Elnur Allahverdiyev (siyasətçi)

Vikipediya, azad ensiklopediya
Jump to navigation Jump to search
Elnur Allahverdiyev
Elnur Allahverdiyev (siyasətçi).jpg
bayraqAzərbaycan Respublikasının Milli Məclisi VI çağırış deputatıbayraq
Vəzifədədir
10 mart 2020-ci ildən
Sələfi Elşad Həsənov
Seçki dairəsi 202017 saylı Yasamal üçüncü
Şəxsi məlumatlar
Doğum tarixi 21 aprel 1978(1978-04-21) (44 yaş)
Doğum yeri
Partiya
Təhsili
Atası Marat Allahverdiyev
elnurallahverdiyev.az

Elnur Marat oğlu Allahverdiyev (21 aprel 1978, Bakı) — azərbaycanlı dövlət və siyasi xadim, Azərbaycan Milli Məclisinin VI çağırış üzvü.

Həyatı[redaktə | mənbəni redaktə et]

Elnur Allahverdiyev 1978-ci il aprelin 21-də Bakı şəhərində anadan olub. 1995–1999-cu illərdə Azərbaycan Beynəlxalq Universitetində (ABU) hüquqşünaslıq üzrə ali təhsil alıb. 1999–2000-ci illərdə Qazax rayonunda Azərbaycan Silahlı Qüvvələrində həqiqi hərbi xidmətdə olub. 2012–2015-ci illərdə isə Azərbaycan Dövlət İqtisad Universitetində iqtisadiyyatın hüquqi tənzimlənməsi üzrə ali təhsili alıb.

Ailəsi[redaktə | mənbəni redaktə et]

Elnur Allahverdiyev ailəlidir, üç övladı var.

İctimai-siyasi fəaliyyəti[redaktə | mənbəni redaktə et]

Elnur Allahverdiyev 2001-ci ildən 2020-ci ilə qədər "ABC-Telecom" MMC-nin Baş direktoru olub.

14 noyabr 2014-cü ildən 29 dekabr 2019-cu ilədək Sloveniyanın Azərbaycanda olan Fəxri Konsulu vəzifəsində çalışıb.

26 mart 2018-ci ildən 1 iyul 2021-ci ilə qədər "Azərcell" MMC-nin Müşahidə Şurasının sədri olub.

Elnur Allahverdiyev 2020-ci ildə parlament seçkiləri ilə əlaqədar bütün sahibkarlıq fəaliyyətini dayandırmışdır.

2020-ci il fevralın 9-da baş tutan parlament seçkilərində 17 saylı Yasamal üçüncü seçki dairəsindən Yeni Azərbaycan Partiyası namizədi olaraq iştirak edən Elnur Allahverdiyev 2145 səslə (40,98%) VI çağırış Milli Məclisin deputatı seçilmişdir.[1]

2020-ci il martın 10-dan səlahiyyətlərinin icrasına başlayan Elnur Allahverdiyev Milli Məclisin Gənclər və İdman Komitəsinin, İqtisadi Siyasət, Sənaye və sahibкarlıq Komitəsinin, habelə Hesablayıcı Komissiyasının üzvü seçilmişdir.[2][3]

GUAM Parlament Assambleyası sədri, GUAM PA-da Azərbaycan nümayəndə heyyətinin, Azərbaycan-Çexiya parlamentlərarası əlaqələr üzrə işçi qrupunun rəhbəridir.

İstinadlar[redaktə | mənbəni redaktə et]

  1. "Candidates elected by constituencies in the Parliamentary elections to be held in Azerbaijan on february 9, 2020" (az.)). 10.02.2020. 20.08.2020 tarixində arxivləşdirilib. İstifadə tarixi: 20.08.2020.
  2. "Azərbaycan Milli Məclisinin Gənclər və idman Komitəsi üzvlərinin seçilməsi haqqında Azərbaycan Milli Məclisinin 14 mart 2020-ci il tarixli 21-VIQR nömrəli Qərarı" (az.)). 14.03.2020. 20.08.2020 tarixində arxivləşdirilib. İstifadə tarixi: 20.08.2020.
  3. "Azərbaycan Milli Məclisinin İqtisadi siyasət, sənaye və sahibкarlıq Komitəsinin üzvlərinin seçilməsi haqqında Azərbaycan Milli Məclisinin 14 mart 2020-ci il tarixli 16-VIQR nömrəli Qərarı" (az.)). 14.03.2020. 20.08.2020 tarixində arxivləşdirilib. İstifadə tarixi: 20.08.2020.