Mehriban Xanlarova

Vikipediya, azad ensiklopediya
Jump to navigation Jump to search
Mehriban Xanlarova
Mehriban Aslan qızı Xanlarova
Mehriban Xanlarova.jpg
Doğum tarixi 12 avqust 1967 (1967-08-12) (52 yaş)
Doğum yeri Bakı, Azərbaycan SSR, SSRİ
Vətəndaşlığı SSRİ SSRİ
Azərbaycan Azərbaycan
Peşəsi aktrisa
Milliyyəti azərbaycanlı
Təhsili
Mükafatları "Azərbaycan Respublikasının əməkdar artisti" fəxri adı
IMDb ID 2928466

Xanlarova Mehriban Aslan qızı — Azərbaycan aktrisası.

Həyatı[redaktə | əsas redaktə]

Mehriban Xanlarova 1967-ci il avqust ayının 12-də Bakıda anadan olub. Yasamal rayonundakı 190 saylı orta məktəbi 1984-cü ildə bitirib. İki il Bakıdakı uşaq oyuncağı fabrikində işləyib. 1986-cı ildə Azərbaycan Dövlət İncəsənət İnstitutunun Dram və kino aktyorluğu fakültəsinə daxil olub. 1990-cı ildə görkəmli aktyor, xalq artisti Məlik Dadaşovun rəhbərlik etdiyi kursu qurtarıb.

Bir müddət azad sənətkar kimi teletamaşalarda oynayıb, "Azərbaycanfilm" kinostudiyasında "Kənar adamlar" (Flora), "Qəzəlxan" (katibə), "Xoşbəxtlər" (müğənninin arvadı) filmlərinə çəkilib. Türkiyənin TRT 1 televiziya kanalının dəvətilə orada "Bizim məhəllə" (Səda) və "Cinlər və pərilər" (Leyla) telefilmlərində əsas rolları ifa edib. 1998-ci il yanvar ayının 1-də Akademik Milli Dram Teatrının aktyor truppasına aktrisa kimi qəbul olunub. İndiyə qədər bu teatrın səhnəsində çox sayda rol alıb. Teatrda işlədiyi illərdə Azərbaycan Dövlət Televiziyasında İlyas Əfəndiyevin "Məhv olmuş gündəliklər" (Anjel) teletamaşasında oynayıb.

Mükafatları[redaktə | əsas redaktə]

24 dekabr 2002-ci ildə Azərbaycan Respublikasının əməkdar artisti fəxri adına layiq görülüb. 9 may 2012-ci ildə, 30 aprel 2014-cü ildə,[1] 6 may 2015-ci ildə[2], 6 may 2016-cı ildə[3], 1 may 2017-ci ildə[4]10 may 2019-cu ildə[5] Prezident Mükafatına layiq görülüb.

Mehriban Xanlarova 2018-ci ildə "Manqurt" tamaşasında ifa etdiyi Nayman Ana obrazına görə, Bişkekdə keçirilən Çingiz Aytmatovun 90 illik yubileyinə həsr olunmuş "Aytmatov və teatr" festivalında "İkinci planda ən yaxşı qadın rolu" nominasiyasının qalibi olub.[6]

Filmoqrafiya[redaktə | əsas redaktə]

  1. Ayrılıq imiş (film, 2008)
  2. Bəxtəvər (film, 1990)
  3. Bircəciyim (film, 1986)
  4. Biz qayıdacağıq (film, 2007)
  5. Bizim Məhəllə-Səda (Türkiyə)
  6. Bomba (film, 2005)
  7. Böyük ömrün davamı (film, 2007)
  8. Cinlər və Pərilər-Leyla (Türkiyə)
  9. Ərazi (film, 2005)
  10. Həkimlər
  11. Kənar adamlar (film, 1992)
  12. Kuklalar (film, 2010)
  13. Qəzəlxan (film, 1991)
  14. Məhkumlar (film, 2007)
  15. Məhv olmuş gündəliklər (film, 1999)
  16. Rami (film, 2007)
  17. Rejissor. Ramiz Əsgərov haqqında... (film, 2004)
  18. Sahilsiz gecə (film, 1989)
  19. Satko
  20. Sifarişçi (film, 2000)
  21. Son arzu (film, 2003)
  22. Şəbəkə (film, 2011)
  23. Təlatüm (film, 2006)
  24. Toy gecəsi (serial, 2013)
  25. Taxta Ayı (serial, 2018)

İstinadlar[redaktə | əsas redaktə]

  1. İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı
  2. İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı
  3. İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı
  4. President.Az (01.05.2017). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2017-05-02. Check date values in: |date= (kömək); External link in |publisher= (kömək)
  5. President.Az (10.05.2019). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2019-05-10. Check date values in: |date= (kömək); External link in |publisher= (kömək)
  6. Qafqazinfo (18.11.2018). "Mehriban Xanlarova Bişkekdə mükafat aldı" (azərb.). Qafqazinfo.az. İstifadə tarixi: 2018-11-18. Check date values in: |date= (kömək); External link in |publisher= (kömək)