Tamerlan Qarayev

Vikipediya, açıq ensiklopediya
Jump to navigation Jump to search
Tamerlan Qarayev
Tamerlan Yelmar oğlu Qarayev
Tamerlan Qarayev.jpg
bayraqAzərbaycan Respublikası Ali Sovetinin birinci müavinibayraq
18 may 1992 — 3 sentyabr 1993
bayraqAzərbaycan Respublikasının Çin Xalq Respublikasındakı Fövqaladə və Səlahiyyətli Səfiribayraq
3 sentyabr 1993 — 7 may 2001
Xələfi Yaşar Əliyev
bayraqAzərbaycan Respublikasının Hindistan Respublikasındakı Fövqaladə və Səlahiyyətli Səfiribayraq
1 sentyabr 2004 — 15 sentyabr 2011
Xələfi İbrahim Hacıyev
bayraqAzərbaycan Respublikasının İndoneziya Respublikasındakı Fövqaladə və Səlahiyyətli Səfiribayraq
15 sentyabr 2011 — 13 dekabr 2018
Sələfi təsis edilməyib
bayraqAzərbaycan Respublikasının Litva Respublikasında fövqəladə və səlahiyyətli səfiribayraq
13 dekabr 2018 — indiyə kimi
Sələfi təsis edilməyib

Təhsili Bakı Dövlət Universiteti hüquq fakültəsi
Elmi dərəcəsi Fövqəladə və Səlahiyyətli Səfiri dərəcəsi
İxtisası Hüquqşünas
Fəaliyyəti Siyasətçi
Doğum tarixi 30 yanvar 1952 (1952-01-30) (67 yaş)
Doğum yeri Qasımlı, Ağdam rayonu Flag of the Azerbaijan Soviet Socialist Republic.svg Azərbaycan SSR
Elmi fəaliyyəti
Elm sahəsi Hüquq
Tanınır Diplomat

Qarayev Tamerlan Yelmar oğlu — diplomat, hüquqşünas, Azərbaycan Ali Soveti sədrinin keçmiş müavini, Azərbaycanın Çindəki, Hindistandakı və İndoneziyadakı keçmiş səfiri. Hazırda Azərbaycanın Litva Respublikasında fövqəladə və səlahiyyətli səfiri.

Həyatı[redaktə | əsas redaktə]

Tamerlan Qarayev 1952-ci il yanvarın 30-da Azərbaycan SSR-də Ağdam rayonunun Qasımlı kəndində anadan olmuşdur. 1973-cü ildə Azərbaycan Dövlət Universitetinin (indiki BDU) hüquq fakültəsini fərqlənmə diplomu ilə bitirmişdir. 1973-1978-ci illərdə Bakı Prokurorluğunda İstintaq şöbəsində prokuror işləmişdir. 1978-1991-ci illərdə ADU-nun Cinayət hüququ kafedrasında müəllim, baş müəllim, dosent, fakültə dekanının müavini olmuşdur. 1991-1993-cü illərdə Azərbaycan Respublikası Ali Soveti sədrinin müavini, birinci müavini vəzifələrində çalışmış, həm də 1992-1993-cü illərdə Azərbaycan Respublikası Milli Məclisinin üzvü olub. 1993-cü il sentyabrın 3-də Azərbaycan Respublikası Ali Sovetinin sədri Heydər Əliyev tərəfindən Tamerlan Qarayevə Azərbaycan Respublikasının Fövqəladə və Səlahiyyətli Səfiri dərəcəsi verildi[1]. Hüquq elmləri namizədidir. Evlidir, 2 övladı var.

İctimai-siyasi fəaliyyəti[redaktə | əsas redaktə]

1990-cı il 22 yanvar tarixində AXC Məclisinin üzvü və ADU hüquq fakültəsinin dosenti T.Y.Qarayev ictimaiyyət nümayəndəsi kimi 20 Yanvar hadisələrini təhqiq edən Azərbaycan SSR Ali Sovetinin deputat-istintaq komissiyasına üzv seçilmiş və məlum komissiyanın sədr müavini təyin edilmişdir. 1990-cı il 30 aprel – 1 may tarixində Göyçayda baş tutan AXC Məclisinin iclasında AXC Məclisinin ilk daimi sədri seçildi[2]. 1990-1991-ci illərdə AXC Məclisinin sədri olmuşdu. 1990-cı il xalq deputatı seçkilərində Azərbaycan Ali Sovetinə xalq deputatı seçildi.

