunvericiliyə uyğun yaradılmış digər hərbi birləşmələrin silah, hərbi texnika, döyüş sursatı və başqa vasitələrlə təchizatını qəbul olunmuş qaydada həyata keçirə bilər;
  • qanunvericiliklə müəyyən edilmiş qaydada müdafiə sənayesi sahəsində beynəlxalq əməkdaşlığı həyata keçirir;
  • qanunvericiliklə müəyyən edilmiş digər istiqamətlərdə fəaliyyət göstərir.

Nazirliyin vəzifələri[redaktə | əsas redaktə]

  • müdafiə sənayesi sahəsində öz səlahiyyətləri çərçivəsində normativ tənzimlənməni həyata keçirmək;
  • təsdiq edilmiş Dövlət Müdafiə Sifarişi Proqramı əsasında öz səlahiyyətləri daxilində müdafiə təyinatlı məhsulların alınması, sifarişlərin yerləşdirilməsi (işlərin görülməsi, xidmətlərin göstərilməsi, elmi-tədqiqat və təcrübi-konstruktor işlərinin aparılması, məhsulların yaradılması, istehsalı və təkmilləşdirilməsi) üçün mövcud qanunvericiliyə uyğun olaraq tenderlər (müsabiqələr) keçirmək, müqavilələr bağlamaq;
  • müdafiə sənayesi sahəsində istifadə edilən malların (işlərin, xidmətlərin, əqli fəaliyyətin nəticələrinin), habelə ikili təyinatlı malların (işlərin, xidmətlərin), xammal, material, avadanlıq və elmi-texniki informasiyaların qanunvericiliklə nəzərdə tutulan qaydada idxal-ixracını həyata keçirmək;
  • digər icra hakimiyyəti orqanlarının müdafiə sənayesi sahəsi ilə bağlı fəaliyyətlərini əlaqələndirmək;
  • Azərbaycan Respublikasının tərəfdar çıxdığı beynəlxalq müqavilələrin həyata keçirilməsini öz səlahiyyətləri daxilində təmin etmək;
  • müdafiə sənayesi sahəsində öz səlahiyyətlərinə aid edilən məsələlər üzrə dövlət nəzarətini həyata keçirmək;
  • qanunvericiliklə nəzərdə tutulan hallarda və qaydada müvafiq fəaliyyət növlərinə xüsusi razılıq (lisenziya) və ya xüsusi icazə, habelə hüquqmüəyyənedici sənədlər vermək;
  • müdafiə sənayesi sahəsində standartlara uyğun məhsulların istehsalını təşkil etmək üçün mütərəqqi texnologiyalardan istifadə edilməsini, müasir elmi-tədqiqat bazasının yaradılmasını, müəssisələrin avadanlıq parkının müasirləşdirilməsini, sahənin inkişafı üçün lazımi kadr hazırlığını təmin etmək;
  • Dövlət Müdafiə Sifarişi Proqramının həyata keçirilməsi və müdafiə sənaye sahəsi üçün ayrılan digər büdcə vəsaitləri, kreditlər, qrantlar və s. maliyyə vəsaitlərindən təyinatı üzrə səmərəli istifadə olunmasını təmin etmək;
  • qanunvericiliyə uyğun olaraq dövlət sirrinin və məxfilik rejiminin qorunması üçün zəruri tədbirlər, habelə fəaliyyət istiqamətlərinə uyğun təhlükəsizlik tədbirlərini görmək;
  • öz səlahiyyətləri daxilində insan və vətəndaş hüquqlarının və azadlıqlarının həyata keçirilməsini təmin etmək və onların pozulmasının qarşısını almaq;
  • Nazirliyin strukturunun və fəaliyyətinin təkmilləşdirilməsi istiqamətində öz səlahiyyətləri daxilində tədbirlər görmək;
  • Nazirliyin və onun tabeliyində olan müəssisə və təşkilatların fəaliyyəti ilə bağlı daxil olan təklif, ərizə və şikayətlərə baxmaq və qanunvericiliklə müəyyən edilmiş qaydada tədbirlər görmək;
  • fəaliyyət istiqamətlərinə uyğun olaraq qanunvericiliklə nəzərdə tutulmuş digər vəzifələri yerinə yetirmək.

İdarə heyəti[redaktə | əsas redaktə]

Azərbaycan Respublikası Müdafiə Sənayesi Naziri Yavər Camalov Azərbaycan Respublikasının Prezidenti tərəfindən 15 mart 2006 — cı il tarixində tutduğu vəzifəyə təyin olunub.

