Yaqub Mahmudov

Vikipediya, açıq ensiklopediya
Keçid et: naviqasiya, axtar
Yaqub Mahmudov
Yaqub Mikayıl oğlu Mahmudov
Yaqub Mahmudov.jpg
Doğum tarixi: 10 fevral 1939 (1939-02-10) (78 yaş)
Doğum yeri: Baş Göynük, Şəki rayonu
Vətəndaşlıq: Flag of the Soviet Union.svg SSRİFlag of Azerbaijan.svg Azərbaycan
Elm sahəsi: Tarix
İş yeri: AMEA-nın Tarix İnstitutunun direktoru
Elmi dərəcəsi: Tarix elmləri doktoru
Elmi vəzifəsi: akademik
Təhsili: Bakı Dövlət Universitetinin tarix fakültəsi
Tanınır: Tarixçi-alim
Mükafatları: Əməkdar Elm Xadimi
"Şöhrət" ordeni
"Şərəf" ordeni

Yaqub Mikayıl oğlu MahmudovAzərbaycan Milli Elmlər Akademiyasının (AMEA) Tarix İnstitutunun direktoru, Milli Məclisin deputatı[1], akademik[2].

Həyatı[redaktə | əsas redaktə]

10 fevral 1939-cu ildə doğulmuşdur.1956-cı ildə orta məktəbi bitirmişdir. 1962-ci ildə Bakı Dövlət Universitetinin tarix fakültəsini fərqlənmə diplomu ilə bitirmişdir.1966-cı ildə aspiranturanı başa vurmuş və "Ağqoyunlu dövlətinin Venesiya Respublikası ilə qarşılıqlı əlaqələri (XV əsrin 60-70-ci illəri)" övzusunda namizədlik dissertasiyası müdafiə etmişdir. 1966-1981-cı illərdə Azərbaycan Ensiklopediyasında elmi redaktor, böyük elmi redaktor,Ümumi tarix və Azərbaycan tarixi redaksiyalarının müdiri, Ensiklopediyanın elmi işlər üzrə Baş redaktor müavini, Azərbaycan Dövlət Pedaqoji Universitetinin baş müəllimi və dosenti vəzifələrində çalışmışdır.1981-ci ildə Bakı Dövlət Universitetində Qədim dünya və orta əsrlər tarixi kafedrasının açılması ilə həmin kafedrada dosent vəzifəsində işə dəvət olunmuşdur.1983-cü ildə Universitetin Qədim dünya və orta əsrlər tarixi kafedrasının müdiri vəzifəsini icra etmişdir.1985-1986-cı illərdə Universitetin Tarix fakültəsinin dekan müavini işləmişdir.1986-cı ildə Tarix fakültəsinin dekanı seçilmişdir.1989-cu ildə M.V.Lomonosov adına Moskva Dövlət Universiteti Tarix fakültəsinin Elmi Şurasında “Ağqoyunlu və Səfəvi dövlətlərinin Qərbi Avropa ölkələri ilə qarşılıqlı əlaqələri (XV əsrin II yarısı - XVII əsrin əvvəlləri)” mövzusunda doktorluq dissertasiyası müdafiə etmişdir. 1990-cı ilin noyabrında Tarix fakültəsinin xalq hərəkatında fəal iştirak edən bir qrup tələbəsinin universitetdən xaric olunmasına etiraz əlaməti olaraq dekan vəzifəsindən istefa vermişdir. 1990-cı ildə professor elmi adı almış, Qədim dünya və orta əsrlər tarixi kafedrasının müdiri seçilmişdir. İndiyədək həmin kafedraya rəhbərlik edir. 1992-1993-cü illərdə Azərbaycan Respublikası Ali Attestasiya Komissiyası sədrinin müavini, “Azərbaycan Ensiklopediyası” Nəşriyyat-Poliqrafiya Birliyinin baş direktoru işləmişdir. 1994-cü ildə Qədim dünya və orta əsrlər tarixi kafedrasının müdiri vəzifəsində qalmaqla yenidən Universitetin Tarix fakültəsinin dekanı seçilmiş və 2004-cü ilədək həmin vəzifədə fəaliyyət göstərmişdir. 2004-cü il sentyabrın 13-dən Azərbaycan Milli Elmlər Akademiyası Tarix İnstitutunun direktorudur. Azərbaycanın orta əsrlər tarixi, diplomatiya tarixi və ümumdünya tarixinə dair 700-dək monoqrafiya, kitab, dərslik, dərs vəsaiti, elmi, elmi-publisistik məqalə, dövri mətbuatda dərc olunmuş müxtəlif xarakterli yazılar və s. nəşrlərin müəllifidir. Eyni zamanda irihəcmli tərcümələri vardır. O, ikicildlik «Azərbaycan Xalq Cümhuriyyəti Ensiklopediyası»nın (Bakı-2004) baş redaktoru və «Naxçıvan Ensiklopediyası» (Bakı-2005) redaksiya heyətinin üzvüdür. Həmin ensiklopediyalarda, həmçinin «Azərbaycan Sovet Ensiklopediyası»nda çoxsaylı məqalələri dərc olunmuşdur. Azərbaycan tarixinin mühüm problemləri üzrə bir çox monoqrafiya və kitabların müəllifidir (ən mühüm əsərlərinin siyahısına bax). Türkiyə, ABŞ, Rusiya, Yunanıstan, İran, Koreya (Cənubi Koreya), Səudiyyə Ərəbistanı,İraq, İsveçrə, Belçika, Şimali Kipr Cümhuriyyəti, Pakistan, Xorvatiya, Filippin, İsveç,Macarıstan, İtaliya və b. ölkələrin müxtəlif şəhərlərində (Ankara, İstanbul, Vaşinqton, NyuYork,Moskva, Sankt-Peterburq, Kiyev, Afina, Tehran, Seul, Hoseo, Pusan, Kayseri, Təbriz, Zəncan-Sultaniyyə, Vladimir-Suzdal, Bağdad, Cenevrə, Brüssel, Manila, Stokholm, Budapeşt,Venesiya, Roma və s.) keçirilən beynəlxalq simpoziumlarda iştirak və çıxışlar etmişdir.1998-ci ildə (31 mart 1998 - 15 aprel 1998) müqəddəs Həcc ziyarətinə getmiş, Məkkə və Mədinə, habelə Bağdad, Kərbəla, Kufə, Nəcəf, Məşhəd ziyarətgahlarında olmuşdur.

