Ülviyyə Həmzəyeva

Vikipediya, azad ensiklopediya
Jump to navigation Jump to search
Ülviyyə Həmzəyeva
Ülviyyə Tapdıq qızı Həmzəyeva
Ulviyya Hamzayeva.jpg
Doğum tarixi 30 aprel 1982 (1982-04-30) (37 yaş)
Doğum yeri Şəkərabad, Babək, Naxçıvan MR
Azərbaycan Azərbaycan SSR
Vətəndaşlığı
Fəaliyyəti Rəssam, İctimai-siyasi xadim
Təhsili

Həmzəyeva Ülviyyə Tapdıq qızı — Azərbaycan Respublikasının Əməkdar Rəssamı, Naxçıvan Muxtar Respublikasının Əməkdar Rəssamı, Naxçıvan Rəssamlar Birliyinin sədri, "Yeni Era" Dünya Rəssamlıq Akademiyasının həqiqi üzvü, 2010-2015 ci il IV çağırış Naxçıvan Muxtar Respublikası Ali Məclisinin deputatı, 2015 ci ildən V çağırış Azərbaycan Respublikası Milli Məclisinin deputatıdır.

Həyatı[redaktə | əsas redaktə]

Ülviyyə Həmzəyeva 30 aprel 1982-ci ildə Naxçıvan Muxtar Respublikası Babək rayonu Şəkərabad kəndində anadan olmuşdur. Orta təhsilini Naxçıvan şəhərində almışdır. 2003-cü ildə Naxçıvan Dövlət Universitetinin incəsənət fakültəsinin təsviri incəsənət ixtisasını fərqlənmə ilə bitirmişdir. 2006-cı ildə Naxçıvan Dövlət Universitetinin pedaqogika nəzəriyyəsi və tarixi ixtisası üzrə magistr pilləsini fərqlənmə ilə bitirmişdir. Naxçıvan Dövlət Universitetin təsviri incəsənət və rəsmxət kafedrasının baş müəllimi kimi fəaliyyət göstərmişdir. Universitetin dissertantıdır.

Yaradıcılığı[redaktə | əsas redaktə]

Əsərlərində əsasən milliliyi, qədimliyi, mifologiyanı və real həyatın fəlsəfəsini özünəməxsus tərzdə əks etdirməyə çalışır. Ülviyyə Həmzəyevanın rəsmlərinin janrını müəyyən etmək elədə asan deyil. İlk baxışdan onun əsərləri müasir alleqoriyalar kimi görünsədə, burda təsviri görmək kifayət etmir. O həm də başa düşülməlidir. Eyni zamanda, onun əsərləri Azərbaycan sənətinin qədim ənənələri ilə dərin əlaqəlidir. Xalçaların, miniatürlərin və qədim petrogliflərin nümunələrini xatırladan rəsm əsərləri, əfsanələr və nağılların fantastik personajlarını canlandırır. Onun tarixi dəqiqliyi əks etdirən dünyagörüşü, müəlliflik hüququ ilə qorunan müasir qrafika texnikalarında "toxunmuş" qədim simvolizmə söykənən "fəlsəfi əsərləri" çox böyük maraq doğurmuş və ona geniş bir izləyici auditoriyası qazandırmışdır. Ülviyyə Həmzəyeva həm də Azərbaycanda ilk dəfə olaraq 2001-ci ildə Naxçıvan Dövlət Universitetinin gənclik parkında soyqırım qurbanlarının xatirəsinə ucaldılan abidənin müəllifidir. Rəssamın əsərləri, Azərbaycan, ABŞ, Çin, Türkiyə, Portuqaliya, Gürcüstan, İspaniya və.s. ölkələrdə 200 - ə yaxın qarışıq və fərdi sərgilərdə nümaiş olunmuşdur. 2008-ci ildə Naxçıvan Muxtar Respublikasının Əməkdar Rəssamı, 2009-cu ildə isə Azərbaycan Respublikasının Əməkdar Rəssamı fəxri adına layiq görülmüşdür. Azərbaycan Rəssamlar İttifaqının üzvüdür, 2013-cü ildə "Yeni Era" Dünya Rəssamlıq Akademiyasının həqiqi üzvlüyünə qəbul edilmişdir. UNESCO - nun Beyneynəlxalq İncəsənət Assosasiyasının üzvüdür. 2011-ci ildən Naxçıvan Muxtar Respublikası Rəssamlar Birliyinin sədridir. Əsərləri şəxsi kolleksiyalarda və muzeylərdə saxlanılır.

Şəkillər[redaktə | əsas redaktə]

Xarici keçidlər[redaktə | əsas redaktə]