Nikolay Gikalo

Nikolay Gikalo
Belorusiya SSR KP MK-nın I katibi 29 yanvar 1932 — 18 mart 1937
Sələfi	Konstantin Gey
Xələfi	Vasili Şaranqoviç
Azərbaycan SSR KP MK-nın I katibi 5 avqust 1929 — 1930
Sələfi	Levon Mirzoyan
Xələfi	Vladimir Polonski
Özbəkistan SSR KP MK-nın I katibi 1929 — 1929
Sələfi	Kupriyan Kirkij
Xələfi	İsaak Zelenski
Şəxsi məlumatlar
Partiya	Sovet İttifaqı Kommunist Partiyası
Doğum tarixi	8 (20) mart 1897
Doğum yeri	Odessa, Odessa qəzası[d], Xerson quberniyası[d], Rusiya imperiyası
Vəfat tarixi	25 aprel 1938(1938-04-25) (41 yaşında)
Vəfat yeri	Moskva, RSFSR, SSRİ
Vəfat səbəbi	güllələnmə[d]
Dəfn yeri	Kommunarka poliqonu[d]
Təltifləri

Nikolay Fyodoroviç Gikalo (belar. Никола́й Фёдорович Гика́ло; 8 [20] mart 1897, Odessa, Xerson quberniyası^[d] – 25 aprel 1938(1938-04-25), Moskva) — sovet dövlət və partiya xadimi, 1917-ci ildən kommunist partiyasının üzvü, Azərbaycan Kommunist Pariyası I katibi (1929–1930).

Həyatı

Nikolay Gikalo 1915-ci ildə Tiflis hərbi-feldşer məktəbini bitirib. I Dünya Müharibəsində iştirak edib, Georgi xaçı ilə təltif olunub. 1918–1927-ci illərdə Qafqazda partiya işində çalışıb. 1927–1928-ci illərdə ÜKP (b) MK-nın Orta Asiya bürosunun üzvü olub. 1929–1930-cu illərdə Özbəkistan KP (b) MK-nın katibi, 1929-cu il avqustun 5-dən 1930-cu ilin avqustuna qədər isə Azərbaycan KP (b) MK-nın I katibi vəzifələrində çalışıb. 1930–1931-ci illərdə ÜKP (b) MK-nın təşkilati təqsim sədrinin müavini, 1932-ci il yanvarın 29-dan 1937-ci il martın 18-nə qədər Belorusiya KP (b) MK-nın I katibi olub. 1937-ci ildən Ukrayna KP (b)-nin Xarkov vilayət komitəsinin I katibi vəzifəsini tutub. 1937-ci il oktyabrın 11-də həbs edilib. 1938-ci il aprelin 25-də SSRİ Ali Məhkəməsinin Matuleviç, Zaryan və Jdandan ibarət Hərbi Kollegiyası onun haqqında ölüm hökmü çıxarıb.. Güllələnib. 1955-ci il sentyabrın 2-də SovİKP MK-nın qərarı ilə ölümündən sonra bəraət alıb.

Lenin ordeninə və Qırmızı Bayraq ordeninə layiq görülüb.