Nazim İbrahimov (naşir)

Vikipediya, azad ensiklopediya
Naviqasiyaya keç Axtarışa keç
Vikipediyada bu ad-soyadlı digər şəxslər haqqında da məqalələr var; bax: Nazim İbrahimov.
Nazim İbrahimov
bayraq
Azərbaycan SSR Dövlət Nəşriyyat, Poliqrafiya və Kitab Ticarəti İşləri Komitəsinin sədri
bayraq2
9 sentyabr 1980 – 23 dekabr 1988
ƏvvəlkiMarat Allahverdiyev
SonrakıRəşid Mahmudov
bayraq
Azərbaycan Kommunist Partiyası Oktyabr Rayon Komitəsinin birinci katibi
bayraq2
1971 – 1980
Şəxsi məlumatlar
Doğum tarixi 1 fevral 1935(1935-02-01)
Doğum yeri
Vəfat tarixi 1 sentyabr 2019(2019-09-01) (84 yaşında)
Vəfat yeri
Təhsili Azərbaycan Dövlət Universiteti
Fəaliyyəti publisist, naşir, jurnalist
Təltifləri "Xalqlar dostluğu" ordeni "Qırmızı əmək bayrağı" ordeni "Şərəf nişanı" ordeni
"Humay" mükafatı — 2000

Nazim Sadıq oğlu İbrahimov (1 fevral 1935, Bakı – 1 sentyabr 2019, Bakı) — publisist, naşir, jurnalist, ictimai xadim, Azərbaycan Yazıçılar Birliyinin üzvü (1996), Azərbaycan Jurnalistlər Birliyinin üzvü (1986).[1][2]

Həyatı[redaktə | mənbəni redaktə et]

İbrahimov Nazim Sadıq oğlu 1935-ci ilin 1 fevralında Bakıda anadan olub. 1957-ci ildə Azərbaycan Dövlət Universitetini bitirib. İxtisasca geoloq-geofizikdir, elmlər namizədi olmuşdur.

İki övladı və dörd nəvəsi olmuşdur.

Fəaliyyəti[redaktə | mənbəni redaktə et]

1957–1970-ci illərdə mühəndis-geoloq, partiya rəhbəri, ekspedisiya başçısı, Bakı şəhərinin Yasamal (keçmiş Oktyabr) rayonu partiya komitəsinin I katibi (1971–1980), Poliqrafiya və Kitab Ticarəti Komitəsinin (Mətbuat və İnformasiya Nazirliyi) sədri (1980–1988), 1991-ci ildə Azərbaycan Elmlər Akademiyası prezidentinin müavini, 1991–1992-ci illərdə Azərbaycan Dövlət Ensiklopediyasının baş redaktoru, 1993–2005-ci illərdə "Azərbaycan" nəşriyyatının baş direktoru olub.

1975-ci və 1990-cı illərdə Azərbaycan SSR Ali Sovetinin deputatı, Respublika Ali Sovetinin plan-büdcə komissiyasının sədri olub. Elmi tədqiqatla məşğul olub.

"Prezident Heydər Əliyev", "Zərifə Əliyeva" kimi fundamental kitabların, həmçinin, "Üzeyir Hacıbəyov", "Cəlil Məmmədquluzadə" ensiklopediyalarının baş redaktoru və 10 cildlik Azərbaycan Ensiklopediyasının baş redaksiya heyətinin və Üzeyir Hacıbəyovun 100 və 110 illik yubileylərinin keçirilməsi üzrə dövlət komissiyalarının üzvü olub. Bir sıra kitabların müəllifi və tərtibçisi olub.

1995–2004-cü illərdə Olimpiya Komitəsinin üzvü, Azərbaycan Tennis Federasiyasının prezidenti, həlledici səslə Beynəlxalq və Avropa Tennis Federasiyasının üzvü olub.

2006-cı ildən Azərbaycan Yazıçılar Birliyinin məsul katibi olub.

Mükafatları[redaktə | mənbəni redaktə et]

İstinadlar[redaktə | mənbəni redaktə et]

  1. ↑ "İbrahimov Nazim Sadıq oğlu". 2023-08-04 tarixində arxivləşdirilib. İstifadə tarixi: 2013-06-23.
  2. ↑ Teymur Əhmədov. "Azərbaycan yazıçıları (XX-XXI yüzillikdə)". Bakı: "Nurlar" NPM. 2011. 1056. ISBN 978 9952 460 06 3.
  3. ↑ "Cəlil Məmmədquluzadə Ensiklopediyası". 2023-08-04 tarixində arxivləşdirilib. İstifadə tarixi: 2013-06-23.
Mənbə — "https://az.wikipedia.org/w/index.php?title=Nazim_İbrahimov_(naşir)&oldid=7150041"