Azərbaycan Respublikası Müdafiə Sənayesi Nazirliyinin kollegiyası Nazirlər Kabineti tərəfindən 5 iyun 2007 — ci il tarixində təsdiqlənib. Kollegiyanın sədri

Azərbaycan Respublikasının Müdafiə Sənayesi naziri

Kollegiyanın üzvləri:

Azərbaycan Respublikası Müdafiə Sənayesi nazirinin müavinləri

Azərbaycan Respublikası Müdafiə Sənayesi Nazirliyi Aparatının rəhbəri

Azərbaycan Respublikası Müdafiə Sənayesi Nazirliyi Aparatının İstehsalat şöbəsinin müdiri

Azərbaycan Respublikası Müdafiə Sənayesi Nazirliyi Aparatının Müdafiə təyinatlı məmulatların yaradılması və elmi araşdırmalar şöbəsinin müdiri

Azərbaycan Respublikası Müdafiə Sənayesi Nazirliyi Aparatının Hərbi-texniki əməkdaşlıq şöbəsinin müdiri

Azərbaycan Respublikası Müdafiə Sənayesi Nazirliyi Aparatının Maliyyə və uçot şöbəsinin müdiri

Azərbaycan Respublikası Müdafiə Sənayesi Nazirliyinin Milli Aerokosmik Agentliyinin baş direktoru

Azərbaycan Respublikası Müdafiə Sənayesi Nazirliyinin “Şərq İstehsalat Birliyi” Məhdud Məsuliyyətli Cəmiyyətinin baş direktoru”.

Müəssisələr[redaktə | əsas redaktə]

Məhsullar[redaktə | əsas redaktə]

Snayperlər
Zirehli texnika
Avtomatlar
Hücum tüfəngi
Hücum pulemyotu
Tapançalar
Minaatanlar
Reaktiv yaylış atəş sistemləri
  • Çoxtərəfli 107 mm kalibrli raketlər. TR-107 və TRB-107 raketləri 11 km-ə qədər yerləşən hədəfi vura bilər
Cihazaqayırma
Pilotsuz təyyarələr
Sursat

Müasirləşdirmə[redaktə | əsas redaktə]

Potensial gələcək layihələr[redaktə | əsas redaktə]

Tank istehsalı

Murad Bayar, Türkiyənin müdafiə sənayəsinin katibinin köməkçisi demişdir ki, Türkiyə öz ordusu üçün yeni tanklar istehsal etməyi planlaşdırır. "Bu tankların bəziləri Azərbaycanda, bəziləri isə Türkiyədə istehsal oluna bilər.[1] Azərbaycana artıq Türkiyədən Altay tankının istehsalı ilə bağlı təkliflər gəlib.[2][3]

Helikopter istehsalı

"Azərbaycan helikopter istehsalı ilə bağlı bir sıra ölkələrlə danışıqlar aparır". APA-nın məlumatına görə, bunu müdafiə sənayesi naziri Yavər Camalov 2010-cu ilin noyabr ayında bildirib. O,qeyd edib ki, Ukraynanın baş naziri bu günlərdə Azərbaycana birgə helikopter istehsal etməyi təklif edib və bu mümkündür. Onun sözlərinə görə, Müdafiə Sənayesi Nazirliyi hazırda bu istiqamətdə Ukrayna ilə yanaşı bir sıra ölkələrlə danışıqlar aparır və yaxın vaxtlarda qərar veriləcəyi gözlənilir.[4][5]

Hərbi dəniz donanması

2011-ci ilin may ayında ARDNŞ-nin prezidenti Rövnəq Abdullayev 2013- cü ildən etibarən Azərbaycan hərbi gəmilərin istehsalına başlayacağını söyləmişdi.[6][7]

Əməkdaşlıq[redaktə | əsas redaktə]

Azərbaycan Respublikasının müdafiə sənayəsi nazirliyi aşağıdakı ölkələrlə əməkdaşlıq edir:

  • Türkiyə Türkiyə: Hərbi texnikanın istehsalı və müasirləşdirməsi.
  • Pakistan Pakistan: Aviasiya bombalarının və müxtəlif kalibrlı artilleriya mərmilərinin istehsalı.
  • Ukrayna Ukrayna: Hərbi texnikanın müasirləşdirməsi.
  • Cənubi Afrika Respublikası CAR: Hərbi texnikanın müasirləşdirməsi və istehsalı.
  • İsrail İsrail: Hərbi texnikanın müasirləşdirməsi və istehsalı.
  • Polşa Polşa: Əməkdaşlıq.
  • İordaniya İordaniya: Əməkdaşlıq.

Həmçinin bax[redaktə | əsas redaktə]

İstinadlar[redaktə | əsas redaktə]

  1. Azerbaijan May Join Turkey's New Tank Manufacturing Project, Bureaucrat
  2. Видео. Турки вместе с корейцами построят танк "Алтай" — Алтапресс — Барнаул, Алтай, Алтайский край
  3. APA — Турция пригласила Азербайджан к реализации крупных проектов в сфере военной промышленности
  4. Azerbaijan and Ukraine plan to produce helicopter
  5. "Azərbaycan helikopter istehsalı ilə bağlı danışıqlar aparır", Azadliq Radiosu, November 3, 2010
  6. "Azerbaijan to produce warships". İstifadə tarixi: 9 May 2011.
  7. "Azerbaijan to produce ships". İstifadə tarixi: 9 May 2011.