Adil Əliyev

Adil Əliyev
Adil Əliyev
Suraxanı Rayon İcra Hakimiyyətinin başçısı
	Vəzifədədir
	8 iyul 2024-cü ildən
Əvvəlki	Əziz Əzizov
Azərbaycan Kikboksinq Federasiyasının prezidenti
	Vəzifədədir
	2000-ci ildən
Əvvəlki	Azər Həsənsoy
Azərbaycan Respublikası Milli Məclisi sədrinin müavini
	10 mart 2020 – 9 iyul 2024
Əvvəlki	Ziyafət Əsgərov
Azərbaycan Respublikası Milli Məclisinin III, IV, V və VI çağırış deputatı
	2 dekabr 2005 – 9 iyul 2024
Seçki dairəsi	2005, 2010, 2015, 2020 — 20 saylı Nərimanov ikinci
Əvvəlki	vəzifə təsis edildi
Şəxsi məlumatlar
Doğum tarixi	25 sentyabr 1969 (54 yaş)
Doğum yeri	Maxta, İliç rayonu, Naxçıvan MSSR, Azərbaycan SSR, SSRİ;
Təhsili	Sankt-Peterburq Hərbi Dənizçilik İnstitutu[d],; Azərbaycan Respublikası Daxili İşlər Nazirliyinin Polis Akademiyası,; Bakı Dövlət Universiteti;
Fəaliyyəti	siyasətçi
Rütbəsi	; Polis polkovniki
Elmi fəaliyyəti
Elmi dərəcəsi	hüquq elmləri üzrə fəlsəfə doktoru;
Təltifləri
	Vikianbarda əlaqəli mediafayllar

Adil Abış oğlu Əliyev (25 sentyabr 1969, Maxta, İliç rayonu) — Azərbaycan ictimai-siyasi xadimi, Suraxanı Rayon İcra Hakimiyyətinin başçısı (2024-cü ildən), Azərbaycan Kikboksinq Federasiyasının prezidenti (2000-ci ildən), Azərbaycan Respublikası Milli Məclisinin sabiq sədr müavini (2020–2024), Milli Məclisin III, IV, V və VI çağırış deputatı (2005–2024).

Həyatı

Adil Əliyev 1969-cu il sentyabrın 25-də Naxçıvan Muxtar Respublikasının Şərur rayonunun Maxta kəndində anadan olmuşdur. 1987-ci ildə Bakı idman təmayüllü internat məktəbini bitirib. 1992-ci ildən İdman Ustasıdır. 1992-ci ildə Rusiya Federasiyasının Sankt-Peterburq şəhərindəki M. V. Frunze adına Ali Hərbi Dənizçilik Akademiyasını bitirib. 1998-ci ildə [https://www.pa.edu.az/ Daxili İşlər Nazirliyinin Polis Akademiyasını] bitirib. 2004-cü ildə Bakı Dövlət Universitetinin magistraturasını bitirib. 2010-cu ildə BDU-nun aspiranturasını bitirib.

2009-cu ildə Kikboksinq üzrə veteranlar arası dünya çempionu olub.

2012-ci ildə çap olunmuş "Erməni soyqırımı: mif və gerçəklik" adlı kitabın ingiliscədən Azərbaycan və rus dilinə tərcüməsinin ideya müəllifi olmuşdur.

2012-ci ildə "Kütləvi iğtişaş əməlləri ilə mübarizənin cinayət-hüquqi və kriminoloji problemləri" adlı monoqrafiyası işıq üzü görmüşdür. Monoqrafiya kütləvi iğtişaş əməlləri və kriminoloji problemlərin tədqiqinə həsr edilmişdir. 9 aprel 2013-cü ildə hüquq üzrə fəlsəfə doktoru elmi dərəcəsi almışdır.

Ailəsi

Ailəlidir, üç övladı var.

General-polkovnik Məhərrəm Əliyevin qardaşıdır.

Hərbi xidməti

1992–1993-cü illərdə Azərbaycan Respublikasının Hərbi Dəniz Qüvvələrində zabit kimi xidmət edib. 1994–2003-cü illərdə Daxili İşlər orqanlarında müxtəlif vəzifələrdə — Bakı şəhəri Səbail rayon 39-cu polis bölməsində rəis müavini, Nəqliyyatda Baş Polis İdarəsinin Bərə keçid bölməsinin rəisi, Binəqədi rayon Polis İdarəsinin Narkotiklərlə Mübarizə bölməsinin rəisi, Yasamal rayonu Polis İdarəsinin Cinayət Axtarış Şöbəsinin rəisi işləyib.

2003-cü ildə polis polkovnik-leytenantı rütbəsinə layiq görülüb. 2003–2005-ci illərdə Bakı şəhəri Nərimanov rayon Polis İdarəsinin 16-cı bölməsinin rəisi işləyib.

