Aydın Mirzəzadə

Vikipediya, açıq ensiklopediya
Jump to navigation Jump to search
Aydın Mirzəzadə
Aydın Böyükkişi oğlu Mirzəzadə
Aydın Mirzəzadə.jpg
Azərbaycan Respublikası Milli Məclisinin deputatı, Milli Məclisin təhlükəsizlik və müdafiə komitəsinin sədr müavini
noyabr 2000-ci il
bayraqYAP İcra Katibliyinin Siyasi təhlil və proqnozlaşdırma şöbəsinin müdiribayraq
29 yanvar 2015

Partiya YAP
Təhsili Azərbaycan İnşaat Mühəndisləri İnstitutu, Bakı Sosial İdarəetmə və Politologiya İnstitutu
Doğum tarixi 2 iyul 1957 (1957-07-02) (61 yaş)
Doğum yeri Mingəçevir, Azərbaycan SSR, SSRİ
Atası Böyükkişi Mirzəzadə
Anası Firəngiz Mirzəzadə
Uşaqları 2 övladı var

Təltifləri III dərəcəli "Vətənə xidmətə görə" ordeni — 2017Azərbaycan Silahlı Qüvvələrinin 90 illiyi (1918-2008) yubiley medalı - lent.pngAzərbaycan Silahlı Qüvvələrinin 95 illiyi (1918-2013) yubiley medalı - lent.pngAzərbaycan Sərhəd Mühafizəsinin 90 illiyi (1919-2009) yubiley medalı - lent.pngAzərbaycan Sərhəd Mühafizəsinin 95 illiyi (1919-2014) yubiley medalı - lent.png
aydinmirzazade.az
Commons-logo.svg Aydın Mirzəzadə Vikianbarda

Aydın Böyükkişi oğlu Mirzəzadə (d. 2 iyul 1957, Mingəçevir, Azərbaycan SSR, SSRİ) — Azərbaycan Respublikası Milli Məclisinin II[1], III[2], IV çağırışV çağırış deputatı; Milli Məclisin Müdafiə, təhlükəsizlik və korrupsiya ilə mübarizə komitəsi sədrinin müavini (7 dekabr 2010-cu ildən)[3]. Siyasi elmlər üzrə fəlsəfə doktoru (2003-cü il), dosent, YAP İcra Katibliyinin Siyasi təhlil və proqnozlaşdırma şöbəsinin müdiri[4], Azərbaycan Dövlət Neft və Sənaye Universitetinin İctimai Etimad Şurasının sədri.[5]

Həyatı və fəaliyyəti[redaktə | əsas redaktə]

Aydın Mirzəzadə 2 iyul 1957-ci ildə Mingəçevir şəhərində anadan olmuşdur. 1974-cü ildə Mingəçevir şəhər 10 saylı orta məktəbi bitirmişdir. 1975-ci ildə Azərbaycan İnşaat Mühəndisləri İnstitutunun inşaat fakültəsinə qəbul olunmuş və 1980-ci ildə buranı inşaatçı-mühəndis ixtisası ilə bitirmişdir. Təhsil müddətində İnstitut Tələbə Şurasının üzvü kimi ictimai fəaliyyətlə məşğul olmuş, tələbə-inşaat dəstələri hərəkatında fəal iştirak etmişdir. 1980-ci ildə təyinatla Rusiya SFSR-in Tver vilayətinin Rjev şəhərində yerləşən 1315 saylı səyyar mexanikləşdirilmiş dəstənin tikinti ustası işləmişdir. 1980-1982-ci illərdə Sovet ordusunda həqiqi hərbi xidmətdə olmuş və hərbi xidmətin yekununa görə adı hərbi hissənin Fəxri Kitabına salınmışdır. 1982-1993-cü illərdə Mingəçevir şəhərində yerləşən Azərbaycan DRES tikintisində müxtəlif vəzifələrdə çalışmışdır. 1992-ci ildə Bakı Sosial İdarəetmə və Politologiya İnstitutunu fərqlənmə diplomu ilə bitirmişdir. 1992-ci ildə Yeni Azərbaycan Partiyası Mingəçevir şəhər təşkilatının yaradılmasında iştirak etmiş və 1992-1999-cu illərdə təşkilatın sədri olmuşdur. 1993-cü ildən Mingəçevir Şəhər İcra Hakimiyyəti başçısının köməkçisi, müavini, 1997-2000-ci illərdə Azərbaycan Respublikası Prezidenti İcra Aparatının İctimai-siyasi şöbəsinin sektor müdiri vəzifələrində çalışmışdır. Yeni Azərbaycan Partiyasının I (1999-cu il), II (2001-ci il), III (2005-ci il) və V qurultaylarında (2013-cü il) partiyanın Siyasi Şurasının üzvü seçilmişdir.[6]

