Azərbaycan Demokratik Maarifçilik Partiyası

Azərbaycan Demokratik Maarifçilik Partiyası
Qurucu	Məmmədhənifə Musayev
Sədri	Elşən Musayev
Qeydiyyat tarixi	4 avqust 1995
Baş qərargah	Q. Məmmədov 3/20, Xətai rayonu
Üzv sayı	1000 nəfər
Kabinetdə	0 / 35
Parlamentdə	1 / 125
Bələdiyyədə	0 / 15.156

Azərbaycan Demokratik Maarifçilik Partiyası və ya qısaca ADMP — Məmmədhənifə Musayev tərəfindən qurulan və 1995-ci il avqustun 4-də dövlət qeydiyyatına alınan siyasi partiya. ADMP 1995-2000-ci illərdə və 2015-ci ildən Milli Məclisdə təmsil olunur. ADMP sədri 1995-2004-cü illərdə Məmmədhənifə Musayev olub, 2004-cü ildən isə sədr onun oğlu Elşən Musayevdir.

Tarixi

Məmmədhənifə Musayevin qurucusu olduğu Azərbaycan Demokratik Maarifçilik Partiyası (ADMP) 1995-ci il avqustun 4-də Ədliyyə Nazirliyində dövlət qeydiyyatına alındı.

Yeni qurulan ADMP üç ay sonra, 1995-ci ildə baş tutan Parlament seçimlərində mübarizə apardı. Nəticədə ADMP üzvü v ə partiya katibi Babaxan Muradov qalib gəldi və Milli Məclisin deputatı seçildi.

Daha sonra ADMP 2000-ci il noyabrın 11-də baş tutan Parlament seçimlərində mübarizə apardı. Amma Milli Məclisdə təmsil olunmaq hüququ qazana bilmədi.

ADMP sədri Məmmədhənifə Musayevin 2004-cü ildə vəfat etməsindən sonra onun oğlu, Elşən Musayev ADMP sədri oldu.

ADMP 2005-ci il noyabrın 6-da baş tutan Parlament seçimlərində mübarizə apardı, amma növbəti dəfə Milli Məclisdə təmsil olunmaq hüququ qazana bilmədi.

Daha sonra ADMP 2010-cu il noyabrın 7-də baş tutan Parlament seçimlərində də mübarizə apardı. 17 saylı Yasamal üçüncü dairəsində namizədliyini irəli sürən AMDP sədri Elşən Musayev, 55 səslə 13-cü pillədə qərarlaşdı.

ASRP sədri Elşən Musayev növbəti illərdə də, 2015-ci il noyabrın 1-də baş tutan və 2020-ci il fevralın 9-da baş tutan Parlament seçimlərində mübarizə apardı. Elşən Musayev 2015-ci ildə 110 saylı Zaqatala dairəsindən 13 280 səslə, 2020-ci ildə isə həmin dairədən 9 004 səslə qalib gəldi.

ADMP sədrləri

ADMP sədri Elşən Musayev

Sıra	Sədr	Səlahiyyət müddəti
1.	Məmmədhənifə Musayev	4 avqust 1995	2004
2.	Elşən Musayev	2004	hal-hazırda

Nəticələri

Parlament

İl	Sədr	Nəticələri			Mövqe
		Səs	%	Yer
1995	Məmmədhənifə Musayev	?	? %	1 / 125	Müxalifət
2000	Məmmədhənifə Musayev	?	? %	0 / 125	Müxalifət
2005	Elşən Musayev	?	? %	0 / 125	Müxalifət
2010	Elşən Musayev	55	0.00 %	0 / 125	Müxalifət
2015	Elşən Musayev	13 280	0.47 %	1 / 125	Müxalifət
2020	Elşən Musayev	9 004	? %	1 / 125	Müxalifət

Qərargah

Azərbaycan Demokratik Maarifçilik Partiyasının qərargahı Xətai rayonunda Q. Məmmədov Küç. 3/20 ünvanında yerləşir.