Eldəniz Səlimov

Vikipediya, azad ensiklopediya
Jump to navigation Jump to search
Eldəniz Səlimov
Eldəniz Səlimov.jpg
bayraqAzərbaycan Milli Məclisinin VVI çağırış üzvübayraq
24 noyabr 2015 — hal-hazırda
Sələfi Arif Əşrəfov
Şəxsi məlumatlar
Partiya
Təhsili
Doğum tarixi 2 noyabr 1976(1976-11-02) (44 yaş)
Doğum yeri

Təltifləri "Tərəqqi" medalı "Azərbaycan Xalq Cümhuriyyətinin 100 illiyi (1918-2018)" yubiley medalı

Eldəniz Adil oğlu Səlimov (2 noyabr 1976, Xaçmaz) ― Azərbaycan Milli Məclisinin VVI çağırış üzvü.

Həyatı[redaktə | mənbəni redaktə et]

Eldəniz Səlimov 1976-cı il oktyabrın 2-də Xaçmaz şəhərində anadan olub.[1] Eldəniz Səlimovnın atası – Adil Səlimov dəmiryolçu olub. 1983-cü ildə Xaçmaz şəhəri 45 №-li tam orta məкtəbin birinci sinfinə gedən Eldəniz Səlimov, 1993-cü ildə həmin məкtəbi bitirdi.[1] 1993–1998-ci illərdə Dağıstan Dövlət Universitetində iqtisadiyyat ixtisası üzrə təhsil alan Eldəniz Səlimov, rus dilini bilir.[1]

Ailəsi[redaktə | mənbəni redaktə et]

Eldəniz Səlimov ailəlidir, bir oğlu və bir qızı var.[1]

Fəaliyyəti[redaktə | mənbəni redaktə et]

Eldəniz Səlimov 2000–2002-ci illərdə Vergi Nazirliyinin Xaçmaz rayonu üzrə Vergilər şöbəsində dövlət vergi müfəttişi vəzifəsində çalışdı.[1] 2002-ci ildə 1 saylı Ərazi Vergi İdarəsində, 2002–2010-cu illərdə isə 3 saylı Ərazi Vergi İdarəsində dövlət vergi müfəttişi və baş dövlət vergi müfəttişi vəzifələrində çalışan Eldəniz Səlimov, 2011–2012-ci illərdə "TexnikaBank" ASC-nin Xaçmaz filialının müdirinin müavini vəzifəsində çalışdı.[1] 2013–2014-cü illərdə Müdafiə Nazirliyinin "Üfuq" İstehsalat Birliyinin Xaçmaz Kondensator Zavodunda mühəndis-iqtisadçı olan Eldəniz Səlimov, 2014–2015-ci illərdə Xaçmaz rayon icra başçısının inzibati ərazi dairəsi üzrə nümayəndəsi vəzifəsində çalışdı.[1]

Siyasi fəaliyyəti[redaktə | mənbəni redaktə et]

Eldəniz Səlimov 2015-ci il parlament seçkilərinə 55 saylı Xaçmaz şəhər dairəsindən Yeni Azərbaycan Partiyasının (YAP) namizədi olaraq qatılıb.[1] Eldəniz Səlimov, seçkilərdə qalib gələrək V çağırış Milli Məclisə üzv seçilib.[1] O, 2010–2015-ci illərdə Milli Məclisin Aqrar siyasət Komitəsinin üzvü vəzifəsində çalışıb.[1] Eldəniz Səlimov, həm də, Avstraliya, Yeni Zelandiya, Belarus, BƏƏ, Çin, İtaliya, QazaxıstanLüкsemburq parlamentlərarası əlaqələr üzrə işçi qruplarınında üzvü olub.[1]

Eldəniz Səlimov 2020-ci il parlament seçkilərinə də 55 saylı Xaçmaz şəhər dairəsindən Yeni Azərbaycan Partiyasının (YAP) namizədi olaraq qatılıb.[1] Eldəniz Səlimov, bu seçkilərdə də qalib gələrək VI çağırış Milli Məclisə üzv seçilib.[1] O, 2015–2021-ci illərdə Milli Məclisin Aqrar siyasət, Gənclər və İdman Komitələrinin üzvü vəzifəsində çalışıb.[2][3]

Eldəniz Səlimov haqqında 2021-ci ilin iyul ayının 29-da Xaçmaz şəhəri ərazisində polis işçisini döydüyü iddiası ilə polis orqanları müraciət edilmiş, Daxili İşlər Nazirliyi işi Baş Prokurorluğa göndərmişdir. Baş Prokurorluq iyulun 30-da deputatının polis əməkdaşına xidməti vəzifələrinin icrası ilə əlaqədar zor tətbiq etməsi iddası ilə bağlı cinayət işi başlatmış və daha sonra deputatın toxunulmazlığının ləğvi ilə bağlı parlamentə təqdimat göndərmişdir. 2 avqust 2021-ci tarixində parlamentin İntizam Komissiyasının iclasında deputatın toxunulmazlığı ləğv edilməsi ilə bağlı məsələ plenar iclasa tövsiyə olunmuşdur.[4] Həmçinin 2 avqust 2021-ci il tarixində Yeni Azərbaycan Partiyası Xaçmaz rayon təşkilatının İdarə Heyətinin iclasında Eldəniz Səlimov YAP üzvlüyündən xaric edilmişdir.[5] Parlamentin 3 avqust 2021 tarixli fövqəladə iclasında deputatın toxunulmazlığı ləğv olunmuşdur.[6]

Təltifləri[redaktə | mənbəni redaktə et]

İstinadlar[redaktə | mənbəni redaktə et]

  1. 1 2 3 4 5 6 7 8 9 10 11 12 13 "Azərbaycanın Milli Məclisinin beşinci və altıncı çağırış deputatları  (az.)". M. F. Axundzadə adına Azərbaycan Milli Kitabxanası. 2019-08-24. 2019-08-24 tarixində arxivləşdirilib. İstifadə tarixi: 2019-08-24.
  2. "Azərbaycan Milli Məclisinin Aqrar siyasət Komitəsi üzvlərinin seçilməsi haqqında Azərbaycan Milli Məclisinin 14 mart 2020-ci il tarixli 17-VIQR nömrəli Qərarı" (az.)). 14.03.2020. 20.08.2020 tarixində arxivləşdirilib. İstifadə tarixi: 20.08.2020.
  3. "Azərbaycan Milli Məclisinin Gənclər və idman Komitəsi üzvlərinin seçilməsi haqqında Azərbaycan Milli Məclisinin 14 mart 2020-ci il tarixli 21-VIQR nömrəli Qərarı" (az.)). 14.03.2020. 20.08.2020 tarixində arxivləşdirilib. İstifadə tarixi: 20.08.2020.
  4. "Arxivlənmiş surət". 2021-07-31 tarixində arxivləşdirilib. İstifadə tarixi: 2021-08-02.
  5. "Arxivlənmiş surət". 2021-08-02 tarixində arxivləşdirilib. İstifadə tarixi: 2021-08-02.
  6. "Arxivlənmiş surət". 2021-07-31 tarixində arxivləşdirilib. İstifadə tarixi: 2021-08-02.