Zülfü Hacıyev

Zülfü Hacıyev
Zülfü Hacıyev
Azərbaycan Respublikası Baş nazirinin müavini
	22 may 1991 – 20 noyabr 1991
Baş nazir	Həsən Həsənov
Azərbaycan SSR Nazirlər Soveti sədrinin müavini
	18 noyabr 1989 – 22 may 1991
Sədr	Ayaz Mütəllibov; Həsən Həsənov
Azərbaycan Kommunist Partiyası Sumqayıt Şəhər Komitəsinin birinci katibi
	16 mart 1988 – 20 noyabr 1989
Əvvəlki	Cahangir Müslümzadə
Sonrakı	Eldar İsmayılov
Naxçıvan MSSR Nazirlər Sovetinin sədri
	1982 – mart 1988
Əvvəlki	İmran Mehdiyev
Sumqayıt Şəhər Xalq Deputatları Soveti İcraiyyə Komitəsinin sədri
	13 oktyabr 1976 – 1982
Şəxsi məlumatlar
Doğum tarixi	21 mart 1935
Doğum yeri	Böyük Məzrə, Basarkeçər rayonu, Ermənistan SSR, ZSFSR, SSRİ;
Vəfat tarixi	20 noyabr 1991 (56 yaşında)
Vəfat yeri	Qarakənd, Martuni rayonu, Muxtar Dağlıq Qarabağ Vilayəti, Azərbaycan;
Vəfat səbəbi	Qarakənd faciəsi
Dəfn yeri	Birinci Fəxri Xiyaban;
Partiya	Sovet İttifaqı Kommunist Partiyası (1961–1991);
Fəaliyyəti	siyasətçi
Həyat yoldaşı	Səyyarə xanım
Təltifləri	;

Zülfü (Zülfi) Saleh oğlu Hacıyev (21 mart 1935, Böyük Məzrə, Basarkeçər rayonu – 20 noyabr 1991, Qarakənd, Muxtar Dağlıq Qarabağ Vilayəti) — Azərbaycan Respublikası Baş nazirinin müavini (1989–1991), elmlər namizədi.

Həyatı

Zülfi Hacıyev 21 mart^[1] 1935-ci ildə Göyçə mahalının Basarkeçər rayonunun Böyük Məzrə kəndində anadan olmuşdur.^[2] Doğma kənddə orta məktəbi medalla,^[1] Azərbaycan Politexnik İnstitutunun inşaat fakültəsini isə fərqlənmə diplomu ilə bitirmişdir.^[3] Təyinatla Krasnoarmeysk şəhərinə göndərilib, sıravi mühəndislikdən idarə rəisi vəzifəsinə qədər yüksəlib.^[1] Bir müddətdən sonra Sumqayıt şəhərinə qayıtmış, əvvəlcə mühəndis, sonra isə indi adını daşıyan "Qırmızı əmək bayrağı" ordenli Sənaye Tikinti Nazirliyinin Sumqayıtdakı 1 saylı Tikinti Trestinin rəisi vəzifəsində çalışmışdır.^[1]

O, 1976-cı ildən Sumqayıt Şəhər Xalq Deputatları Sovetinin İcraiyyə Komitəsinin sədri, 1982-ci ildən Naxçıvan MSSR Nazirlər Sovetinin sədri, 1988-ci ilin martından Sumqayıt Şəhər Partiya Komitəsinin birinci katibi, 1989-cu ildən 20 noyabr 1991-ci ilədək Azərbaycan Nazirlər Kabinetinin sədr müavini vəzifələrində çalışmış, plenum üzvü, ali və yerli sovetə deputat seçilmişdir. 1976-cı ildən ömrünün sonunadək 4 dəfə Azərbaycan SSR Ali Sovetinin deputatı seçilmişdir.

Zülfi Hacıyev Nazirlər Kabinetinin sədr müavini işlədiyi vaxt həm də Dağlıq Qarabağ üzrə təşkilat komitəsinin üzvü olmuş, son vaxtlar isə həmin komitəyə sədrlik edirdi.

Onun Ruslan, Raman, Şölə, Mehparə, Lalə adlarında beş uşağı olmuşdur.^[1]

Mükafatları

"Qırmızı əmək bayrağı" ordeni^[3]
"Xalqlar Dostluğu" ordeni^[3]
"Şərəf nişanı" ordeni^[3]
"Azərbaycanın əməkdar inşaatçısı" fəxri adı^[2]

Xatirəsi

Adının əbədiləşdirilməsi

Sumqayıtda on dörd il işlədiyi trest, 17 saylı orta məktəb və bir küçə, Gəncə şəhərində bir küçə, Sabirabad rayon 7 saylı tam orta məktəbi Zülfi Hacıyevin adını daşıyır.

