Müşfiq Məmmədli

Vikipediya, azad ensiklopediya
Naviqasiyaya keç Axtarışa keç
Müşfiq Məmmədli
Vəzifədədir
10 mart 2020-ci ildən
Seçki dairəsi2020 — 44 saylı Sumqayıt-Xızı
ƏvvəlkiHacı Salayev
Şəxsi məlumatlar
Doğum adı Müşfiq Məmmədli Fazil Oğlu‎
Doğum tarixi 1 avqust 1972(1972-08-01) (52 yaş)
Doğum yeri
Partiya
Təhsili
Fəaliyyəti siyasətçi
Təltifləri "Heydər Əliyevin 100 illiyi (1923–2023)" yubiley medalı

Müşfiq Fazil oğlu Məmmədli (azərb. Müşfiq Məmmədli‎; 1 avqust 1972, Sumqayıt) — Azərbaycan Respublikasının Milli Məclisi VI çağırış deputatı.

Həyatı

[redaktə | mənbəni redaktə et]

Müşfiq Məmmədli 1972-ci il avqustun 1-də Sumqayıtda anadan olub. 1989-cu ildə Sumqayıt şəhər 25 saylı tam orta məktəbi bitirib. 1989-cu ildən 1990-cı ilə qədər 1 saylı Kliniki Tibbi Mərkəzdə (Semaşko) sanitar işləyib. 1990–1996-cı illər ərzində Azərbaycan Tibb Universitetinin Pediatriya fakültəsində təhsil alıb.[1]

1996–1997-ci illərdə Sumqayıt şəhər Uşaq Xəstəxanasında internatura keçib, 1997–1999-cu illərdə isə qəbul şöbəsinin həkimi vəzifəsində çalışıb. 2000-ci ildə 3 il müddətində Türkiyənin İstanbul şəhərində təhsil alıb.

2004–2006-cı illər ərzində Tərtər bölgəsində N saylı hərbi hissənin tibb məntəqəsinin həkimi, sonra isə rəisi olub. 2006-cı ildən 2014-cü ilə qədər Təcili Tibbi yardım stansiyasının, daha sonra isə Sumqayıt Uşaq xəstəxanasının həkimi işləyib. 2015–2016-cı illərdə Uşaq xəstəxanasının pediatriya şöbəsinin müdiri, 2016-cı ildən isə xəstəxananın baş həkimidir. 2013–2015-ci illər ərzində Rusiyanın Sankt-Peterburq İqtisad Universitetinin Ali İqtisad Məktəbində MBA proqramı çərçivəsində "Səhiyyə təşkilatlarının menecmenti" ixtisasına da yiyələnib.

2016-cı ildən isə Rusiya Pediatrlar İttifaqının üzvüdür.

Azərbaycan Elm və Təhsil nazirinin 26 oktyabr 2023-cü il tarixli əmri ilə "Azərbaycan Dövlət Pedoqoji Universitetinin 100 illiyi(1921–2021)" yubiley medalı ilə təltif edilmişdir. Azərbaycan Respublikası Prezidentinin 2024-cü il 2 fevral tarixli sərəncamı ilə "Heydər Əliyevin 100 illiyi" yubiley medalı ilə təltif olunmuşdur.

Ailəsi

[redaktə | mənbəni redaktə et]

Ailəlidir, 3 övladı var.

Siyasi fəaliyyəti

[redaktə | mənbəni redaktə et]

2006-cı ildən Yeni Azərbaycan Partiyasının üzvüdür[2].

Üzv olduğu komitə və komissiyalar:

Səhiyyə komitəsi

Elm və təhsil komitəsi

Üzv olduğu işçi qrupları:

Azərbaycan-Braziliya parlamentlərarası əlaqələr üzrə işçi qrupu — Rəhbər[3]

Üzv olduğu Parlamentlərarası əlaqələr üzrə işçi qruplar:

Azərbaycan-Çin parlamentlərarası əlaqələr üzrə işçi qrupu — üzv

Azərbaycan-Finlandiya parlamentlərarası əlaqələr üzrə işçi qrupu — üzv

Azərbaycan-İraq parlamentlərarası əlaqələr üzrə işçi qrupu — üzv

Azərbaycan-Qazaxıstan parlamentlərarası əlaqələr üzrə işçi qrupu — üzv

Azərbaycan-Monteneqro parlamentlərarası əlaqələr üzrə işçi qrupu — üzv

Azərbaycan-Özbəkistan parlamentlərarası əlaqələr üzrə işçi qrupu — üzv

Azərbaycan-Serbiya parlamentlərarası əlaqələr üzrə işçi qrupu — üzv

Azərbaycan-Türkiyə parlamentlərarası əlaqələr üzrə işçi qrupu — üzv

Azərbaycan-Ukrayna parlamentlərarası əlaqələr üzrə işçi qrupu — üzv

Azərbaycan-Venesuela parlamentlərarası əlaqələr üzrə işçi qrupu — üzv

Azərbaycan-Panama parlamentlərarası əlaqələr üzrə işçi qrupu — üzv

İstinadlar

[redaktə | mənbəni redaktə et]
  1. ↑ "MƏMMƏDLİ Müşfiq Fazil oğlu". MƏMMƏDLİ Müşfiq Fazil oğlu (az.). 2024-05-19 tarixində arxivləşdirilib. İstifadə tarixi: 2024-09-12.
  2. ↑ "Müşfiq Məmmədli Hacı Zeynalabdin qəsəbəsində seçicilərlə görüşüb" (Azərbaycan dili). ikisahil.az. 11 fevral 2020 tarixində arxivləşdirilib.
  3. ↑ "Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI". Apa.az (az.). 2024-10-08 tarixində arxivləşdirilib. İstifadə tarixi: 2024-10-22.
Mənbə — "https://az.wikipedia.org/w/index.php?title=Müşfiq_Məmmədli&oldid=7853823"