Yusif Əhmədzadə

Vikipediya saytından
Naviqasiyaya keç Axtarışa keç
Yusif Əhmədzadə
Yusif Yaqub oğlu Əhmədzadə
215 × 290 pikselpx
19 noyabr 1918 – 27 aprel 1920
ƏvvəlkiMəlumat yoxdur.
SonrakıPartiya ləğv olundu.
Şəxsi məlumatlar
Doğum tarixi ?
Doğum yeri Göyçay
Vəfat tarixi 26 iyul,1938.
Vəfat yeri Bakı
Vəfat səbəbi repressiya
Partiya Müsavat

Yusif Əhmədzadə- Azərbaycan Xalq Cümhuriyyəti Parlamentinin üzvü. Azərbaycan Milli Şurasının "Azərbaycan Məclisi-Məbusanının təsisi haqqında qanun"una (1918, 19 noyabr) əsasən, ticarət-sənaye ittifaqından Azərbaycan Xalq Cümhuriyyəti Parlamentinin tərkibinə daxil edilmişdi. Parlamentdə "Müsavat" və bitərəflər fraksiyasını təmsil edirdi.[1][2] "Müsavat" partiyası parlamentdə çoxluq təşkil etməsinə baxmayaraq respublikanın ümumi mənafeyini nəzərə alaraq həmişə çalışırdı ki, digər partiya fraksiyaları və qrupları ilə təmas və koalisiyada işləsin. Ona görə Yusif Əhmədzadəni siyasi-hüquqi baxışlarına görə F. X. Xoyski, Ə. M. Topçubaşov, Behbud Ağa Cavanşir, Mirzə Əsədullayev kimi görkəmli şəxsiyyətlərin milli-demokratik düşərgəsinə aid etmək olar. Bu xadimlər Cənubi Qafqaz Seymində partiyasızların demokratik qrupu kimi fəaliyyət göstərmiş, cümhuriyyətin parlamenti yarandıqdan sonra isə onun tərkibində bitərəflər fraksiyasını yaratmışdılar.[3]

Yusif Əhmədzadənin adı Azərbaycan istiqlal tarixində digər bir xidməti ilə də yadda qalıb. Belə ki, 1919 ilin fevralında ingilislər tərəfindən Batumidə həbs edilmiş Nuru Paşanı xilas etmək lazım idi. Bu mövzuda müxtəlif versiyalar irəli sürülməkdədir. Bu versiyaların birində qeyd olunur ki, İbrahim bəy Heydərov və silahdaşları Nuru paşanın xilasını çətinliklə də olsa təşkil etməyi bacarmış və onu azad edib Bakıya gətirmişdilər. Bu işin əsas təşkilatçısı isə Azərbaycan Parlamentinin üzvü Əhmədzadə idi. O, otuzuncu illərdə repressiyaya məruz qalmış, həbs olunaraq güllələnmişdi.[4]

  1. "Arxivlənmiş surət". haqqinda.az. 2023-08-14 tarixində arxivləşdirilib. İstifadə tarixi: 2023-08-14.
  2. "Parliament :: Azerbaijan Democratic Republic". axc.preslib.az. 2023-03-23 tarixində arxivləşdirilib. İstifadə tarixi: 2023-08-14.
  3. "Arxivlənmiş surət". www.elibrary.az. 2023-03-22 tarixində arxivləşdirilib. İstifadə tarixi: 2023-08-14.
  4. "https://goychay-encyclopedia.az/%C9%99hm%C9%99dzad%C9%99-yusif-yaqub-oglu/". 14.08.2023. 2023-08-14 tarixində arxivləşdirilib. İstifadə tarixi: 2023-08-14.