Elşən Musayev (siyasətçi)

Elşən Musayev
Azərbaycan Respublikasının Milli Məclisi V və VI çağırış deputatı
Vəzifədədir
2015-ci ildən
Seçki dairəsi	2015 — 110 saylı Zaqatala 2020 — 110 saylı Zaqatala
Əvvəlki	Hikmət Atayev
Azərbaycan Demokratik Maarifçilik Partiyasının sədri
Vəzifədədir
2004-cü ildən
Əvvəlki	Məmmədhənifə Musayev
Şəxsi məlumatlar
Doğum tarixi	11 avqust 1979(1979-08-11) (43 yaş)
Doğum yeri	Vartaşen rayonu, Azərbaycan SSR, SSRİ
Partiya	Azərbaycan Demokratik Maarifçilik Partiyası
Təhsili	Bakı Dövlət Universitetinin Hüquq fakültəsi

Elşən Musayev (11 avqust 1979, Vartaşen rayonu) — Azərbaycan Respublikası Milli Məclisinin deputatı, Azərbaycan Demokratik Maarifçilik Partiyasının sədri.

Həyatı

1979-cu il avqustun 11-də Oğuz rayonunda anadan olmuşdur. Bakı Dövlət Universitetinin Hüquq fakültəsini bitirmişdir. Rus, ingilis və alman dillərini bilir. 2001–2003-cü illərdə Ağır cinayətlərə dair işlər üzrə Azərbaycan Respublikası Məhkəməsində məhkəmə nəzarətçisi işləmiş, 2009–2010-cu illərdə Azərbaycan Respublikası Milli Məclisinin Hüquq siyasəti və dövlət quruculuğu məsələləri komissiyasının, 2010–2015-ci illərdə Hüquq siyasəti və dövlət quruculuğu komitəsinin eksperti vəzifəsində çalışmışdır. Azərbaycan Demokratik Maarifçilik Partiyasının sədridir. Milli Məclisin Hüquq siyasəti və dövlət quruculuğu komitəsinin üzvüdür. Belarus, Braziliya, Cənubi Afrika Respublikası, Çexiya, İtaliya, Qətər, Malayziya, Türkiyə, Türkmənistan parlamentləri ilə əlaqələr üzrə işçi qruplarının üzvüdür. Avropa Şurasının Parlament Assambleyasında Azərbaycan nümayəndə heyətinin üzvüdür. Evlidir, 1 övladı var.

2015 və 2020-ci ildə 110 saylı Zaqatala seçki dairəsindən Milli Məclisə deputat seçilmişdir.

Xarici keçidlər

• Deputat: “Azərbaycan hökuməti idealdır”