Yaşar Əliyev (deputat)

Vikipediya, açıq ensiklopediya
Jump to navigation Jump to search
Yaşar Əliyev
Yaşar Tofiqi oğlu Əliyev
Doğum tarixi 5 iyul 1948 (1948-07-05) (71 yaş)
Vətəndaşlığı Azərbaycan Respublikası
Həyat yoldaşı Rəna Əliyeva
Uşaqları Rüfət Əliyev, Səbinə Əliyeva
Atası Tofiqi Əliyev
Milliyyəti Azərbaycanlı
İxtisası Tibb elmləri doktoru, professor
Təhsili Ali
Fəaliyyəti Tibb, ictimai - siyasi, beynəlxalq, diplomatik
Mükafatları "Şöhrət" ordeni (Azərbaycan), Prezident təqaüdü

Yaşar Tofiqi Əliyev — Azərbaycan SSRİ-nin 12-ci çağrış deputatı, Azərbaycan Respublikası Milli Məclisinin I və II çağırış deputatı. Azərbaycan Respublikasının Çin Xalq Respublikasında Fövqəladə və Səlahiyyətli səfiri (2002-2012), "Şöhrət" Ordenli, prezident təqaüdçüsü

Həyatı[redaktə | əsas redaktə]

Əliyev Yaşar Tofiqi oğlu. 5 iyul 1948-ci ildə Bakı şəhərində anadan olub. 1966-cı ildə Bakı şəhəri 1 saylı orta məktəbi bitirdikdən sonra N.Nərimanov adına Azərbaycan Tibb İnstitutuna daxil olmuş və 1971-ci ildən oranı bitirərək həkim ixtisasına yiyələnmişdir.

Əmək fəaliyyətinə 1972-ci ilin yanvar ayından Zaqulba sanatoriyasında həkim kimi başlamış, 1975-ci ilin oktyabr ayından 1979-cu ilin may ayınadək Bakı şəhəri Əzizbəyov rayon Komsomol Komitəsinin II katibi vəzifəsində çalışmışdır. Sonrakı əmək fəaliyyəti Semaşko adına xəstəxana ilə bağlıdır. Burada 1982-ci ilin dekabr ayına kimi cərrahiyyə şöbəsində həkim, sonra isə baş həkimin müavini və 1984-cü ilin mart ayından xəstəxanasının baş həkimi işləmişdir.

1990-cı ildə Azərbaycan SSRİ XII çağırış Ali Sovetinin deputatı, 1992-ci ildə isə Milli Məclisin 50 nəfərlik üzvündən 1-i seçilmişdi. 1994-cü il oktyabrın 14-dən əmək fəaliyyətini Azərbaycan Respublikası Ali Soveti sədrinin müavini, 1995-ci il I çağırış Azərbaycan Respublikası Milli Məclisinə seçilərək, Milli Məclis sədrinin müavini kimi fəaliyyət köstərmişdir. 2000-ci ildə 2-ci çağrış Azərbaycan Respublikası Milli Məclisinə keçirilən seçkilərdə növbəti dəfə seçilmişdir. Həmin illərdə Milli Məclisdə çalışdığı dövrdə, müxtəlif Beynəlxalq qurum və təşkilatlarda təmsil olunmuşdur. Həmçinin, MDB ölkələrinin Parlament Assambleyasının Şurasının üzvü olmuş, Qara Dəniz İqtisadi Əməkdaşlıq Təşkilatının 2 dəfə vitse-prezidenti seçilmiş, Azərbaycan-İran dövlətlər arası komissiyasının sədri olmuşdur. Azərbaycan Respublikasının Konstitusiyasının qəbulu üzrə Dövlət Komissiyasının üzvü olmuşdur.

2002-ci ilin iyul ayında Azərbaycan Respublikasının Prezidenti Heydər Əliyevin Sərəncamı ilə Azərbaycan Respublikasının Çin Xalq Respublikasında Fövqəladə və Səlahiyyətli Səfiri təyin olnmuş və deputat səlahiyyətlərinə xitam verilmişdir. 2002-2011-ci illərdə Çin Xalq Respublikasından əlavə Vyetnam, Monqolustan, Cənubi və Şimali Koreya dövlətlərində ölkəmizin Fövqəladə və Səlahiyyətli Səfiri təyin olunmuşdur. 20-dən çox elmi əsərin müəllifidir. Yeni Azərbaycan Partiyasının üzvüdür. Evlidir, iki övladı var.

Təltifləri[redaktə | əsas redaktə]

  • 27 iyul 2011-ci ildə Azərbaycan Respublikasının Prezidenti İlham Əliyevin Sərəncamı ilə “Şöhrət” ordeni ilə təltif olunmuşdur.
  • 02 iyul 2013-ci ildə Azərbaycan Respublikasının Prezidenti İlham Əliyevin Sərəncamı ilə Y.Əliyev Azərbaycan Respublikasının ictimai-siyasi həyatında fəal iştirakına görə fərdi təqaüdə layiq görülüb.
  • 2000-ci ildə Müstəqil Dövlətlər Birliyinin “Sodrujestvo” ordeni ilə təltif olunmuşdur.
  • 1997-ci ildən Ukrayna Akademiyasının tibb doktorudur.
  • 2003-ci ildən Moldova ---- fəxri doktorudur.

Çin Xalq Respublikasında səfir kimi[redaktə | əsas redaktə]

Yaşar Əliyev tibb universitetin bitirmiş, səhiyyə sahəsində rəhbər vəzifələrdə çalışmış, Azərbaycan Respublikası Milli Məclisinin 10 il deputatı, 7 il isə sədr müavini vəzifəsində, 10 il ölkəmizi Çin Xalq Respublikasında təmsil etmişdi. Çox cavan yaşlarından siyasətə qoşulan Yaşar Əliyevi ciddi siyasətçi, təcrübəli parlamentari hesab olunurdu. O, hələ gənc yaşlarından həkim kimi səhiyyə sistemimizin inkişaf etdirilməsi üçün çalışıb. Həyatının müəyyən mərhələsindən sonra o, yeni bir fəaliyyət istiqamətinə keçib. Uzun illər Azərbaycanı bir çox beynəlxalq tədbirlərdə təmsil edib. Uzun illər Azərbaycanın Çin Xalq Respublikasındakı səlahiyyətli və fövqəladə səfiri kimi fəaliyyət göstərib. Həmçinin, özünün təcrübəsi, dünyagörüşü, işə ciddi münasibəti ilə həmin ölkədəki digər diplomatlardan seçilməyi, fərqlənməyi bacarıb.

Səfir işlədiyi müddətdə Çində dəfələrlə Azərbaycan günləri keçirildi. Xüsusi olaraq Çində Olimpiya Oyunları keçirilən il böyük bir mədəniyyət tədbiri - Çində Azərbaycan Mədəniyyəti Günləri keçirildi. Yaşar müəllim Şərq ölkələri ilə, o cümlədən Koreya, Monqolustan, İndoneziya, Malayziya, Hindistan, Yaponiya və digər ölkələrlə əlaqələrin qurulmasında da müstəsna rol oynayıb. Bütün əlaqələrin qurulmasında böyük savad, qabiliyyət, intellekt, keyfiyyət faktoru dururdu.

İstinadlar[redaktə | əsas redaktə]


Xarici keçidlər[redaktə | əsas redaktə]