Məmmədrza ağa Vəkilov

Vikipediya, açıq ensiklopediya
Jump to navigation Jump to search
Picto infobox character.png
MƏMMƏDRZA AĞA VƏKİLOV
Fotoqrafiya

Doğum tarixi8 mart 1864(1864-03-08)
Doğum yeri Salahlı, Qazax qəzası
Vəfat tarixi 30 dekabr 1944 (80 yaşında)
Vəfat yeri Bakı
TəhsiliXarkov Universiteti, 1893 [1]

Vəkilov Məmmədrza ağa Mənsur ağa oğlu (8.3.1864-30.12.1944), ADR Parlamentinin üzvü, Azərbaycanda səhiyyənin ilk təşkilatçılarından biri. Mənsur ağa Vəkilovun oğlu.

Həyatı[redaktə | əsas redaktə]

Məmmədrza ağa Vəkilov 1864-cü ildə Qazax qəzasının Salahlı kəndində dünyaya gəlib.1876-cı ildə I Tiflis klassik gimnaziyasında təhsilini başa vurub. 1887-ci ildə Xarkov Universitetinin tibb fakültəsinə daxil olub. 1893-cü ildə universiteti bitirib və Tiflisdəki Muxayovsk xəstəxanasında üç il həkim işləyib. 1896-cı ildə Qars dəmiryolu xəttinə sərbəst işə - sahə həkimi vəzifəsinə təyin edilib. 1898-ci ildə həmin sahədə 50 çarpayılıq xəstəxana təşkil olunandan sonra xəstəxanaya müdir təyin olunub.Bakıdakı dəmiryolu xəstəxanasına həkim-ordinator göndərilib.

1900-cü ildə Bakı şəhər Duması ilk dəfə olaraq "kasıblar üçün həkim" vəzifəsinin ştatlarını təsdiq etdi. Bu vəzifəni icra edən həkim sahə həkimi olmalı və ona ayrılan şəhər sahəsində yaşayan kasıblara pulsuz tibbi kömək göstərməli idi. Öz sənədlərini təqdim etmiş onlarca namizəddən duma komissiyası cəmi 2 nəfəri bəyəndi, onlardan biri Məmmədrza Vəkilov idi.

1901-ci ildə Bakı şəhər tibb cəmiyyəti iki həkimi (sahə həkimi) evdə xəstələri müalicə etmək üçün seçərkən onlardan biri M. Vəkilov olur. Əhaliyə ambulator yardım təşkil edilməsinin ilk banilərindən biri M.Vəkilov idi. Bir ilə yaxın sahə həkimi işləyən M. Vəkilov əhalinin nə qədər ambulator müalicəyə ehtiyacı olduğunu öz gözləri ilə görür. Məhz buna görə o, Bakıda ilk poliklinika təşkil edir. M. Vəkilov Bakı şəhər tibb cəmiyyəti,şəhər duması qarşısında müalicəxanaların artırılması barədə dəfələrlə məsələ qaldırır və öz məqsədinə nail olur - Bakı şəhərində 10 poliklinika açır. Həmin poliklinikalar bu gün də Bakı şəhərində fəaliyyət göstərir. Onlardan biri Bakı şəhər 2 nömrəli poliklinikasıdır. M. Vəkilov iyirmi il bu poliklinikaya rəhbərlik edib. Sonra isə 1944-cü ilə qədər burada sahə həkimi işləyib. Ümumiyyətlə, M. Vəkilov 50 il həkimliklə məşğul olub. Təsadüfü deyil ki, yaşlı nəsil hələ indi də 2 nömrəli şəhər poliklinikasını "Vəkilovun poliklinikası" adlandırır.

1902-ci ilin əvvəllərində o, Bakı şəhər Dumasına "Bakı şəhərində xəstəxanadan kənar tibbi xidmətin təşkilində islahatlar" adlı layihə təqdim etdi. Layihənin əsas məğzi ondan ibarət idi ki, həm tibbi struktur dəyişilməli, həm də xəstəliklərin yayılmasına imkan yaradan səbəblər aradan qaldırılmalıdır. Sadə insanların müraciət edə bilməsi üçün şəhərin müxtəlif hissələrində müalicəxanalar açılmalıdır.

M. Vəkilov gözəl, qayğıkeş həkim olmaqla bərabər, ağıllı təşkilatçı, dostluğa sadiq bir insan idi. Hələ 1900-ci ildə o, Zaqafqaziya Tibb Cəmiyyətinin həqiqi üzvü seçilmişdir (protokol N 166, 2 may, 1900-cü il, Tiflis).

1909-cu ildən başlayaraq M.Vəkilov 1-ci şəhər pulsuz müalicəxanasının baş həkimi vəzifəsində çalışmağa başlamışdır. 1908-ci və 1912-ci illərdə həkimterapevt Mixaylov şəhər xəstəxanasının baş həkimi vəzifəsinə təqdim olunub, lakin təklifdən imtina etmişdir. 1913-cü ildə artıq Bakıda 10 pulsuz müalicəxana fəaliyyət göstərirdi, lakin bu, kifayət deyildi: hər gün həkim 90 - 100 xəstə qəbul edir, təxminən 20 - 30 xəstə kömək almadan evə qayıdırdı.

Məmmədrza Ağa Vəkilov 1944-cü ildə Bakı şəhərində vəfat edib.

Mənbə[redaktə | əsas redaktə]

Həmçinin bax[redaktə | əsas redaktə]

  • [1]