Hüseyn Axundov (siyasətçi)

Hüseyn Axundov
Hüseyn Axundov
Doğum tarixi	1922
Doğum yeri	Saray, Bakı qəzası, Azərbaycan SSR;
Vəfat tarixi	1986 (63–64 yaşında)
Təhsili	Azərbaycan Dövlət Universitetinin Filologiya fakültəsi (–1953),; Ali partiya məktəbi[d];
Partiyası	Sovet İttifaqı Kommunist Partiyası;
Mükafatları

Hüseyn Axundov (Axundov Hüseyn (Kamal) Yusif oğlu; 1922, Saray, Bakı qəzası – 1986) — siyasi və ictimai xadim.

Həyatı

Hüseyn Axundov 1922-ci ildə Bakının Saray kəndində anadan olub. Bakı Pedaqoji texnikumunu bitirib. 1941-45-ci illərdə Böyük Vətən müharibəsinin iştirakçısı olub. Müharibə illərində vuruşduğu hissələrdə komsomol təşkilatının katibi olan H.Axundov 1943-cü ildə Kommunist partiyasının sıralarına daxil olub.

1953-cü ildə Azərbaycan Dövlət Universitetinin filologiya fakültəsini bitirib. Həmin il Sumqayıt şəhər partiya komitəsinin təbliğat və təşviqat şöbəsinin müdiri vəzifəsinə təyin edilib. 1956-cı ildə şəhər partiya komitəsinin katibi seçilib.

1957-59-cu illərdə Moskvada Ali Partiya Məktəbinin dinləyicisi olub. 1959-cu ildə Sumqayıt şəhər icraiyyə komitəsinin sədrinin birinci müavini təyin edilib. Bir il sonra (1960) şəhər icraiyyə komitəsinin sədri vəzifəsinə irəli çəkilib.

1971-1979-cu illərdə Respublika Dövlət Kinematoqrafiya Komitəsinin sədr müavini vəzifəsində çalışıb.

1986-cı ildə vəfat edib.

Mükafat və təltifləri

"Birinci dərəcəli Böyük Vətən müharibəsi" ordeni
"Qırmızı əmək bayrağı" ordeni

İstinadlar