Lütfi Zadə adına Beynəlxalq Müasir Elmlər Akademiyasının həqiqi üzvüdür. Azərbaycan Respublikası Prezidenti yanında Heraldika Şurasının, «Əsir və itkin düşmüş,girov götürülmüş vətəndaşlarla iş üzrə Dövlət Komissiyası»nın, Azərbaycan Respublikası Milli Məclisi Toponimika Komissiyasının, Azərbaycan-Özbəkistan Dostluq Cəmiyyəti İdarə Heyətinin, Qafqaz Müsəlmanları İdarəsi elmi-dini şurasının, Azərbaycan Milli Ensiklopediyası Baş Redaksiya şurasının, Dünya Azərbaycanlılarını Əlaqələndirmə Şurasının üzvüdür. Ölkə üzrə tarix ixtisası sahəsində Dissertasiya Şurasının, Təhsil Nazirliyi Elmi-Metodik Şurası Tarix bölməsinin, Tələbə Qəbulu üzrə Dövlət Komissiyasında Tarix fənni üzrə elminəzəri seminarın sədridir. Yeni Azərbaycan Partiyası Siyasi Şurasının üzvüdür. 2000-ci ilin 5 noyabrında Azərbaycan Respublikasının Milli Məclisinə – Parlamentinə (II çağırış) deputat seçilmişdir.2005-ci ilin 6 noyabrında yenidən Azərbaycan Respublikasının Milli Məclisinə – Parlamentinə (III çağırış) deputat seçilmişdir. 2010-cu ilin 7 noyabrında yenidən Azərbaycan Respublikasının Milli Məclisinə – Parlamentinə (IV çağırış) deputat seçilmişdir. Azərbaycan xalqının ümummilli lideri Heydər Əliyev Yaqub Mahmudovun elmi fəaliyyətini yüksək qiymətləndirmiş, onu Azərbaycanın «böyük tarixçisi» adlandırmışdır.

Ailəlidir. Bir oğlu, iki qızı, üç nəvəsi var. Bir qızı - Gülnur Mahmud filologiya elmləri namizədidir[3].

Əsas elmi əsərləri[redaktə | əsas redaktə]

Beynəlxalq və xarici ölkələrin elmi qurumlarında üzvlüyü[redaktə | əsas redaktə]

Lütfi Zadə adına Beynəlxalq Müasir Elmlər Akademiyasının həqiqi üzvüdür.

Təltif və mükafatlar[redaktə | əsas redaktə]

  • "Yusif Məmmədəliyev", "Rəsul Rza", "Qızıl qılınc", "Qızıl qələm" mükafatları laureatı;
  • Azərbaycan Respublikasının Əməkdar Elm xadimi;
  • "Şöhrət" ordeni
  • "Şərəf" ordeni
  • Azərbaycan Respublikasının Dövlət Mükafatı
  • “Best Enterprises - 2012” diplomu[4]
  • “The Name in Science” (azərb. "Elmdə ad") fəxri titulu[4]
  • “Kraliça Viktoriya” diplomu və medalı (2014)[4]

Mənbə[redaktə | əsas redaktə]

İstinadlar[redaktə | əsas redaktə]

  1. [1]
  2. AMEA-nın həqiqi və müxbir üzvlüyünə keçirilən seçkilərin nəticələri açıqlanıb
  3. Məşhurların övladları: Yaqub Mahmudovun şərqşünas qızı. modern.az, 26.10.2016  (azərb.)
  4. 4,0 4,1 4,2 Yaqub Mahmudov mükafata layiq görülüb