Mirzəcan Xəlilov

Vikipediya, azad ensiklopediya
Naviqasiyaya keç Axtarışa keç
Mirzəcan Xəlilov
Şəxsi məlumatlar
Doğum tarixi 1954
Doğum yeri
Fəaliyyəti siyasətçi
Təltifləri "Şöhrət" ordeni "Azərbaycan Xalq Cümhuriyyətinin 100 illiyi (1918–2018)" yubiley medalı

Mirzəcan Xəlilov (1954, Sabirabad rayonu) — Azərbaycan Respublikası Milli Məclisinin V çağırış[1] deputatı. "Təbii ehtiyatlar, energetika və ekologiya komitəsi"nin və "İqtisadi siyasət, sənaye və sahibkarlıq komitəsi"nin üzvüdür.[2]

Həyatı

[redaktə | mənbəni redaktə et]

Mirzəcan Mirzəmməd oğlu Xəlilov 1954-cü il, aprel ayının 19-da Sabirabad rayonunun Kovlar kəndində kolxozçu ailəsində anadan olub. Mirzəcan Xəlilov ailədə 6 övladdan biri olub. İlk təhsilini 1960-cı ildə Kovlar kənd 8 illik natamam məktəbdə alan Mirzəcan Xəlilov 1968-ci ildə oranı əla qiymətlərlə bitirib. Həmin ili Sabirabad şəhər Səməd Vurğun adına 3 saylı şəhər orta məktəbində təhsilini davam etdirib. 1970-ci ildə şəhər məktəbinin 10-cu sinfini bitirib. Həmin ili Çingiz İldırım adına Azərbaycan Politexnik İnstitutunun Çay Qurğuları və su-elektrik stansiyasının Hidrotexniki Tikintiləri ixtisasına qəbul olub. Qiyabi təhsil alan Mirzəcan Xəlilov 8 oktyabr 1978-ci ildə paytaxtda fəaliyyət göstərən Bakı Şin zavodunda iş fəaliyyətinə Başlayıb. 1974–76-cı illərdə hərbi xidmətlə bağlı təhsilinə ara verməli olub. 1978-ci ildə ali təhsilini başa vuran Mirzəcan Xəlilov Hidrotexniki qurğular üzrə mühəndis kimi təyinatla Sabirabad rayonuna göndərilib və iş fəaliyyətini orda davam etdirməli olub. 1978-ci ildən Sabirabad rayonunda Sabirabad-Saatlı su kəmərinin inşaasını həyata keçirən "Azərkənd Su Təchizat Tikinti İstehsalat Birliyi"nin 20 saylı SMD-sində briqadir kimi işə başlayıb, qısa müddətdə usta, iş icraçısı və sahə rəisi vəzifələrinə qədər yüksəlib. 1980-ci ildə Avropada anoloqu olmayan və sutkada 50 min kub. saat su təmizləyən qurğunun tikintisi yekunlaşdırılıb.

O, 1984-cü ildə 20 saylı Səyyar Mexanikləşdirilımiş Dəstədə (SMD) də baş mühəndis, 1989-cu ildə isə həmin quruma rəhbər vəzifəsinə təyin edilib. Təşkilat Respublikanın əksər rayonlarında içməli su təchizatı ilə bağlı "Mil Qarabağ, Gəncə- Qazax- Şirvan" Qroup Su kəmərlərinin tikintisində bilavastə yaxından iştirak edib. 1997-ci ildə Tikintinin inhisarlaşması ilə əlaqədar olaraq, Mirzəcan Xəlilovun rəhbərlik etdiyi təşkilat Sabirabad Su Təchizat Tikinti ASC-nə çevrilib. Yeni yaranan ASC, Avropa Birliyinin TACİS proqramı çərçivəsində Füzuli rayonunun azad edilmiş 22 yaşayış məntəqəsində Avropa Birliyinin vəsaiti hesabına tikinti-bərpa işləri həyata keçirib. 2003-cü ildə isə Mirzəcan Xəlilovun rəhbərlik etdiyi qurum daha da genişlənən Azərsutəchizattikinti ASC-yə çevrilib.

Hal-hazırda Mirzəcan Xəlilov Azərsutəchizattikinti ASC təşkilatının müşahidə şurasının sədridir. 6 övladı var.

Siyasi fəaliyyəti

[redaktə | mənbəni redaktə et]

2007-ci ildən YAP-ın üzvü olan Mirzəcan Xəlilov Azərbaycan Respublikası Milli Məclisinin V çağırış Deputatı, "Təbii Ehtiyatlar, energetika və Ekiologiya Komitəsi"nin və "iqtisadi Siyasət, sənaye və sahibkarlıq komitəsinin üzvü olmuşdur.

Təltifləri

[redaktə | mənbəni redaktə et]
  • "Əməkdar Mühəndis" fəxri adı — Azərbaycan Respublikasının Prezidenti İlham Əliyevin 10 aprel 2014-cü il tarixli Sərəncamı ilə, Azərbaycan Respublikasında tikinti kompleksinin inkişafında xidmətlərinə görə "Əməkdar Mühəndis" fəxri adı verilmişdir.[3]
  • "Şöhrət" ordeni ilə — Azərbaycan Respublikasının Prezidenti İlham Əliyevin 18 aprel 2019-cu il tarixli Sərəncamı ilə, Azərbaycan Respublikasının ictimai-siyasi həyatında fəal iştirakına görə Mirzəcan Mirzəmməd oğlu Xəlilov "Şöhrət" ordeni ilə təltif edilmişdir.Sitat səhvi: <ref> açılış teqi səhv formalaşdırılıb və ya adı etibarsızdır

İstinadlar

[redaktə | mənbəni redaktə et]
  1. ↑ 2015-ci il 24 noyabr tarixli iclasın stenoqramı Arxivləşdirilib 2018-09-19 at the Wayback Machine. parliament.az (az.)
  2. ↑ http://www.meclis.gov.az/?/az/deputat/253 Arxivləşdirilib 2022-07-31 at the Wayback Machine]
  3. ↑ https://president.az/articles/11384 Arxivləşdirilib 2019-05-02 at the Wayback Machine]
Mənbə — "https://az.wikipedia.org/w/index.php?title=Mirzəcan_Xəlilov&oldid=7693223"