Könül Nurullayeva

Vikipediya, açıq ensiklopediya
Keçid et: naviqasiya, axtar
Könül Nurullayeva
Könül Nurullayeva
Könül Nurullayeva IV İslam Həmrəyliyi Oyunlarının Medal təqdimetmə mərasimində
Bayraq
Azərbaycan Milli Olimpiya Komitəsinin
Beynəlxalq Əlaqələr İdarəsinin rəisi
2007 — 2017
 
Vətəndaşlığı: Flag of Azerbaijan.svg Azərbaycan
Doğum tarixi: 01.12.1985
Doğum yeri: Bakı

Könül Nurullayeva — ictimai xadim, Azərbaycan Milli Olimpiya Komitəsinin Beynəlxalq Əlaqələr İdarəsinin rəisi, Avropa Olimpiya Komitəsinin "İdmanda Gender Bərabərliyi" Komissiyasının üzvü, İslam Həmrəyliyi İdman Federasiyasının İcraiyyə Komitəsinin üzvü, Vankuver 2010 və Soçi Qış Olimpiya Oyunlarında Azərbaycan nümayəndə heyətinin rəhbəri, "Bakı 2020" Təşkilat Komitəsinin icraçı direktoru, "Bakı 2017" İslam Həmrəyliyi Oyunlarının Təşkilat Komitəsinin katibi

Həyatı[redaktə | əsas redaktə]

Könül Nurullayeva 1985-ci il dekabırın 1-də Bakı şəhərində anadan olmuşdur.

1992-2000-ci illərdə N.Tusi adına orta məktəbdə təhsil almışdır.

2000-2003-cü illərdə 6 saylı orta məktəbi bitirmişdir.

2003-2008-ci illərdə Azərbaycan Dillər Universiteti Avropaşünaslıq və Beynəlxalq Əlaqələr bölməsində təhsil almışdır.

2008-2010-cu illərdə Azərbaycan Dillər Universitetində Avropaşünaslıq və Beynəlxalq Əlaqələr üzrə magistr pilləsinə yiyələnib.

2015-ci ildən etibarən Azərbaycan Milli Elmlər Akademiyasının nəzdində olan AMEA Abbasqulu Ağa Bakıxanov adına Tarix İnstitutunda dissertantdır.

Fəaliyyəti[redaktə | əsas redaktə]

Könül Nurullayeva idman fəaliyyəti dövründə bir sıra layihələrə rəhbərlik etmişdir. Gənc yaşlarından bir sıra idman tərbilərinin baş koordinatoru olaraq, Azərbaycanda keçirilən bir çox konfrans, seminar, idman layihələrini həyata keçirmişdir. Həmən layihələrə "MDB və Baltikyanı ölkələrin MOK liderlərinin Regional Forumu", "Avropa Ədalətli Oyunlar Hərəkatının Konqresi", "Yeniyetmələrin Olimpiya Oyunlarının atletika üzrə Avropa Təsnifat yarışı", "Bakı 2014" Avropa Atletika Konvensiyası, "Avropa Oimpiya Komitəsinin 43-cü Baş Assambleyası" və s. kimi tədbirlər daxildir. Bundan əlavə Azərbaycan "Bakı 2020" Yay Olimpiya Oyunlarına iddaçı şəhər olduğu zaman Könül Nurullayeva Təşkilat Komitəsinin icraçı direktoru vəzifəsini icra etmişdir.

2009-2016-ci illər arası Azərbaycan Atletika Federasiyasının İcraiyyə Komitəsinin üzvü və həmən Federasiyada Beynəlxalq Əlaqələr İdarəsinin rəisi kimi çalışmışdır.

2009-cu ildə Finlandiyanın Tampere və 2011-ci ildə Türkiyənin Trabzon şəhərlərində keçirilən Yeniyetmələrin Avropa Olimpiya Festivalları zamanı Azərbaycan nümayəndə heyətinin rəhbərinin müavini vəzifəsini icra etmişdir. Eyni zamanda o, 2012-ci ildə London Yay Olimpiya Oyunları zamanı Azərbaycan nümayəndə heyətinin rəhbərinin müavini olmuşdur.

2010-cu ildə Azərbaycanın idman tarixində ilk dəfə olaraq qadın Missiya rəhbəri təyin olunaraq Vankuver Qış Olimpiya Oyunlarında Azərbaycan nümayəndə heyətini müşahidə etmişdir. Növbəti Qış Olimpiya Oyunları 2014-cü ildə Rusiyanın Soçi şəhərində keçirilən zaman, Könül Nurullayeva yenidən həmən vəzifəni icra etmişdir.

2013-cü ildə Könül Nurullayeva İslam Həmrəyliyi İdman Federasiyasının İcraiyyə Komitəsinin iclası zamanı Federasiyaya 1963-cü ildən etibarən seçilən ilk xanım üzv oldu.

2015-ci ildə Azərbaycanda ilk dəfə keçirilən "Bakı 2015" Avropa Oyunlarında Azərbaycan nümayəndə heyətinin rəhbəri vəzifəsini icra etmişdir. 2017-ci ildə keçirilən 4-cü İslam Həmrəyliyi Oyunlarının Təşkilat Komitəsinin katibi, eyni zamanda Azərbaycan İslam Həmrəyliyi Oyunlarının keçirilməsi üçün yaradılmış Əməliyyat Komitəsində İslam Həmrəyliyi İdman Federasiyası və Milli Olimpiya Komitələri ilə Əlaqələr idarəsinin müdiri olaraq çalışmışdır.

2017-ci ilin noyabırın 19-u İslam Həmrəyliyi İdman Federasiyasının 26-cı İcraiyyə Komitəsinin iclası zamanı Könül Nurullayeva ikinci dəfə İcraiyyə Komitəsinin üzvü seçilir.

Hal-hazırda Könül Nurullayeva Dünya Ekspo Sərgisinə Bakı şəhəri ev sahibliyi etmək üçün verdiyi namizədliyi ilə əlaqədar yaradılmış "Expo - 2025" işçi qrupunun üzvüdür.

Mükafatları[redaktə | əsas redaktə]

2002-ci ildə "Hewlett-Packard Challenge" tədbirində müvəffəqiyyətli iştirakına görə "Zirvə 1" komandasının kapitanı kimi sertifikat ilə təltif olunmuşdur. Həmən ildə "Business Challenge" dünya yarışında yarımfinala yüksəldiyinə görə sertifikata layiq görülmüşdür.

2005-ci ildə "Avropa Gənclər Fondunun" maliyyə dəstəyi ilə Beynəlxalq Gənclərin İnkişafı Agentliyi tərəfindən keçirilən "Beynəlxalq Gəncliyin İnkişafı" seminarında sertifikatla təltif olunmuşdur.

İstinadlar[redaktə | əsas redaktə]

http://apasport.az/news/68619

https://az.trend.az/azerbaijan/baku5015/2411650.html

http://az.sportbox.az/other/117736/konul-nurullayeva-avropa-oyunlarinda-esas-kemiyyet-deyil-keyfiyyetdir

http://www.movqe.az/news/idman/57080.html

https://metbuat.az/news/171467/konul-nurullayeva-avropa-oyunlari-bizim-ucun-boyuk-nailiyyet.html

https://oxu.az/sport/79970

http://marja.az/news/16452?title=azerbaycanli-xanim-yuksek-vezifede-uzv-secildi