Məzmuna keç

Arzu Nağıyev

Vikipediya, azad ensiklopediya
Arzu Nağıyev
Azərbaycan Respublikasının Milli Məclisinin deputatı
Vəzifədədir
10 mart 2020-ci ildən
Seçki dairəsiVI çağırış — 104 saylı Gədəbəy–Tovuz
VII çağırış — 105 saylı Gədəbəy–Tovuz
Şəxsi məlumatlar
Doğum tarixi 27 iyul 1963(1963-07-27) (61 yaş)
Doğum yeri
Təhsili
  • Dövlət İdarəetmə Universiteti[d]
Fəaliyyəti siyasətçi
Hərbi xidmət
Xidmət illəri 1989–2011
Döyüşlər Qarabağ müharibəsi (1991–1994)
Rütbəsi Polkovnik
Təltifləri "Şöhrət" ordeni — 2023 "Heydər Əliyevin 100 illiyi (1923–2023)" yubiley medalı
"Qüsursuz xidmətə görə" 1-ci dərəcəli medalı "Qüsursuz xidmətə görə" 2-ci dərəcəli medalı "Qüsursuz xidmətə görə" 3-cü dərəcəli medalı "Azərbaycan Respublikası milli təhlükəsizlik orqanlarının 90 illiyi (1919-2009)" yubiley medalı "Azərbaycan Respublikası dövlət təhlükəsizliyi və xarici kəşfiyyat orqanlarının 100 illiyi (1919-2019)" yubiley medalı "Azərbaycan Sərhəd Mühafizəsinin 100 illiyi (1919–2019)" yubiley medalı "Azərbaycan Respublikası Müdafiə Sənayesi Nazirliyinin 15 illiyi (2005–2020)" yubiley medalı "Azərbaycan Respublikası Dövlət Gömrük Komitəsinin 30 illiyi (1992–2022)" yubiley medalı

Arzu Nəsib oğlu Nağıyev (27 iyul 1963, Baş Layısqı, Vartaşen rayonu) — Azərbaycan ictimai-siyasi xadimi, jurnalist və hərbi qulluqçu, Azərbaycan Milli Məclisinin VI, VII çağırış deputatı.

Həyatı

[redaktə | vikimətni redaktə et]

Arzu Nəsib oğlu Nağıyev 27 iyul 1963-cü ildə Oğuz rayonunun Baş Layısqı qəsəbəsində anadan olub.[1] 1985-ci ildə Moskva İdarəetmə İnstitutunun Tikinti və şəhər təsərrüfatının idarə edilməsinin təşkili bölməsindən məzun olub.[1] 1991-ci ildə isə SSRİ Dövlət Təhlükəsizlik Komitəsinin ali kurslarını qırmızı diplomla bitirib.[1]

Birinci Qarabağ müharibəsi veteranıdır.[1] Azərbaycan Yazıçılar Birliyinin üzvüdür.[1] 5 bədii, 2 sənədli kitabın, çoxsaylı araşdırmaların və yazıların müəllifidir.[1]

Rus dilini bilir.[1] Evlidir, 2 övladı var.[1]

Fəaliyyəti

[redaktə | vikimətni redaktə et]

Arzu Nağıyev 1985–1987-ci illərdə Azərbaycan Sənaye-Tikinti Nazirliyinin 4 saylı trestində iqtisadçı və baş iqtisadçı vəzifələrində işləmiş, 1987–1989-cu illərdə Azərbaycan Lenin Kommunist Gənclər İttifaqı (LKGİ) Nərimanov rayon Komitəsinin təlimatçısı və şöbə müdiri olmuşdur.[1]

1989–2011-ci illərdə Dövlət Təhlükəsizliyi Komitəsində, daha sonra isə Milli Təhlükəsizlik Nazirliyində həqiqi hərbi xidmətdə olmuş, əməliyyat müvəkkili-şöbə rəisi vəzifələrində çalışmışdır.[1]

2011–2021-ci illərdə "Trend" Beynəlxalq İnformasiya Agentliyi baş direktorunun müavini olmuşdur.[1]

2020-ci il fevralın 9-da baş tutan parlament seçimlərində Arzu Nağıyev 104 saylı Gədəbəy-Tovuz dairəsindən bitərəf qaydada namizədliyini irəli sürmüşdür. Nəticələrə əsasən Arzu Nağıyev 56,20% səslə Milli Məclisin deputatı seçilmişdir.[2] Milli Məclisin Müdafiə, təhlükəsizlik və Korrupsiya ilə mübarizə Komitəsi, Əmək və sosial siyasət Komitəsi üzvüdür.[3] Həmçinin Azərbaycan–Gürcüstan parlamentləri ilə əlaqələr üzrə qrupunun rəhbəri,[4] Azərbaycan–Belarus, Azərbaycan–Estoniya, Azərbaycan–İsrail, Azərbaycan–Rumıniya, Azərbaycan–Slovakiya, Azərbaycan–Türkiyə və Azərbaycan–Venesuela parlamentləri ilə əlaqələr üzrə qruplarının da üzvüdür.[3]

5 iyun 2020-ci ildən Korrupsiyaya qarşı mübarizə üzrə Komisiyyasının üzvüdür.[1][5]

Azərbaycan Respublikası Prezidentinin müvafiq sərəncamlarına əsasən 2023-cü ildə "Şöhrət" ordeni, 2024-cü ildə isə "Heydər Əliyevin 100 illiyi (1923–2023)" yubiley medalı ilə təltif edilib.

İstinadlar

[redaktə | vikimətni redaktə et]
  1. ↑ 1 2 3 4 5 6 7 8 9 10 11 12 Milli Məclisin rəsmi internet səhifəsi. "AZƏRBAYCAN RESPUBLİKASININ MİLLİ MƏCLİSİ ALTINCI ÇAĞIRIŞ" (PDF). www.meclis.gov.az ( (az.)). 01.04.2024. 2024-04-01 tarixində arxivləşdirilib (PDF). İstifadə tarixi: 01.04.2024.
  2. ↑ MSK. "2020-Cİ İL PARLAMENT SEÇKİLƏRİ / DAİRƏLƏR ÜZRƏ SEÇİLMİŞ NAMİZƏDLƏR". www.infocenter.gov.az ( (az.)). 10.02.2020. 20.08.2020 tarixində arxivləşdirilib. İstifadə tarixi: 20.08.2020.
  3. ↑ 1 2 Milli Məclisin rəsmi internet səhifəsi. "NAĞIYEV Arzu Nəsib oğlu". www.meclis.gov.az ( (az.)). 01.04.2024. 2024-03-16 tarixində arxivləşdirilib. İstifadə tarixi: 01.04.2024.
  4. ↑ "Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI". Apa.az (az.). 2024-10-08 tarixində arxivləşdirilib. İstifadə tarixi: 2024-10-22.
  5. ↑ "Korrupsiyaya qarşı mübarizə üzrə Komissiyaya yeni üzvlər təyin edilib". Apa.az (az.). İstifadə tarixi: 2024-12-10.
Mənbə — "https://az.wikipedia.org/w/index.php?title=Arzu_Nağıyev&oldid=8079775"