Vladimir Ollonqren

Vikipediya, açıq ensiklopediya
Jump to navigation Jump to search
Vladimir Konstantinoviç Ollonqren
Владимир Константинович Оллонгрен
Vladimir Ollonqren.jpg
Vladimir Ollonqren
Doğum tarixi:19 aprel 1867(1867-04-19)
Doğum yeri: Kolomna, Flag of Russia.svg Rusiya
Vəfat tarixi:4 oktyabr 1943(1943-10-04)
Atası: Konstantin Petroviç Ollonqren
Anası: Aleksandra Petrovna Ollonqren
Həyat yoldaşı: Yelena Vasilyevna Ollonqren
Peşəsi: Hərbçi
Milliyyəti:Rus
Dini:Pravoslav

Vladimir Konstantinoviç Ollonqren (1867-1943) — rus hərbçisi, II Nikolayın uşaqlıq dostu, Azərbaycan Demokratik Respublikası Parlamentinin IX Milli azlıqlar fraksiyasında fəaliyyət göstərmişdir.

İlk illəri[redaktə | əsas redaktə]

19 aprel 1867-ci ildə Kolomna şəhərində hərbçi ailəsində doğulmuşdur. 5 yaşında atasını itirən Vladimir 1875-ci ilin may ayında II Aleksandrın həyat yoldaşı imperatriça Mariya Aleksandrovna tərəfindən Qış sarayına anası ilə birlikdə köçdü. Şahzadə Aleksandrın (gələcək çar III Aleksandr) həyat yoldaşı Mariya Fyodorovnanın ayda 2000 rubl maaşlı iş təklifini qəbul etdi və Vladimir şahzadə Nikolay (gələcək çar II Nikolay) və qardaşı Georgi Aleksandroviç ilə birlikdə təhsil və tərbiyə almağa başladı.[1] 1876-1879-cu illərdə Aniçkov sarayında yaşayan Vladimir 31 oktyabr 1877-ci ildə əsilzadə elan olunmuşdu. Pskov kadet korpusunda ilk təhsilini alan Vladimir 1884-cü ildə Varşava kadet korpuslarında təhsilinə davam etmişdi. 1896-cı ildə artıq kapitan rütbəsi ilə Sankt-Peterburqda idi.

Hərbi fəaliyyəti[redaktə | əsas redaktə]

1902-1916cı illər arasında Sevastopol qalasında faəliyyətdə olmuşdur. 1916-cı ildə polkovnik rütbəsi ilə Qafqaza göndərilmişdi. 1916-1917-ci illərdə Bakı icra hakimi Georgi Kovalyovun müavini olmuşdur.

Mükafatları[redaktə | əsas redaktə]

  • 3-cü dərəcəli "Müqəddəs Stanislav" ordeni (1894)
  • 3-cü dərəcəli "Müqəddəs Anna" ordeni (1901)
  • Bolqarıstan 5-ci dərəcəli "Müqəddəs Aleksandr" ordeni
  • Qacar imperiyası 4-cü dərəcəli "Şiri-Xurşid" ordeni
  • Buxara əmirliyi 1-ci dərəcəli gümüş ulduz ordeni
  • Buxara əmirliyi 2-ci dərəcəli qızıl ulduz ordeni

İmperiyanın dağılmasından sonra[redaktə | əsas redaktə]

1919-cu ilədək Azərbaycan Demokratik Respublikası Parlamentinin IX Milli azlıqlar fraksiyasında fəaliyyət göstərmişdir. General Tomson Bakıya gələrkən onu rus zabitləri adından qarşılamışdı.[2] 1919-cu ilin iyul-avqust ayları arasında Sevastopolda Denikinin ordularında döyüşmüşdür. 1920-ci ilin noyabrında isə Vrangelin ordusuna qoşulmuşdur. Daha sonra Fransaya mühacirət edən Vladimir 1943-cü il 4 avqustda vəfat etmişdir. Məzarı Parisdədir.

Ailəsi[redaktə | əsas redaktə]

20 iyul 1897-ci ildə Klavdiya İliçnova Simanova ilə evlənmişdir. 17 iyun 1913-cü ildə isə Yelena Qurskaya ilə evlənmişdir. Övladları:

  • Nina Ollonqren (01.07.1898-28.07.1990)
  • Aleksandr Ollonqren (03.01.1901-15.07.1989)

İstinadlar[redaktə | əsas redaktə]

  1. Сургучев Илья - Детство императора Николая II, Армада, 1995
  2. Mehmet Rıhtım və Mehman Süleymanov - Azərbaycan Xalq Cumhuriyyəti və Qafqaz İslam Ordusu - "Nur" Nəşriyyatı, 2008, ISBN: 9952-426-23–2