Fatma Yıldırım

Vikipediya, azad ensiklopediya
Jump to navigation Jump to search
Fatma Yıldırım
Fatma Vidadi qızı Yıldırım
Fatma Yıldırım.jpg
bayraqAzərbaycan Milli Məclisinin VI çağırış üzvübayraq
10 mart 2020 — hal-hazırda
Şəxsi məlumatlar
Doğum tarixi (48 yaş)
Doğum yeri Bakı, Azərbaycan SSR, SSRİ
Vətəndaşlığı SSRİ SSRİ
Azərbaycan Azərbaycan
Partiya
Təhsili BDU
Atası Vidadi Əliyev

Fatma Vidadi qızı Yıldırım (d. 12 yanvar 1973; Bakı, Azərbaycan SSR) — fizika-riyaziyyat elmləri namizədi,[1] Azərbaycan Milli Məclisinin VI çağırış üzvü.[2]

Həyatı[redaktə | mənbəni redaktə et]

Fatma Yıldırım 1974-cü il yanvarın 12-də Bakı şəhərində anadan olub. 1990-1995-ci illərdə Bakı Dövlət Universitetində (BDU) fizika üzrə ali təhsil alıb. Fizika-riyaziyyat üzrə elmlər namizədidir.

Ailəsi[redaktə | mənbəni redaktə et]

Fatma Yıldırım ailəlidir, 2 övladı var.

Fəaliyyəti[redaktə | mənbəni redaktə et]

Əmək fəaliyyəti[redaktə | mənbəni redaktə et]

Fatma Yıldırım 2012-2016-cı illərdə İçərişəhər Dövlət Tarix-Memarlıq Qoruğu İdarəsində insan resursları şöbənin müdir müavini, 2016-2018-ci illərdə isə Mənzil İnşaatı Dövlət Agentliyində (MİDA) insan resursları şöbəsinin müdiri vəzifəsində çalışıb.

2018-ci ildən o, Dövlət Şəhərsalma və Memarlıq Komitəsində insan resursları şöbəsinin müdiri vəzifəsində çalışırdı.

Siyasi fəaliyyəti[redaktə | mənbəni redaktə et]

2012-ci ildən çalışdığı qurumlarda Yeni Azərbaycan Partiyasının ərazi üzrə təşkilatlarının sədr müavini olub, eyni müddət ərzində Birləşmiş Həmkarlar İttifaqı Komitəsinə sədrlik edib.

Fatma Yıldırım Belçika Krallığında 2003-cü ildə yaradılmış "Avropa Azərbaycanlıları Mərkəzi"nin təsisçisi və rəhbəri olub.[1]

2020-ci il fevralın 9-da baş tutan Parlament seçimlərində 93 saylı Bərdə şəhər dairəsindən Yeni Azərbaycan Partiyasının (YAP) namizədi olan Fatma Yıldırım, 65.70 % səslə VI çağırış Milli Məclisin deputatı seçildi.[3] Milli Məclisin Elm və təhsil komitəsinin, habelə Təbii ehtiyatlar, energetika və ekologiya Komitəsinin üzvüdür.

Belçika, Çexiya, İsrail, İtaliya, Qazaxıstan, Latviya, Niderland, Özbəkistan, Rusiya, Səudiyyə Ərəbistanı, Türkiyə parlamentləri ilə əlaqələr üzrə işçi qruplarının üzvüdür.[2]

GUAM-ın Parlament Assambleyasında Azərbaycan nümayəndə heyətinin üzvüdür.[2]

İstinadlar[redaktə | mənbəni redaktə et]

  1. 1 2 "YAP-ın deputatlığa namizədi- FATMA YILDIRIM KİMDİR?". etikxeber.az (az.). 29 dekabr 2019. İstifadə tarixi: 6 avqust 2021.
  2. 1 2 3 "YILDIRIM Fatma Vidadi qızı". meclis.gov.az (az.). Azərbaycanın Milli Məclisi. (#parameter_ignored); (#cite_web_url); (#accessdate_missing_url)
  3. "Candidates elected by constituencies in the Parliamentary elections to be held in Azerbaijan on february 9, 2020" (az.)). 10.02.2020. 20.08.2020 tarixində arxivləşdirilib. İstifadə tarixi: 20.08.2020.