Musa Quliyev
| Musa Quliyev | |
|---|---|
| Musa Rəhim oğlu Quliyev | |
| Doğum tarixi | |
| Doğum yeri | Böyükdüz, Kəngərli rayonu, Naxçıvan MR |
| Vətəndaşlığı |
 Azərbaycan |
| Milliyyəti | azərbaycanlı |
| Atası | Rəhim Quliyev |
| Elm sahəsi | tarix |
| Elmi dərəcəsi | tarix elmləri üzrə fəlsəfə doktoru |
| İş yeri | AMEA Naxçıvan Bölməsi Tarix, Etnoqrafiya və Arxeologiya İnstitutu |
| Təhsili | Y. Məmmədəliyev adına Naxçıvan Dövlət Pedaqoji İnstitutu |
| Mükafatları |
  |
Musa Quliyev və ya Musa Rəhimoğlu (d. 16 oktyabr 1952, Böyükdüz, Kəngərli rayonu, Naxçıvan MR) — Azərbaycan alimi, tarixçi, tarix elmləri üzrə fəlsəfə doktoru, AMEA Naxçıvan Bölməsi Tarix, Etnoqrafiya və Arxeologiya İnstitutunda böyük elmi işçi, Naxçıvan xanlığı mövzusunun tədqiqatçısı, "Tərəqqi" medalı laureatı (2014).[1]
Həyatı[redaktə | əsas redaktə]
Musa Rəhim oğlu Quliyev 16 oktyabr 1952-ci ildə Naxçıvan MR-ın Kəngərli rayonunun Böyükdüz kəndində anadan olub. 1974-cü ildə Y. Məmmədəliyev adına Naxçıvan Dövlət Pedaqoji İnstitutunu bitirib. AMEA Naxçıvan Bölməsi Tarix İnstitutunda vətən tarixi mövzusunda "Naxçıvan xanlığının Qafqazda hərbi-siyasi mövqeyi və əlaqələri" barədə dissertasiya müdafiə edib. Tarix üzrə fəlsəfə doktorudur. Hal-hazırda AMEA Naxçıvan Bölməsi Tarix İnstitutunda böyük elmi işçisidir. O, 10 ilə yaxındır ki, pedaqoji fəaliyyətlə məşğuldur.
Tarixçinin 7 monoqrafiyası xaricdə çap olunub. Eyni zamanda onun 198 elmi məqaləsi beynəlxalq bazalarda referatlaşdırılmış və indeksləşdirilən jurnallarda çap olunmuşdur. Ümumilikdə onun 57 elmi əsəri mövcuddur. 5 aprel 2014-cü il tarixində Naxçıvan Muxtar Respublikasının sosial və iqtisadi inkişafında xidmətlərinə görə Azərbaycan Respublikası prezidentinin müvafiq sərəncamına əsasən "Tərəqqi medalı" ilə təltif edilmişdir.[1]
Mükafatları[redaktə | əsas redaktə]
"Tərəqqi" medalı — Naxçıvan Muxtar Respublikasının sosial və iqtisadi inkişafında xidmətlərinə görə (2014)
Kitabları[redaktə | əsas redaktə]
Qeyd: Siyahıda əsərlərinin hamısı mövcud deyil.
- Quliyev, Musa (2005). Zəngəzur (PDF). Bakı: "Nurlar NPM". 504 səh. ISBN 9952-403-09-7.
- Quliyev, Musa (2007). Heydər Əliyev və Naxçıvan xanlığının tədqiqi məsələləri. №-4. Bakı: Azərbaycan Dövlət Pedaqoji Universiteti. 82 səh.
- Quliyev, Musa (2010). Şahtaxtinskilər tariximizdə və taleyimizdə (PDF). Naxçıvan: "Əcəmi" nəşriyyatı. 104 səh.
- Quliyev, Musa (2012). Tarix və arxiv materiallarında Naxçıvan xanlığının inzibati-ərazi bölgüsü və dövlət atributları haqqında yeni məlumatlar. №-4. Орлов: Orlov Dövlət Universiteti. 36 səh.
- Quliyev, Musa (2013). Naxçıvan xanlığının Qafqazda hərbi-siyasi mövqeyi və əlaqələri (PDF). Naxçıvan: "Əcəmi" nəşriyyatı. 184 səh.
İstinadlar[redaktə | əsas redaktə]
- ↑ 1 2 "Naxçıvan Muxtar Respublikasının sosial və iqtisadi inkişafında xidmətləri olan şəxslərin "Tərəqqi" medalı ilə təltif edilməsi haqqında Azərbaycan Respublikası Prezidentinin Sərəncamı" (azərb.). president.az. 8 aprel 2014. İstifadə tarixi: 2020-05-04.
Xarici keçidlər[redaktə | əsas redaktə]
- Musa Quliyev — AMEA-nın rəsmi saytı.