1991-1992-ci illərdə Ali Sovet sədrinin müavini[3][4], 1992-1993-cü illərdə isə Ali Sovet sədrinin I müavini olmuşdur[5][6]. T.Y.Qarayev 26 noyabr 1991-ci ildə təşkil edilən Azərbaycan Respublikası Ali Sovetinin Milli Şurasının tərkibinə daxil edilmişdir[7]. O, 1991-ci ildə Ukrayna[8], Estoniya[9], Latviya[10] və Litvanın[11] dövlət müstəqilliyinin tanınması haqqında qərarları Azərbaycan Respublikası Ali Sovetinin Milli Şurası adından imzalayıb. 1992-ci ildə T.Qarayev AXC-dən çıxmış, öz siyasi partiyasını - “Doğru yol” Partiyası (DYP) yaratmış, 1992-ci ilin prezident seçkilərində AXC sədri Əbülfəz Elçibəyə qarşı öz namizədliyini irəli sürmüşdü[12]. T.Qarayev 1992-ci ildə prezidentliyə 7 namizəddən biri oldu, amma 1992-ci il iyunun 5-də öz namizədliyini geri götürdü.

1993-2001-ci illərdə Çində, 2004-2011-ci illərdə Hindistanda, 2011-2018-ci illərdə İndoneziyada səfir olmuşdur. Azərbaycan Respublikasının prezidenti İlham Əliyev 13 dekabr 2018-ci ildə onu İndoneziya, Filippin, Sinqapur, Timor-Lestedə səfir postundan geri çağıraraq Azərbaycanın Litva Respublikasında fövqəladə və səlahiyyətli səfiri təyin etmişdir[13].

Hacı Əbdül Qatır Məmməd ləqəbli Ağdam komandiri Yaqub Rzayevin müəmmalı ölümü və ona ölümündən əvvəl dediklərini danışıb. O, "Qatır Məmməd"in dilindən eşitdiklərini, Azərbaycanın yüksək vəzifəli məmurlarının olduğu "Mi-8" vertolyotunun vurulması əmrinin Tamerlan Qarayev tərəfindən verildiyini deyir.[14][15][16][17]

İstinadlar[redaktə | əsas redaktə]

  1. AZƏRBAYCAN RESPUBLİKASI PREZİDENTİNİN FƏRMANI
  2. AXC Ali Məclisinin ilk sədri
  3. 7 fevral 1991-ci il
  4. 18 may 1992-ci il
  5. Tamerlan Yelmar oğlu Qarayev
  6. 3 sentyabr 1993-cü il
  7. "Azərbaycan Respublikası Ali Soveti Milli Şurasının təşkil edilməsi haqqında" Azərbaycan Respublikası Ali Sovetinin 26 noyabr 1991-ci il tarixli, 276-XP nömrəli Qərarı. e-qanun.az  (azərb.)
  8. "Ukraynanın dövlət müstəqilliyinin tanınması haqqında" Azərbaycan Respublikası Ali Soveti Milli Şurasının 6 dekabr 1991-ci il tarixli, 7 nömrəli Qərarı. e-qanun.az  (azərb.)
  9. "Estoniya Respublikasının dövlət müstəqilliyinin tanınması haqqında" Azərbaycan Respublikası Ali Soveti Milli Şurasının 6 dekabr 1991-ci il tarixli, 8 nömrəli Qərarı. e-qanun.az  (azərb.)
  10. "Latviya Respublikasının dövlət müstəqilliyimin tanınması haqqında" Azərbaycan Respublikası Ali Soveti Milli Şurasının 6 dekabr 1991-ci il tarixli, 9 nömrəli Qərarı. e-qanun.az  (azərb.)
  11. "Litva Respublikasının dövlət müstəqilliyinin tanınması haqqında" Azərbaycan Respublikası Ali Soveti Milli Şurasının 6 dekabr 1991-ci il tarixli, 10 nömrəli Qərarı. e-qanun.az  (azərb.)
  12. Tamerlan Qarayevin prezidentliyə namizədliyini kim verib?
  13. T.E.Qarayevin Azərbaycan Respublikasının Litva Respublikasında fövqəladə və səlahiyyətli səfiri təyin edilməsi haqqında Azərbaycan Respublikası Prezidentinin Sərəncamı. 14 dekabr 2018 tarixində mənbəyindən arxivlənmişdir. Çıxış tarixi: 14 dek 2018.
  14. Tamerlan Qarayev dedi vurun vertoloyotu
  15. Ayaz Mütəllibovdan Hacı Əbdülün dediklərinə REAKSİYA: “Qarakənddə vertolyotu Qatır Məmmədin vurmasını iddia etmək...”
  16. Hacı Əbdüllə hadisə kimi müsahibə: “Tamerlan Qarayev Qatır Məmmədə demişdi...”
  17. ““Qatır Məmməd”-in etirafından sonra Tamerlan Qarayev dindirilməli idi”

Mənbə[redaktə | əsas redaktə]

Həmçinin bax[redaktə | əsas redaktə]

Xarici keçidlər[redaktə | əsas redaktə]