2003-cü ildə prezident seçkilərində prezidentliyə namizəd Heydər Əliyevin, 2008-ci il prezident seçkilərində prezidentliyə namizəd İlham Əliyevin seçkiqabağı vəkili olmuşdur. 2008-ci, 2013-cü və 2018-ci il prezident seçkilərində[7], 2009-cu il və 2016-cı il Azərbaycan Respublikası Konstitusiyasına əlavə və dəyişikliklərlə bağlı keçirilən referendumlarda[8] və 2009-cu və 2014-cü il[9] bələdiyyə seçkilərində Mərkəzi Seçki Komissiyasında Yeni Azərbaycan Partiyasını məşvərətçi səslə təmsil etmişdir.

29 yanvar 2015-ci ildən YAP İcra Katibliyinin Siyasi təhlil və proqnozlaşdırma şöbəsinin müdiridir.[4]

Azərbaycan Milli Ensiklopediyasının eksperti, siyasi elmlər üzrə fəlsəfə doktorudur. 12 kitabın müəllifidir. Rus və ingilis dillərini bilir.

Azərbaycan Respublikası Prezidenti yanında Dövlət İdarəçilik Akademiyasının dosentidir. Kitablarından dərs vəsaiti kimi istifadə edilir. Politologiya sahəsində geniş tədqiqat işi aparır.

2014-cü ilin sonunda Aydın Mirzəzadənin Türkiyənin MLEC Kitab Nəşriyyatı tərəfindən türk dilində "Karabağ düğümü" adlı kitabı böyük tirajla çap edilib. Kitabda çoxsayı xəritələr, şəkillər, tarixi sənədlər, beynəlxalq təşkilatların qəbul etdiyi sənədlər verilib.[10]

2016-cı ilin sonunda Aydın Mirzəzadənin Rusiya Federasiyasının Sankt-Peterburq şəhərində erməni dilində "Qarabağ düyünü" kitabı nəşr ediliub. Bu azərbaycanlı tədqiqatçının xaricdə erməni dilində Dağlıq Qarabağ problemininə dair nəşr edilən ilk fundamental əsəridir.[11]

Parlamentdə[redaktə | əsas redaktə]

Azərbaycan Respublikası II (2000), III (2005), IV çağırış (2010) və V çağırış (2015) Milli Məclisinin Mingəçevir 47 saylı seçki dairəsindən deputat seçilib. 2005-ci ildən Milli Məclisin Təhlükəsizlik və Müdafiə komitəsinin sədr müavinidir.[3].[12]

Ailəsi[redaktə | əsas redaktə]

Evlidir, 2 övladı var.

Mükafatları[redaktə | əsas redaktə]

Fəxri adları[redaktə | əsas redaktə]

  • 2003-2009-cu illərdə parlament jurnalistləri arasında keçirilən rəy sorğularının nəticələrinə görə "İlin deputatı" elan edilib.
  • 2009-cu ilin fevralında ölkənin nüfuzlu gənclər təşkilatının biri tərəfindən "Gənclərin dostu" elan edilib.
  • 2009-cu ilin "İlin fəal millət vəkili" nominasiyasının qaliblərindən biri seçilib[18].
  • 2010-cu ilin dekabrında "Gənc Liderlər" Uşaq və Gənclər Təşkilatının keçirdiyi rəy sorğusunun nəticələrinə görə "Gənclərin Dostu" elan edilib.[19]
  • 30 sentyabr 2011-ci il tarixində "İslahatçı Gənclər" İctimai Birliyi Aydın Mirzəzadəni hər il ənənəvi olaraq təqdim etdiyi "Xəzər" Milli Mükafatının qaliblərindən biri elan edib.[20]
  • 16 dekabr 2011-ci il tarixində Turizmə Dəstək Gənclər Koalisiyası tərəfindən qanunvericilikdə turizmin inkişafına göstərdiyi dəstəyə görə "Turizm – 2011" mükafatına layiq görülüb[21].
  • 27 yanvar 2014-cü ildə "Ağ Yol" Vətəndaş Hərəkatı tərəfindən Milli Məclisin 10 ən aktiv millət vəkilindən biri elan edilib.[22]

