Sahib Ələkbərov

Sahib Ələkbərov
Sahib Ələkbərov
Azərbaycan Respublikası i̇qtisadiyyat nazirinin müavini
	Vəzifədədir
	1 aprel 2020-ci ildən
Nazir	Mikayıl Cabbarov
Azərbaycan Respublikası vergilər nazirinin müavini
	2 iyul 2010 – 23 oktyabr 2019
Nazir	Fazil Məmmədov; Mikayıl Cabbarov
Azərbaycan Respublikası Dövlət Statistika Komitəsi sədrinin müavini
	25 iyun 2009 – 2 iyul 2010
Sədr	Arif Vəliyev
Bakı şəhəri Səbail Rayon İcra Hakimiyyətinin başçısı
	8 fevral 2005 – 25 iyun 2009
Əvvəlki	Tələt Məcidov
Sonrakı	Asif Əsgərov
Azərbaycan Lenin Kommunist Gənclər İttifaqı Mərkəzi Komitəsinin birinci katibi
	16 dekabr 1985 – 14 sentyabr 1991
Əvvəlki	Cahangir Müslümzadə
Sonrakı	ittifaq ləğv edilib
Şəxsi məlumatlar
Doğum tarixi	10 yanvar 1952 (74 yaş)
Doğum yeri	Samux rayonu, Azərbaycan SSR, SSRİ;
Təhsili	Azərbaycan Neft və Kimya İnstitutu (1972),; Moskva İctimai Elmlər Akademiyası (1984)
Uşağı	Anar Ələkbərov
Rütbəsi	; 3-cü dərəcəli dövlət vergi xidməti müşaviri
Təltifləri

Sahib Nurəddin oğlu Ələkbərov (10 yanvar 1952, Samux rayonu) — Azərbaycan ictimai-siyasi xadimi, Azərbaycan Respublikası i̇qtisadiyyat nazirinin müavini (2020-ci ildən), 3-cü dərəcəli dövlət vergi xidməti müşaviri.

Həyatı

Sahib Nurəddin oğlu Ələkbərov 1952-ci il yanvar ayının 10-da Samux rayonunda anadan olmuşdur.

1972-ci ildə Azərbaycan Neft və Kimya İnstitutunu (indiki Azərbaycan Dövlət Neft Akademiyası), 1984-cü ildə isə Moskva İctimai Elmlər Akademiyasını bitirmişdir.

Ordu sıralarında hərbi xidməti başa vurduqdan sonra, 1974-cü ildən Azərbaycan Dəmir yolu Biləcəri qovşağında mühəndis, 1975-ci ildən 1996-cı ilədək komsomol və partiya orqanlarında, 1996-cı ildən 2005-ci ilədək özəl sahələrdə müxtəlif vəzifələrdə işləmişdir. İki çağırış Azərbaycan SSR Ali Sovetinin deputatı, komissiya sədri olmuşdur.

2005-ci ildən 2009-cu ilədək Bakı şəhəri Səbail rayon İcra Hakimiyyətinin başçısı, 2009-cu ilin iyun ayından Azərbaycan Respublikası Dövlət Statistika Komitəsi sədrinin müavini vəzifələrində çalışmışdır.

Azərbaycan Respublikası Prezidentinin 2 iyul 2010-cu il tarixli Sərəncamı ilə Azərbaycan Respublikası Vergilər nazirinin müavini təyin edilmişdir.^[1]

2020-ci ilin aprel ayından İqtisadiyyat nazirinin müavini vəzifəsində çalışır.

11 fevral 2020-ci ildə vergi xidməti işçilərinin peşə bayramı günü ilə əlaqədar olaraq 3-cü dərəcəli "Vətənə xidmətə görə" ordeni ilə, 10 yanvar 2022-ci ildə isə dövlət qulluğunda səmərəli fəaliyyətinə görə "Şöhrət" ordeni ilə təltif edilmişdir.^[2]

Ailəlidir, üç övladı var. Heydər Əliyev Mərkəzinin direktoru, Azərbaycan Respublikası Prezidentinin köməkçisi Anar Ələkbərovun atasıdır.

İstinadlar

↑ "S.N.Ələkbərovun Azərbaycan Respublikasının vergilər nazirinin müavini təyin edilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI". e-qanun.az saytı (az.). e-qanun.az. 02.07.2010. İstifadə tarixi: 2015-03-06.^{[ölü keçid]}
↑ S. N. Ələkbərovun "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı

Mənbə

Nazirin müavini Sahib Nurəddin oğlu Ələkbərov

[1] "S.N.Ələkbərovun Azərbaycan Respublikasının vergilər nazirinin müavini təyin edilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI". e-qanun.az saytı (az.). e-qanun.az. 02.07.2010. İstifadə tarixi: 2015-03-06.^{[ölü keçid]}

[2] S. N. Ələkbərovun "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı

[1]

[2]