Bəxtiyar Sadıqov

Vikipediya, açıq ensiklopediya
Jump to navigation Jump to search
Bəxtiyar Sadıqov
Bəxtiyar Yusif oğlu Sadıqov
Bəxtiyar Sadıqov.jpg
Doğum tarixi 1951-ci il
Doğum yeri Ağdam, Azərbaycan
Vətəndaşlığı SSRİ SSRİAzərbaycan Azərbaycan
Milliyyəti azərbaycanlı
Fəaliyyəti Azərbaycan Respublikası Milli Məclisinin deputatı.[1]
Mükafatları Azərbaycan Polisinin 100 illiyi (1918-2018) yubiley medalı - lent.png "Şöhrət" ordeni (Azərbaycan)

Bəxtiyar Sadıqov (Tam adı: Bəxtiyar Yusif oğlu Sadıqov; d.1951, Ağdam, Azərbaycan ) — Azərbaycan Respublikası Milli Məclisinin [2] deputatı.

Həyatı[redaktə | əsas redaktə]

Bəxtiyar Sadıqov 1951-ci ildə Ağdam şəhərində anadan olmuşdur. 1965-ci ildə Ağdam Şəhər 4 nömrəli səkkizillik məktəbini bitirmiş. 1965-1969-cu illərdə Bakı Yerli Sənaye Texnoloji Texnikumunda oxumuşdur. 1969-cu ildə “Ağac biçmə və ağac emalı texnologiyası” üzrə texnik – texnoloq ixtisasına yiyələnmiş, fərqlənmə diplomu aldığına görə pedoqoji sovetin qərarı ilə ali məktəbə oxumağa ezam edilmişdir. Həmin ili Azərbaycan Dövlət Universitetinin (BDU) Jurnalistika fakültəsinə daxil olaraq 1974-cü ildə oranı da fərqlənmə diplomu ilə bitirmişdir. Texnikumda oxuyarkən texnikum üzrə tələbə həmkarlar təşkilatının sədri, Universitetdə isə Jurnalistika fakultəsinin komsomol təşkilat katibi seçilmişdir. Texnikumu qurtardıqdan sonra 6 ay - 1969-cu ilin aprelindən – sentyabrınadək Ağdam şəhər Kommunal Təsərrüfatı idarəsində fəhlə, BDU-nu qurtardıqdan sonra isə 8 ay - 1974-cü ilin sentyabrından 1975-ci ilin aprelinədəkAzərbaycan” nəşriyyatının qəzet-jurnal sexində çeşidləyici işləmişdir. 1975-ci ilin aprelindən “Abşeron” qəzetində əvvəlcə korrektor, sonra müxbir, kənd təsərrüfatı şöbəsinin müdiri, redaktor müavini vəzifələrində çalışmışdır.

Fəaliyyəti[redaktə | əsas redaktə]

1986-cı ildə “Kommunist” qəzetinə dəvət edilmişdir. 1986-cı ildən 1991-ci ilədək “Kommunist” qəzetində baş müxbir və kənd təsərrüfatı şöbəsinin müdiri işləmişdir. 1991-ci ildə yeni nəşrə başlayan “Həyat” qəzetinə dəvət edilmişdir. 1992-ci ilədək “Həyat” qəzetində zona müxbiri işləmişdir. “Həyat” qəzeti “Azərbaycan” qəzeti ilə birləşdirilərkən əvvəlcə hər iki qəzetin Qarabağ bölgəsi üzrə xüsusi – hərbi müxbiri işləmişdir. Daha sonra “Azərbaycan”ın müxbiri, şöbə müdiri olmuşdur. 2002-ci ilin aprelindən hal-hazıradək “Azərbaycan” qəzetinin baş redaktorudur. Ehtiyatda olan zabit, kapitandır.

Deputat kimi[redaktə | əsas redaktə]

2000–ci ildə 119 nömrəli Ağdam kənd seçki dairəsindən Milli Məclisə deputat seçilmişdir. İkinci, üçüncü, dördüncü və beşinci çağrış Milli Məclisin deputatı olmuşdur.

İctimai işləri[redaktə | əsas redaktə]

  • Əsir və itkin düşmüş, girov götürülmüş vətəndaşlarla əlaqədar Dövlət Komissiyasının üzvü
  • Mətbuat Şurası İdarə Heyətinin üzvü.
  • KİV-in İnkişafına Dövlət Dəstəyi Müşahidə Şurasının üzvü.
  • Respublika Ağsaqqallar Şurasının Məclis üzvü.

Yaradıcılığı[redaktə | əsas redaktə]

Qarabağ uğrunda müharibədən bəhs edən iki yüzdən çox məqalə, 50-dən çox elmi, bədii, siyasi və publisistik kitabın redaktorudur.

Kitabları[redaktə | əsas redaktə]

  • Qeyrət və Xəyanət
  • İnsan və zaman
  • Həqiqət və yalan
  • Ömrün söz yadigarı

Mükafat və təltifləri[redaktə | əsas redaktə]

  • Azərbaycan Jurnalistlər İttifaqının “Keşikdə” keçici prizi (1978-ci il “Hərbi vətənpərvərlik mövzusunda ən yaxşı yazılarına görə”);
  • Qızıl qələm” mükafatı (1983-cü və 1994-cü illər);
  • Yusif Məmmədəliyev” adına medal (2007-ci il)
  • KHVTİC-nin “Hərbi vətənpərvərlik işlərində xidmətinə görə” medalı;
  • Dövlət Sərhəd Xidmətinin “Hərbi əməkdaşlıq sahəsində xidmətlərinə görə” medalı;
  • Azərbaycan Polisinin 100 illiyi (1918-2018)” Azərbaycan Respublikasının Yubiley medalı;
  • Azərbaycan Ordusunun 100 illiyi (1918-2018)” Yubiley medalı;
  • Şöhrət” ordeni.[3]

Fəxri adları[redaktə | əsas redaktə]

  • Əməkdar Jurnalist
  • Qarabağ müharibəsi veteranı

Həmçinin bax[redaktə | əsas redaktə]

Xarici keçidlər[redaktə | əsas redaktə]

İstinadlar[redaktə | əsas redaktə]