Rasim Musabəyov
 | Bu məqalənin bəzi məlumatlarının mənbəsi göstərilməmişdir. Daha ətraflı məlumat üçün məqalənin müzakirə səhifəsinə baxa və məqaləyə uyğun formada mənbələr əlavə edib Vikipediyanı zənginləşdirə bilərsiniz. |
 | Bu məqaləni vikiləşdirmək lazımdır. Lütfən, məqaləni ümumvikipediya və redaktə qaydalarına uyğun şəkildə tərtib edin. |
| Rasim Musabəyov | |
|---|---|
 | |
| Doğum tarixi | 1 yanvar 1951 |
| Doğum yeri | Bakı |
| Vətəndaşlıq | |
| Peşəsi | siyasətçi |
| Təhsili | |
Musabəyov Rasim Nəsrəddin oğlu (1 yanvar 1951, Bakı) — politoloq, millət vəkili.
Həyatı[redaktə | əsas redaktə]
Rasim Musabəyov 1951-ci ildə Bakı şəhərində anadan olmuşdur. 1968-ci ildə Azərbaycan Neft və Kimya İnstitutunun (indiki Neft Akademiyası) avtomatlaşdırma fakültəsinə daxil olmuşdur. 1972-ci ildə həmin institutun komsomol komitəsinin katibi seçilmişdir. 1974-cü ildə Azərbaycan komsomolu MK-nin tələbə şöbəsinin müdiri vəzifəsinə təyin olunmuşdur. 1976-cı ildən 1982-ci ilə qədər Moskvada ÜLKGİ MK-nin aparatında işləmişdir. 1982-1985 illərdə Moskvada aspiranturada oxumuş və fəlsəfə elmləri namizədi alimlik dərəcəsi almaq üçün dissertasiya müdafiə etmişdir. 1985-1989-cu illərdə elmi-pedaqoji fəaliyyətlə məşğul olmuşdur. Moskvada Gənclər İnstitutunun (indiki Sosial-humanitar Akademiyasının) millətlərarası münasibətlər şöbəsinin müdiri olmuşdur. 1989-cu ildə Azərbaycana qayıtmışdır. Əvvəlcə Bakı Ali Partiya məktəbində sosiologiya laboratoriyasına rəhbərlik etmiş, 1990 - 1991-ci illərdə isə Kommunist partiyası Bakı Komitəsinin ideoloji şöbəsinin müdiri işləmişdir. 1991-1992-ci illərdə Azərbaycan Respublikası Prezident aparatında millətlərarası münasibətlər üzrə Müşavir işləmişdir. 1992-1993-cü illərdə Azərbaycan Respublikası Milli Məclis aparatında Müşavir işləmişdir. 1994-1999-cu illərdə Bakı Politologiya İnstitutunda dosent vəzifəsində işləmişdir.
Hazırda müstəqil analitikdir.
Azərbaycan, ABŞ, Böyük Britaniya, Kanada, İsveç, Almaniya, Rusiya, Türkiyə, Çin, Gürcüstan, Ermənistanda və s. çap olunmuş 150-dən çox kitab, kitabça və elmi məqalələrin müəllifidir.
"Əmək rəşadətinə görə" medal ilə (1972) təltif olunmuşdur.
1990-1995-ci illərdə Bakı Şəhər Sovetinin deputatı olmuşdur.
1995-2005-ci illərdə "Müsavat" partiyası Ali rəhbərliyinin tərkibində olmuşdur.
2005-2008-ci illərdə Azərbaycan Mətbuat Şurasının üzvü olunmuşdur.
2006-2010 cı illərdə Açıq Cəmiyyət İnstitutu-Yardım Fondunun İdarə Heyətinin üzvü olmuşdur.
2010-cu ildə millət vəkili seçilmişdir.
Evlidir, bir qızı var.
İstinadlar[redaktə | əsas redaktə]
Xarici keçidlər[redaktə | əsas redaktə]
 |
Vikisitatda Rasim Musabəyov ilə əlaqədar sitatlar var. |
- Vikipediya:Mənbəsiz məqalələr
- Vikipediya:Vikiləşdiriləcək məqalələr
- 1 yanvarda doğulanlar
- 1951-ci ildə doğulanlar
- Əlifba sırasına görə şəxslər
- Azərbaycan Dövlət Neft və Sənaye Universitetinin məzunları
- Bakıda doğulanlar
- Azərbaycan politoloqları
- Azərbaycan Respublikası Milli Məclisinin IV çağırış deputatları
- Azərbaycan Mətbuat Şurasının üzvləri
- Azərbaycan Respublikası Milli Məclisinin V çağırış deputatları
