Mir Hidayət bəy Seyidov

Vikipediya, azad ensiklopediya
Jump to navigation Jump to search
Mir Hidayət bəy Seyidov
Mir Hidayət bəy Mir Adil bəy oğlu Seyidov
Mir Hidayat bey Seyidov.jpg
Şəxsi məlumatlar
Doğum tarixi 2 aprel 1887(1887-04-02)
Doğum yeri
Vəfat tarixi 23 fevral 1919(1919-02-23) (31 yaşında)
Vəfat yeri
Partiya
Təhsili

Seyidov Mir Hidayət bəy Mir Adil oğlu (2 aprel 1887, Yelizavetpol23 fevral 1919, Ordubad, Naxçıvan qəzası) — İrəvan və Naxçıvan quberniyalarının Müsəlman Milli Şurasının sədri.

Həyatı[redaktə | mənbəni redaktə et]

Mir Hidayət bəy Mir Adil oğlu 1887-ci ildə Gəncədə anadan olub. Onun atası Mir Adil bəy Qüdsi Vənəndinin oğul nəvəsidir. Mir Adil bəyin atası Hacı Mir Ağa bəy Qüdsi Vənəndinin ikinci oğludur.

Mir Hidayət bəy 1906-cı ildə Gəncə (o vaxtlar Yelizavetpol adlanırdı) gimnaziyasını bitirəndən sonra Kazan Universitetinə oxumağa gedir. Mir Hidayət bəy bu universitetin hüquq fakültəsində təhsil almışdır. Təhsilini başa vurandan sonra Azərbaycana dönən Mir Hidayət bəy İrəvan və Naxçıvan quberniyalarında fəaliyyət göstərir. İrəvan və Naxçıvan quberniyalarının Müsəlman Milli Şurasının sədri olur. O, sonralar Tiflisə gedərək Zaqafqaziya Seymində müsəlman fraksiyasının fəal üzvlərindən biri kimi tanınır.

O, Azərbaycan Xalq Cümhuriyyəti Parlamentinin 44 nəfər Milli Şura üzvündən biri kimi fəaliyyət göstərmişdir. İrəvan mahalı ermənilərə hədiyyə ediləndə üç nəfər o qərarın əleyhinə səs verib. Onlardan biri Mir Hidayət bəy Seyidov olub.

1918-ci ildən başlayaraq, ermənilər Naxçıvana aramsız hücumlar etdiyindən, Mir Hidayət bəy Naxçıvana qayıdır və Ordubadın müdafiə olunmasında iştirak edir. O, Ordubad Milli Müdafiə Şurasına vaxtlarda sədrlik edir.

23 fevral 1919-cu ildə Ordubadda vəfat edib. Azərbaycan Xalq Cümhuriyyəti Parlamentinin 6 mart 1919-cu il tarixli 20-ci iclasında onun vəfatı bəradə məlumatlandırma elan olunmuşdur.

Ailəsi[redaktə | mənbəni redaktə et]

Mir Hidayət bəyin yaxın qohumlarından olan Ramiz Abutalıbov 2006-cı ildə Moskva şəhərində nəşr etdirdiyi kitabda ("Qodı i vstreçi v Parije") onun da haqqında yazıb. Abutalıbovlar da Qüdsi Vənəndinin ailəsi ilə qohumdurlar. Həmin kitabda Mir Hidayət bəyin İrəvanski və Naxçıvanskilərlə qohumluğu olduğu qeyd olunub. Müəllif Mir Hidayət bəyin həyat yoldaşının Ələşrəf bəyin qızı Şövkət xanım İrəvanskayanın olduğunu qeyd etsə də, daha sonralar aparılan axtarışlar Mir Hidayət bəyin həyat yoldaşının Şövkət xanım Kazımbəyova olduğunu sübut edib.

Bakı Musiqi Akademiyasının professoru, prorektor Oktay Abasquliyev Mir Hidayət bəyin qızı Dilarə xanımın oğludur. Dilarə xanım Hüseyn Abasquliyevlə ailə qurmuşdu. Hüseyn Abasquliyev uzun illər Azərbaycan MK-da yüksək vəzifədə işləyib. Onların Oktay, Leyla və Kamil adlı üç övladı dünyaya gəlib. Leyla xanım sənətşünaslıq elmləri namizədi, dosentdir. Kamil isə dosent olmaqla bərabər əməkdar artistdir.

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]