İctimai-siyasi fəaliyyəti

2000-ci ildən Azərbaycan Kikboksinq Federasiyasının prezidentidir.

20 saylı Nərimanov II seçki dairəsindən Azərbaycan Respublikasının Milli Məclisi III, IV, V və VI çağırış deputatı seçilmişdir.

2005–2010-cu illərdə Milli Məclisin Təhlükəsizlik və Müdafiə məsələləri daimi komissiyasının üzvü, Azərbaycan-Hollandiya parlamentlər arası əlaqələr üzrə İşçi qrupunun rəhbəri, Azərbaycan-Rusiya, Azərbaycan-Ukrayna, Azərbaycan-Almaniya və Azərbaycan-Türkiyə parlamentlər arası əlaqələr üzrə İşçi qrupunun üzvü olub. 2009-cu ildə MDB Müdafiə və Təhlükəsizlik Komitəsinin sədr müavini işləyib.

10 mart 2020-ci ildə Adil Əliyev Azərbaycan Respublikası Milli Məclisi Sədr müavini seçilmişdir.^[1]

10 mart 2020-ci ildə Adil Əliyev Azərbaycan Respublikası Milli Məclisi Gənclər və idman komitəsinin sədri seçilmişdir.^[2]

8 iyul 2024-cü ildə Adil Əliyev Azərbaycan Respublikası Prezidenti İlham Əliyev tərəfindən Bakı şəhər Suraxanı Rayon icra Hakimiyyətinin başçısı təyin edilmişdir.^[3]

Təltif və mükafatları

"Polis əlaçısı" fəxri adı (2000)
"İgidliyə görə" medalı (2005)^[4]
20 iyun 2020-ci ildə "ehtiyatda olan polkovnik" rütbəsiylə təltif edilmişdir.
"Heydər Əliyevin 100 illiyi (1923–2023)" yubiley medalı

Qeydlər

↑ 2000–2008-ci illərdə federasiya Azərbaycan Kikboksinq və Muey-Tay Federasiyası adlanmış, həmin ildə müstəqil iki federasiyaya — Azərbaycan Kikboksinq Federsiyası və Azərbaycan Muey-Tay Federasiyasına bölünmüşdür.

İstinadlar

↑ A. A. Əliyevin Azərbaycan Respublikası Milli Məclisi Sədrinin müavini seçilməsi haqqında AZƏRBAYCAN RESPUBLİKASI MİLLİ MƏCLİSİNİN QƏRARI ^{[ölü keçid]}
↑ "Azərbaycan Respublikası Milli Məclisi komitələrinin sədrlərinin seçilməsi haqqında AZƏRBAYCAN RESPUBLİKASI MİLLİ MƏCLİSİNİN QƏRARI". 2020-08-22 tarixində arxivləşdirilib. İstifadə tarixi: 2020-04-23.
↑ "A.A.Əliyevin Bakı şəhəri Suraxanı Rayon İcra Hakimiyyətinin başçısı təyin edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 2024-07-08 tarixində arxivləşdirilib. İstifadə tarixi: 2024-07-08.
↑ "Azərbaycan Respublikası Daxili İşlər Nazirliyinin bir qrup əməkdaşının təltif edilməsi haqqında Azərbaycan Respublikası Prezidentinin Sərəncamı". 2022-02-17 tarixində arxivləşdirilib. İstifadə tarixi: 2016-01-28.

[1] 2000–2008-ci illərdə federasiya Azərbaycan Kikboksinq və Muey-Tay Federasiyası adlanmış, həmin ildə müstəqil iki federasiyaya — Azərbaycan Kikboksinq Federsiyası və Azərbaycan Muey-Tay Federasiyasına bölünmüşdür.

[2] A. A. Əliyevin Azərbaycan Respublikası Milli Məclisi Sədrinin müavini seçilməsi haqqında AZƏRBAYCAN RESPUBLİKASI MİLLİ MƏCLİSİNİN QƏRARI ^{[ölü keçid]}

[3] "Azərbaycan Respublikası Milli Məclisi komitələrinin sədrlərinin seçilməsi haqqında AZƏRBAYCAN RESPUBLİKASI MİLLİ MƏCLİSİNİN QƏRARI". 2020-08-22 tarixində arxivləşdirilib. İstifadə tarixi: 2020-04-23.

[4] "A.A.Əliyevin Bakı şəhəri Suraxanı Rayon İcra Hakimiyyətinin başçısı təyin edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 2024-07-08 tarixində arxivləşdirilib. İstifadə tarixi: 2024-07-08.

[5] "Azərbaycan Respublikası Daxili İşlər Nazirliyinin bir qrup əməkdaşının təltif edilməsi haqqında Azərbaycan Respublikası Prezidentinin Sərəncamı". 2022-02-17 tarixində arxivləşdirilib. İstifadə tarixi: 2016-01-28.

[a]

[1]

[2]

[3]

[4]