Kitabları[redaktə | əsas redaktə]

  1. Azərbaycan Respublikasında çoxpartiyalı sistemin formalaşması xüsusiyyətləri. Bakı, "Azərbaycan", 2001.
  2. Yeni Azərbaycan Partiyası: yaranması, formalaşması və əsas fəaliyyət istiqamətləri. Bakı, "Azərbaycan", 2002.
  3. Demokratiya plyus. Bakı, "Azərbaycan", 2004.
  4. Azərbaycan, Zaman, İnkişaf. Bakı, "Azərbaycan", 2008.
  5. "Qarabağ düyünü", Bakı, "Azərbaycan", 2012.[23][24]
  6. "Müdriklik dərsləri. I hissə", Bakı, "Azərbaycan", 2014.[25]
  7. Karabag dügümü[26]
  8. Ermənistan-Azərbaycan, Dağlıq Qarabağ münaqişəsi: tarixi, mövcud durum və həlli yolları, Bakı, "Azərbaycan", 2015, səh 206.[27]
  9. "Müdriklik dərsləri. II hissə", Bakı, "Azərbaycan", 2016.[28]
  10. Qarabağ düyünü (kitab, ermənicə), Sankt-Peterburq, 2016[11].
  11. Heydər Əliyev siyasi irsinin politoloji aspektləri, Bakı, "Azərbaycan", 2016[29]
  12. Ermənistanın Azərbaycana hərbi təcavüzünün yaşyarımlıq Zəhra Quliyeva faciəsi, Bakı, "Azərbaycan", 2017.[30].
  13. "Müdriklik dərsləri. III hissə", Bakı, "Azərbaycan", 2018.[31]

Aydın Mirzəzadənin fikirləri[redaktə | əsas redaktə]

  • "Azərbaycan deyiləndə Heydər Əliyev başa düşülür";
  • "Kiçik ölkənin böyük siyasəti olmalıdır";
  • "Güclü iqtidar olan ölkədə müxalifət ilk növbədə effektli olmalıdır";
  • "Ordu ancaq sevilə bilər";
  • "Azərbaycanın maraqları harada güclü qorunursa, o orada olmalıdır";
  • "Hər hansı bir münaqişənin həlli üçün məhz ona məxsus format tapılmalıdır";
  • "Bərabərlik bərabər imkanlar yox, bərabər şərait deməkdir. Hər kəsə bərabər şərait yaradılmalıdır. Həmin şəraitdən kimin necə istifadə edəcəyi isə onun öz seçimidir. Ancaq şəraitdən yararlanıb müəyyən imkanlara malik olanlar isə sosial ədaləti də əldən verməməlidirlər";
  • "Parlament kiçik cəmiyyət modeli deməkdir və bu baxımdan hər bir layiqli kəsin Azərbaycan parlamentində yeri var".[32]
  • "Azərbaycanda İslam adı ilə radikallıq mövcud ola bilməz. Cəmiyyətin bu məsələyə həssaslığı və radikallığı qəbul etməməsi bunu istisna edir".[33]
  • Bizi birinci edən tarixi kökümüz, dərin milli mədəniyyətimiz, düzgün qətiyyətli yolumuz, qeyrətli oğullarımız, bizə güc verən ana-bacılarımız, bizi təmsil edənlərin məsuliyyətidir![34]
  • Universitet potensialı istənilən ölkənin inkişafının əsas göstərilicilərindən biri hesab edilir[35]
  • Dünya Azərbaycansız təhlükəsizliyin olmadığı qənaətindədir[36].

