Kamran Bağırov

Kamran Bağırov
Kamran Məmməd oğlu Bağırov
Azərbaycan SSR KP MK-nın 12-ci birinci katibi 3 dekabr 1982 — 21 may 1988
Sələfi	Heydər Əliyev
Xələfi	Əbdürrəhman Vəzirov
Şəxsi məlumatlar
Doğum tarixi	24 yanvar 1933(1933-01-24)
Doğum yeri	Şuşa, Şuşa rayonu, DQMV, Azərbaycan SSR, ZSFSR, SSRİ
Vəfat tarixi	25 oktyabr 2000(2000-10-25) (67 yaşında)
Vəfat yeri	Bakı, Azərbaycan
Partiya	Sov.İKP
Təhsili	Azərbaycan Texniki Universiteti
Həyat yoldaşı	Tatyana Alekseyevna Bağırova
Uşaqları	Teymur və üç qız

Kamran Məmməd oğlu Bağırov (24 yanvar 1933, Şuşa, DQMV – 25 oktyabr 2000, Bakı) — Azərbaycan Kommunist Partiyası Mərkəzi Komitəsinin 12-ci birinci katibi (1982–1988).

Həyatı

Kamran Bağırov 1933-cü ildə Şuşada doğulub. 1957-ci ildə Azərbaycan Politexnik İnstitutunu bitirib. Sonra Ali Partiya Məktəbində təhsilini davam etdirib. Tikinti sektorunda rəhbər postlarda çalışıb, Nazirlər Sovetində mühüm vəzifəyə irəli çəkilib. Azərbaycan Kommunist Partiyasının Mərkəzi Komitəsində çalışdıqdan sonra kompartiyanın Sumqayıt şəhər partiya komitəsinin birinci katibi vəzifəsinə göndərilib.

1982–1988-ci illərdə Azərbaycan KP MK-nın birinci katibi olub. 1988-ci ildə Dövlət Sənayedə İşlərin Təhlükəsiz Görülməsinə Nəzarət Komitəsinə sədr təyin edilir və o, bir müddət bu vəzifədə işləyir.

Kamran Bağırov 25 oktyabr 2000-ci ildə 67 yaşında vəfat edib. İkinci Fəxri Xiyabanda dəfn olunub.