Qulamhüseyn Əlibəyli

Vikipediya, azad ensiklopediya
Jump to navigation Jump to search
Qulamhüseyn Əlibəyli
Qulamhüseyn Əlibəyli.jpg
bayraqAzərbaycan Milli Məclisinin III çağırış üzvübayraq
24 noyabr 1995 — 30 noyabr 2000
bayraqAydınlar Partiyasının sədri
20 noyabr 2009 — hal-hazırda
Şəxsi məlumatlar
Partiya
Təhsili Azərbaycan Dövlət Universiteti
Doğum tarixi (62 yaş)
Doğum yeri Masallı, Azərbaycan SSR
Vətəndaşlığı Azərbaycan Azərbaycan

Qulamhüseyn Surxay oğlu Əlibəyli (d. 8 sentyabr 1958; Masallı, Azərbaycan SSR) — azərbaycanlı dövlət və siyasi xadim, Azərbaycan Milli Məclisinin III çağırış üzvü, Aydınlar Partiyasının sədri (2009—).

Həyatı[redaktə | əsas redaktə]

Qulamhüseyn Əlibəyli 1958-ci il sentyabrın 8-də Masallı rayonunun Köhnə Alvadı qəsəbəsində şəhərində anadan olub. S. Kirov adına Azərbaycan Dövlət Universitetində hüquq üzrə ali təhsil alıb, təhsilini fərqlənmər diplomu ilə başa vurub. 1981—1985-ci illərdə S. Kirov adına Azərbaycan Dövlət Universitetində Konstitusiya hüququ Kafedrasının aspirantı olub. İngilis və rus dillərini bilir. 1995—2008-ci illərdə Azərbaycan Xalq Cəbhəsi Partiyasının (AXCP) üzvü, 2009-cu ildən isə Aydınlar Partiyasının sədridir.

Qulamhüseyn Əlibəyli ailəlidir, dörd övladı var.

Fəaliyyəti[redaktə | əsas redaktə]

Qulamhüseyn Əlibəyli 1995-ci ildən Azərbaycan Xalq Cəbhəsi Partiyası (AXCP) Ali Məclisinin sədri idi.

1995-ci il noyabrın 12-də baş tutan Parlament seçimlərində Azərbaycan Xalq Cəbhəsi Partiyasının (AXCP) siyahısı üzrə 3-cü sırada olan Qulamhüseyn Əlibəyli I çağırış Milli Məclisin deputatı seçilib. 1995-ci il noyabrın 24-dən səlahiyyətlərinin icrasına başlayan Qulamhüseyn Əlibəyli Milli Məclisin Hüquq siyasəti və dövlət quruculuğu Daimi Komissiyasının və Azərbaycan—BƏƏ parlamentlərarası əlaqələr üzrə işçi qrupunun üzvü olub.[1][2]

Daha sonra 2000-ci il noyabrın 5-də baş tutan Parlament seçimlərində Azərbaycan Xalq Cəbhəsi Partiyasının (AXCP) siyahısı üzrə 2-ci sırada olan Qulamhüseyn Əlibəyli II çağırış Milli Məclisin deputatı seçilib. 2000-ci il noyabrın 12-dən səlahiyyətlərinin icrasına başlayan Qulamhüseyn Əlibəyli Milli Məclisin Hüquq siyasəti və dövlət quruculuğu məsələləri Daimi Komissiyasının və Azərbaycan—Yunanıstan parlamentlərarası əlaqələr üzrə işçi qrupunun üzvü olub.[3][4]

Qulamhüseyn Əlibəyli 2008-ci ildə baş tutan Prezident seçimlərində mübarizə apardı. Nəticədə 81 120 səslə (2.20 %) 7 namizəd sırasında 5-ci pillədə qərarlaşdı.

Qulamhüseyn Əlibəylinin 2008-ci ildə Azərbaycan Xalq Cəbhəsi Partiyasından (AXCP) qalmaqallı formada istefa verməsindən sonra o, 2008-ci il noyabrın 14-də Aydınlar Partiyasını qurduğunu bildirib. Keçmiş AXCP üzvləri tərəfindən qurulan Aydınlar Partiyası 2009-cu il noyabrın 20-də Ədliyyə Nazirliyində dövlət qeydiyyatına alınıb.

İstinadlar[redaktə | əsas redaktə]

  1. "I çağırış Azərbaycan Milli Məclisinin Hüquq siyasəti və dövlət quruculuğu Daimi Komissiyasının üzvlərinin seçilməsi haqqında Azərbaycan Milli Məclisinin 24 noyabr 1995-ci il tarixli Qərarı" (PDF)(azərb.)). 24.11.1995. 26.08.2020 tarixində arxivləşdirilib (PDF). İstifadə tarixi: 26.08.2020.
  2. "I çağırış Azərbaycan Milli Məclisinin parlamentlərarası əlaqələr üzrə işçi qruplarının yaradılması haqqında Azərbaycan Milli Məclisinin 7 mart 1997-ci il tarixli 256-IQR nömrəli Qərarı"(azərb.)). 07.03.1997. 26.08.2020 tarixində arxivləşdirilib. İstifadə tarixi: 26.08.2020.
  3. "II çağırış Azərbaycan Milli Məclisinin Hüquq siyasəti və dövlət quruculuğu məsələləri Daimi Komissiyasının üzvlərinin seçilməsi haqqında Azərbaycan Milli Məclisinin 30 noyabr 2000-ci il tarixli Qərarı" (PDF)(azərb.)). 30.11.2000. 24.08.2020 tarixində arxivləşdirilib (PDF). İstifadə tarixi: 24.08.2020.
  4. "II çağırış Azərbaycan Milli Məclisinin parlamentlərarası əlaqələr üzrə işçi qruplarının yaradılması haqqında Azərbaycan Milli Məclisinin 30 noyabr 2000-ci il tarixli 24-IIQR nömrəli Qərarı"(azərb.)). 30.11.2000. 26.08.2020 tarixində arxivləşdirilib. İstifadə tarixi: 26.08.2020.