Arzu Nağıyev

Vikipediya, azad ensiklopediya
Jump to navigation Jump to search
Arzu Nağıyev
Arzu Nəsib oğlu Nağıyev
Arzu Nağıyev.jpg
bayraqAzərbaycan Respublikası Milli məclisinin VI çağırış millət vəkilibayraq
Şəxsi məlumatlar
Təhsili Moskva İdarəetmə İnstitutu
İxtisası Mühəndis, iqtisadçı
Doğum tarixi 27 iyul 1963(1963-07-27) (58 yaş)
Doğum yeri
Vətəndaşlığı Azərbaycan Azərbaycan
Milliyyəti azərbaycanlı

Arzu Nağıyev (Arzu Nəsib oğlu Nağıyev; 27 iyul 1963(1963-07-27), Tovuz) — Trend İnformasiya Agentliyində baş direktorun korporativ inkişaf üzrə müavini, Qarabağ müharibəsi veteranı, mühəndis, iqtisadçı. Azərbaycan Respublikası Milli Məclisinə 104 saylı Gədəbəy-Tovuz seçki dairəsindən seçilmiş VI çağırış millət vəkili, Azərbaycan Yazıçılar Birliyinin üzvü.

Həyatı[redaktə | mənbəni redaktə et]

Arzu Nağıyev 1963-cü il iyulun 27-də Tovuz rayonununda anadan olmuşdur. 1980-ci ildə Tovuz rayonu Yusif Sadıxov adına Bozalqanlı kənd orta məktəbini qızıl medalla bitirmişdir. 1985-ci ildə Serqo Ordjonikidze adına Moskva İdarəetmə İnstitutunun (Hazırda İdarəetmə Akademiyası) Tikinti və şəhər təsərrüfatının idarə edilməsinin təşkili fakültəsini mühəndis iqtisadçı ixtisası üzrə, və 1991-ci ildə SSRİ Dövlət Təhlükəsizliyi Komitəsinin Ali kurslarını qırmızı diplomla bitirmişdir. Qarabağ müharibəsi veteranıdır.

Təhlükəszilik orqanlarının ehtiyatda olan zabitidir. Azərbaycan Yazıçılar Birliyinin üzvüdür. 5 bədii, 2 sənədli kitabın,çox saylı arşdırmaların və publisitik yazıların müəllifidir. Beynəlxalq və regional təhlükəsilik, narkotiklərin qanunsuz dövriyyəsi , kütləvi qırğın silahlarınınonların komponentlərinin qanunsuz dövriyyəsi,qanunsuz miqrasiya, insan alveri və dini radikal qurumların qanunsuz fəaliyyəti ilə mübarizə üzrə ekspertdir və bu sahədə beynəlxalq sertifikatlara malikdir.

Ailəsi[redaktə | mənbəni redaktə et]

Ailəlidir, 2 övladı var.

Fəaliyyəti[redaktə | mənbəni redaktə et]

1985–1987-ci illərdə Azərbaycan Sənaye-Tikinti Nazriliyinin 4 saylı trestində iqtisadçı, baş iqtisadçı işləmiş[1], 1987–[[1989-cu illərdə Azərbaycan LKGİ Nərimanov rayon komitəsinin təlimatçısı, şöbə müdiri olmuş, 1991–2011-ci illərdə Azərbaycan Respublikasının Dövlət Təhlükəsizliyi Komitəsində[2], daha sonra isə Milli Təhlükəsizlik Nazirliyində həqiqi hərbi qulluq keçmiş, əməliyyat müvəkkili–şöbə rəisi vəzifələrində çalışmışdır. 2011-ci ildən «Trend» Beynəlxalq İnformasiya Agentliyi baş direktorunun müavinidir[3]. Bitərəfdir.

Milli Məclisin Müdafiə, təhlükəsizlik və korrupsiya ilə mübarizə komitəsinin, Əmək və sosial siyasət komitəsinin üzvüdür. Azərbaycan-Gürcüstan parlamentlərarası əlaqələr üzrə işçi qrupunun rəhbəri, Belarus, İsrail, Slovakiya, Türkiyə parlamentləri ilə əlaqələr üzrə işçi qruplarının üzvüdür. Milli məclis tərəfindən Azərbaycan Respublikası Korrupsiyaya qarşı mübarizə komitəsinə seçilmişdir.

MDB-nin Parlamentlərarası Assambleyasında Azərbaycan nümayəndə heyətinin, Azərbaycan Respublikası Milli Məclisinin və Rusiya Federasiyası Federal Məclisinin ikitərəfli əməkdaşlığı üzrə parlamentlərarası komissiyasının üzvüdür.

İstinadlar[redaktə | mənbəni redaktə et]

  1. "Arzu Nağıyev kimdir? –"KQB" POLKOVNİKİ, media KAPİTANI" (azərb.). yenixeber.org. İstifadə tarixi: 2020-08-30.
  2. "Arzu Nağıyev: Dövlət Təhlükəsizliyi və Xarici Kəşfiyyat xidmətlərinin yaradılması vaxtında verilmiş qərardır" (azərb.). trend.az. İstifadə tarixi: 2020-08-30.
  3. Arzu Nağıyev kimdir? – “KQB” POLKOVNİKİ, media KAPİTANI. (azərb.). sia.az https://sia.az/az/news/election2020/784428.html (#bare_url_missing_title). İstifadə tarixi: 2020-08-30.

Xarici keçidlər[redaktə | mənbəni redaktə et]