Eldar İsmayılov (siyasətçi)
| Eldar İsmayılov | |||||||
|---|---|---|---|---|---|---|---|
| Eldar Vəkil oğlu İsmayılov | |||||||
 | |||||||
|
|||||||
|
|||||||
| Xələfi | Yusif Sevdimalıyev | ||||||
|
|||||||
|
|||||||
|
|
|||||||
| Partiya |
 Yeni Azərbaycan Partiyası |
||||||
| Doğum tarixi | 25 yanvar 1949 | ||||||
| Doğum yeri |
 SSRİ Azərbaycan SSR, Qazax rayonu, Qaymaqlı |
||||||
|
|
|||||||
| Təltifləri |
 |
||||||
Eldar Vəkil oğlu İsmayılov — Sumqayıt Şəhər İcra Hakimiyyətinin başçısı (1991-1992), Məcburi Köçkünlərin Sosial İnkişaf Fondunda işlər idarəsinin müdiri-aparatın rəhbəri (2014-cü ildən), “Şöhrət” ordenli.
Həyatı[redaktə | əsas redaktə]
İsmayılov Eldar Vəkil oğlu 1949-cu il yanvar ayının 25-də Qazax rayonunun Qaymaqlı kəndində anadan olmuşdur. 1966-cı ildə orta məktəbi bitirmişdir. Həmin il Azərbaycan Neft və Kimya İnstitutunun Kimya-Texnologiya fakultəsinə daxil olmuş, 1971-ci ildə təhsilini müvəffəqiyyətlə başa vuraraq təyinatla Sumqayıt Kimya Kombinatına göndərilmişdir. 1971-ci ilin avqust ayında aparatçı kimi əmək fəaliyyətinə başlamış, 1972-ci ildən 1975-ci ilə kimi sex rəisinin müavini işləmişdir.
E.V.İsmayılov ilk günlərdən zəngin biliyi, işgüzarlığı və ictimai fəallığı ilə diqqəti cəlb edir. Bu fəallığın nəticəsində 1975-ci ildə “Sumqayıtkimyasənaye” İstehsalat Birliyi Komsomol komitəsinin katibi seçilir. O, birlik gənclər təşkilatına rəhbərliyi dövründə gənclər arasında da güclü və səmərəli ideya-siyasi iş aparmaqla yanaşı, onların sosial problemlərinin həlli istiqamətində mühüm işlər görülməsinə nail olur. Daha sonra 1978-1981-ci illərdə “Kimyasənaye” birliyində Baş direktorun müavini, 1981-1983-cü illərdə “Azkimyatəmir” trestində müdir müavini işləyərkən E.V.İsmayılovun rəhbərliyi altında Kimyaçıların sosial və məişət məsələlərinin kompleks həlli istiqamətində uğurlu layihələr həyata keçirilir.
E.V.İsmayılov 1983-cü ildə partiya işinə irəli çəkilir və “Sintetik kauçuk” zavodunda partiya komitəsinin katibi seçilir. Qısa müddət ərzində zəhmətkeşliyi, uğurlu ideoloji fəaliyyəti, mənəvi keyfiyyəti onu daha məsul vəzifə pilləsinə qaldırır.
1985-ci ilin yanvar ayından 1988-ci ilin sentyabr ayına kimi Azərbaycan Kommunist Partiyası Mərkəzi Komitəsinin Neft və Kimya şöbəsində təlimatçı vəzifəsində işləyir. Bu dövrdə o, Azərbaycan kimya sənayesinin perspektiv inkişaf konsepsiyasının hazırlanmasında və bilavasitə həyata keçirilməsində fəal iştirak etməklə yanaşı, təcrübəli ideoloji kadr kimi hazırlanır. 1988-ci ildə Sumqayıt şəhər Partiya Komitəsinin ideoloji məsələlər üzrə katibi, 1989-cu ilin noyabr ayında Sumqayıt şəhər Partiya Komitəsinin 1-ci katibi, 1990-cı ildə Sumqayıt şəhər Xalq Deputatları Sovetinin sədri seçilir. 1991-ci ilin oktyabr ayında Sumqayıt şəhər İcra Hakimiyyətinin başçısı təyin olunur. Həmin dövrdə Respublikada ictimai-siyasi sabitliyin pozulması, hərc-mərclik və anarxiyanın hökm sürməsi nəticəsində yaranmış çətinliklərə baxmayaraq, şəhərdə tikinti-quruculuq işləri, partiya-təsərrüfat fəaliyyəti səngimir. Lakin, Respublikada baş verən hadisələr Sumqayıtdan da yan ötmür və 1992-ci ilin iyun ayında Sumqayıt şəhər İcra Hakimiyyətinin başçısı vəzifəsindən istefa verir.
1993-cü ildə Azərbaycan Respublikası Nazirlər Kabinetinə məsul işə dəvət olunur və 1995-ci ilin may ayına kimi şöbə müdirinin müavini vəzifəsində işləyir.
1995-ci ilin may ayından 1996-cı ilin may ayına kimi Sumqayıt Superfosfat zavodunun, 1996-2000-ci illərdə “Sintezkauçuk” zavodunun direktoru vəzifəsində işləmişdir. 2000-ci ilin avqust ayından 2002-ci ilin yanvar ayına kimi Superfosfat zavodunun direktoru, 2002-ci ildən 2014-cü ilə kimi “Sumqayıt Superfosfat” Açıq Səhmdar Cəmiyyəti idarə heyətinin sədri vəzifəsində işləmişdir.
Hal-hazırda Məcburi Köçkünlərin Sosial İnkişaf Fondunda işlər idarəsinin müdiri-aparatın rəhbəri vəzifəsində işləyir.
1976-cı ildə Ali Komsomol məktəbini, 1990-cı ildə isə Bakı Ali Partiya məktəbini fərqlənmə diplomu ilə bitirmişdir.
1990-cı ildə Respublika Ali Sovetinin deputatı seçilmişdir. 1999-cu ildən 2014-cü ilə kimi Sumqayıt Bələdiyyəsinin üzvü olmuşdur.
Sumqayıt şəhərinin Sosial-İqtisadi İnkişafındakı xidmətlərinə görə Azərbaycan Respublikasının Prezidenti cənab İlham Əliyevin 16 noyabr 2009-cu il tarixli 590 saylı sərəncamı ilə “Şöhrət” ordeni ilə təltif edilmişdir.
YAP Sumqayıt şəhər təşkilatının III, IV, V və VI konfranslarında təşkilatın şura üzvü seçilmişdir.
Ailəsi[redaktə | əsas redaktə]
Ailəlidir, 3 övladı var.
