Ceyhun Bayramov

Ceyhun Bayramov
Ceyhun Bayramov
Azərbaycan Respublikasının xarici işlər naziri
	Vəzifədədir
	16 iyul 2020-ci ildən
Prezident	İlham Əliyev
Baş nazir	Əli Əsədov
Əvvəlki	Elmar Məmmədyarov
Azərbaycan Respublikasının təhsil naziri
	23 aprel 2018 – 16 iyul 2020
Prezident	İlham Əliyev
Baş nazir	Novruz Məmmədov; Əli Əsədov
Əvvəlki	Mikayıl Cabbarov
Sonrakı	Emin Əmrullayev
Azərbaycan Respublikası təhsil nazirinin müavini
	12 avqust 2013 – 23 aprel 2018
Nazir	Mikayıl Cabbarov
Şəxsi məlumatlar
Doğum tarixi	25 iyun 1973 (51 yaş)
Doğum yeri	Bakı, Azərbaycan SSR, SSRİ;
Təhsili	Azərbaycan Dövlət İqtisad Universiteti,; Azərbaycan Universiteti;
Fəaliyyəti	dövlət xadimi
	Vikianbarda əlaqəli mediafayllar

Ceyhun Əziz oğlu Bayramov (25 iyun 1973, Bakı) — Azərbaycan diplomatı və dövlət xadimi, Azərbaycan Respublikasının xarici işlər naziri (2020-ci ildən), Azərbaycan Respublikasının təhsil naziri (2018–2020).

Həyatı

Əslən Gədəbəyin Nərimankənd kəndindən olan Ceyhun Əziz oğlu Bayramov 1973-cü ildə Bakı şəhərində anadan olub. 1990-cı ildə orta məktəbi gümüş medalla bitirib. Azərbaycan Dövlət İqtisad İnstitutunu iqtisadçı ixtisası üzrə, Azərbaycan Universitetini isə hüquqşünaslıq ixtisası üzrə bitirib.

1996–2000-ci illərdə Vergilər Nazirliyində müxtəlif vəzifələrdə çalışıb, 2000–2002-ci illərdə "Salans Hertzfeld & Heilbronn (Baku) Limited" şirkətində hüquqşünas, 2002–2013-cü illərdə isə "OMNİ" hüquq şirkətinin direktoru olub.

2004–2012-ci illərdə dünyanın aparıcı hüquq nəşrlərindən olan "Chambers Global", "IFLR1000" və "Legal500" tərəfindən hər il Azərbaycanda vergiqoyma və mülki hüquq sahəsində aparıcı hüquqşünaslar siyahısına daxil edilib. 2013-cü il mayın 30-dan avqustun 12-dək Azərbaycan Respublikası Təhsil Nazirliyi aparatının rəhbəri vəzifəsində çalışıb.

Azərbaycan Respublikası Prezidentinin 12 avqust 2013-cü il tarixli sərəncamı ilə Azərbaycan Respublikası təhsil nazirinin müavini təyin olunub.

Azərbaycan Respublikasının Prezidenti İlham Əliyevin 23 aprel 2018-ci il tarixli sərəncamı ilə təhsil naziri vəzifəsinə təyin olunub.

Azərbaycan Respublikasının Prezidenti İlham Əliyevin 16 iyul 2020-ci il tarixli sərəncamı ilə xarici işlər naziri vəzifəsinə təyin olunub.

Evlidir, 2 övladı var.

Azərbaycan Respublikası maliyyə nazirinin müavini Azər Bayramovun qardaşıdır.^[1]

2025-ci ilin fevralında Ceyhun Bayramov Serbiya ilə Azərbaycan arasında əməkdaşlığın və dostluq əlaqələrinin inkişafında xüsusi xidmətlərinə görə Serbiya Prezidenti Aleksandar Vuçiç tərəfindən birinci dərəcəli “Serbiya Bayrağı” ordeni ilə təltif edilib.^[2]

İstinadlar

↑ "Prezidentdən nazirin qardaşı ilə bağlı QƏRAR". 2023-06-28 tarixində arxivləşdirilib. İstifadə tarixi: 2022-06-23.
↑ "Ceyhun Bayramov "Serbiya Bayrağı" ordeni ilə təltif olunub". Report İnformasiya Agentliyi (az.). 2025-02-16. İstifadə tarixi: 2025-02-16.

[i.e.-1] . e. 14–16 fevral 2024

[2] "Prezidentdən nazirin qardaşı ilə bağlı QƏRAR". 2023-06-28 tarixində arxivləşdirilib. İstifadə tarixi: 2022-06-23.

[3] "Ceyhun Bayramov "Serbiya Bayrağı" ordeni ilə təltif olunub". Report İnformasiya Agentliyi (az.). 2025-02-16. İstifadə tarixi: 2025-02-16.

[*]

[1]

[2]