Qalereya[redaktə | əsas redaktə]

Aydın Mirzəzadə
Milli Məclisin spikeri Oqtay Əsədov və Aydın Mirzəzadə
Milli Məclisin eks-spikeri Murtuz Ələsgərov və Aydın Mirzəzadə
Avropa Şurasının keçmiş Baş Katibi Terri Devis ilə
Aydın Mirzəzadə Avropa Şurasının Parlament Assambleyasında çıxışı zamanı
Tanınmış azərbaycanlı politoloq Vəfa Quluzadə ilə fikir mübadiləsində
Aydın Mirzəzadəyə növbəti dəfə Parlament Jurnalistləri Birliyi tərəfindən "İlin deputatı" mükafatı təqdim edilir
Aydın Mirzəzadə Azərbaycan Memarlıq və İnşaat Universitetinin məzunları arasında
İbtidai sinif şagirdləri ilə görüş
Aydın Mirzəzadə

İstinadlar[redaktə | əsas redaktə]

  1. İkinci çağırış Azərbaycan Respublikası Milli Məclisinin deputatları haqqında seçildikləri tarixə olan qısa MƏLUMATLAR. meclis.gov.az  (azərb.)
  2. Üçüncü çağırış Azərbaycan Respublikası Milli Məclisinin deputatları haqqında seçildikləri tarixə olan qısa MƏLUMATLAR. meclis.gov.az  (azərb.)
  3. 3,0 3,1 "Azərbaycan Respublikası Milli Məclisi komitələrinin sədr müavinlərinin seçilməsi haqqında" Azərbaycan Respublikası Milli Məclisinin 7 dekabr 2010-cu il tarixli, 8-IVQR nömrəli Qərarı. e-qanun.az  (azərb.)
  4. 4,0 4,1 http://sia.az/az/news/politics/457253-yap-idare-heyetinin-iclasi-kecirilib
  5. http://www.moderator.az/news/166174.html
  6. http://www.yap.org.az/view.php?lang=az&menu=64
  7. http://sia.az/az/news/politics/666766.html
  8. http://sia.az/az/news/politics/560073-msk-yap-in-numayendelerini-tesdiq-edib
  9. http://www.msk.gov.az/az/newsmsk/693/
  10. http://az.trend.az/azerbaijan/society/2354151.html
  11. 11,0 11,1 https://report.az/dagliq-qarabag/aydin-mirzezadenin-qarabag-duyunu-adli-kitabi-rusiyada-ermeni-dilinde-nesr-edilib/
  12. http://moderator.az/index.php?xeber=90998
  13. http://www.president.az/articles/25897
  14. http://versus.az/2017/12/25/aydin-mirz%C9%99zad%C9%99-v%C9%99t%C9%99n-namin%C9%99-medali-il%C9%99-t%C9%99ltif-edildi/
  15. https://axar.az/news/toplum/303409.html
  16. General deputatlara medal verdi
  17. http://olaylar.az/news/siyaset/312827
  18. http://news.qaynar.info/34429.html 2009-cu ilin fəal və passiv deputatları elan edildi
  19. http://www.sherg.az/2011/01/15/get=33500
  20. http://qaynar.info/?p=48773
  21. http://gun.az/social/23852
  22. Mehriban Əliyeva ən aktiv deputat seçildi
  23. http://www.publika.az/index.php?action=static_detail&static_id=27676
  24. http://www.yeniazerbaycan.com/Arxiv_e10679_az.html
  25. http://www.aznews.az/site/index.php?c=news&id=50832
  26. http://www.amazon.com/Karabag-Dugumu-Aydin-Mirzazade/dp/6054262408
  27. http://www.azerbaijan-news.az/index.php?mod=3&id=75950
  28. http://teleqraf.com/news/91267
  29. https://report.az/daxili-siyaset/aydin-mirzezadenin-heyder-eliyev-siyasi-irsinin-politoloji-aspektleri-adli-kitabi/
  30. http://sia.az/az/news/social/642745.html/
  31. http://versus.az/article/az/1028
  32. http://525.az/view.php?lang=az&menu=2&id=20036
  33. http://news.day.az/politics/247929.html
  34. https://www.facebook.com/profile.php?id=100004372715353
  35. http://sia.az/az/news/politics/460729-deputat-reytinq-cedveli-favoritleri-gosterdi
  36. http://sia.az/az/news/politics/534476-deputat-dunya-azerbaycansiz-tehlukesizliyin-olmadii-qenaetindedir

Xarici keçidlər[redaktə | əsas redaktə]

Vikianbarda Aydın Mirzəzadə ilə əlaqəli mediafayllar var.

Vikisitatda Aydın Mirzəzadə ilə əlaqəli məlumatlar var.

Həmçinin bax[redaktə | əsas redaktə]