1982-ci ildə istehsal olunan gəmi (IMO № 7912161) Zülfi Hacıyevin adını daşıyır.^[4]

Haqqında yazılanlar

2005-ci ildə Fərman Əliyev "Ölümdən güclü" adlı sənədli-publisistik povestini Zülfi Hacıyevin ömür yoluna həsr edib. Müəllif kitabda Z. Hacıyevin canlı portretini yaratmağa çalışaraq, Azərbaycanda dövlətçiliyin inkişafı və quruculuq sahəsində onun fəaliyyəti ilə bağlı oxucularda geniş fikir aşılamağa çalışmışdır.^[5]

Həmçinin bax

Qarakənd faciəsi

İstinadlar

1 2 3 4 5 6 Ziyəddin Məhərrəmov. "Unudulmaz sazlı-sözlü yurdumuz". Bakı, "Çaşıoğlu", 2001. səh.82–83.
1 2 Qədir Aslan. "HACIYEV Zülfi" (az.). goyche.info. 06.06.2009. İstifadə tarixi: 2015-02-27.^{[ölü keçid]}
1 2 3 4 Teyyub Qurban. "Ən yaxın tarix". Azərbaycan Milli Kitabxanası (az.). anl.az. 2013. 30 mart 2022 tarixində arxivləşdirilib. İstifadə tarixi: 27 fevral 2015.
↑ "Zülfi Hacıyev" Arxivləşdirilib 2015-12-27 at the Wayback Machine — acsc.az saytı (az.) (rus.) (ing.)
↑ "Toplu kataloq". AzLibnet Milli İnformasiya Mərkəzi (az.). 2005. İstifadə tarixi: 28 fevral 2015.^{[ölü keçid]}

Ədəbiyyat

Qədir Aslan, "Göyçə şəhidləri", Bakı: "İşıq", 1997.
Ziyəddin Məhərrəmov. "Unudulmaz sazlı-sözlü yurdumuz". Bakı, "Çaşıoğlu", 2001. səh.82–83.
Fərman Əliyev. Ölümdən güclü: sənədli-publisistik povest. Bakı: Nərgiz, 2005. — 144 s.
Qəşəm Məhərrəmov, İntiqam Məhərrəmov. "Başı dumanlı Göyçə", Bakı, "EL", 2007. səh.96. ISBN 978-9952-438-09-3
Teyyub Qurban, "Ən yaxın tarix", Ekspress. — 2013. — 11–13 yanvar. — Səh.15.

[Ziyəddin_Məhərrəmov-1] 1 2 3 4 5 6 Ziyəddin Məhərrəmov. "Unudulmaz sazlı-sözlü yurdumuz". Bakı, "Çaşıoğlu", 2001. səh.82–83.

[goyche.info-2] 1 2 Qədir Aslan. "HACIYEV Zülfi" (az.). goyche.info. 06.06.2009. İstifadə tarixi: 2015-02-27.^{[ölü keçid]}

[Ən_yaxın_tarix-3] 1 2 3 4 Teyyub Qurban. "Ən yaxın tarix". Azərbaycan Milli Kitabxanası (az.). anl.az. 2013. 30 mart 2022 tarixində arxivləşdirilib. İstifadə tarixi: 27 fevral 2015.

[4] "Zülfi Hacıyev" Arxivləşdirilib 2015-12-27 at the Wayback Machine — acsc.az saytı (az.) (rus.) (ing.)

[5] "Toplu kataloq". AzLibnet Milli İnformasiya Mərkəzi (az.). 2005. İstifadə tarixi: 28 fevral 2015.^{[ölü keçid]}

[1]

[2]

[3]

[4]

[5]

Qarakənd faciəsində həlak olanlar
Azərbaycanın yüksək vəzifəli şəxsləri	Tofiq İsmayılov • İsmət Qayıbov • Məhəmməd Əsədov • Osman Mirzəyev • Vaqif Cəfərov • Vəli Məmmədov • Zülfü Hacıyev • Rafiq Məmmədov • Qurban Namazəliyev • İqor Plavskiy • Vladimir Kovalyov • Sergey İvanov • Nikolay Jinkin
Rusiya və Qazaxıstandan gəlmiş hərbçi və müşahidəçilər	Saylau Serikov • Mixail Lukaşov • Oleq Koçerev
Jurnalistlər	Alı Mustafayev • Arif Hüseynzadə • Fəxrəddin Şahbazov
Vertolyotun heyəti	Vyaçeslav Kotov • Gennadi Domov • Dmitri Yarovenko