Heydər Əliyev (kitab)
| Heydər Əliyev | |
|---|---|
.jpg) "Heydər Əliyev" kitabının üz qabığı | |
| Müəlliflər | Yaqub Mahmudov (layihə rəhbəri, elmi red.) və başqaları |
| Orijinalın dili | Azərbaycan dili |
| Ölkələr |
 Azərbaycan |
| Nəşriyyat | Turxan NPB |
| Nəşr | 2013 |
| Səhifə |
500 (I cild), 704 (II cild) |
Heydər Əliyev (kitab) ― Azərbaycan Milli Elmlər Akademiyası Tarix İnstitutunun nəşri olan "Heydər Əliyev" fundamental elmi araşdırması iki cilddən ibarətdir. Əsərin birinci cildi Ulu Öndərin ömür yolunun müstəqillik illərinə qədərki dövrünü əhatə edir. Kitab dahi şəxsiyyətin dövlətçilik fəaliyyətinin akademik səviyyədə araşdırılması yolunda ilk addımdır. Geniş mütəxəssislər kollektivi tərəfindən hazırlanmış "Heydər Əliyev" ikicildliyinin 1-ci cildində arxiv materiallarından geniş istifadə olunmuşdur. [1][2]
Əsərin ikinci cildi Ulu Öndərin ömür yolunun Müstəqillik dövrünü əhatə edir. "Heydər Əliyev" ikicildliyinin 2-ci cildində dahi şəxsiyyətin əsərləri, nitqləri, çıxışları öz əksini tapmışdır. O cümlədən müxtəlif dövrlərdə nəşr olunmuş ilk mənbələr, arxiv sənədləri və elmi ədəbiyyatdan geniş istifadə olunmuşdur.[1][2]
Haqqında[redaktə | mənbəni redaktə et]
Birinci cild[redaktə | mənbəni redaktə et]
"Heydər Əliyev" ikicildliyinin 1-ci cildi Ulu Öndərin ömür yolunun Azərbaycan SSR-in dövlət təhlükəsizliyi orqanlarındakı fəaliyyəti, Azərbaycan SSR-ə birinci rəhbərliyi və SSRİ-nin ali rəhbərliyindəki fəaliyyəti dövrlərini əhatə edir. Cildin əvvəlində verilmiş Giriş məqaləsi (I fəsil) Heydər Əliyev şəxsiyyətinin Azərbaycan xalqının tarixi keçmişindəki böyük xidmətlərinə həsr olunmuşdur.[1]
Əsərin birinci cildi nəşrə hazırlanarkən Ulu Öndərin əsərləri, nitqləri, çıxışları, müxtəlif dövrlərdə nəşr olunmuş ilk mənbələr və elmi ədəbiyyatla yanaşı, Azərbaycan Respublikası Dövlət Arxivi, Azərbaycan Respublikası Prezidenti İşlər İdarəsi yanında Siyasi Sənədlər Arxivi, Azərbaycan Milli Elmlər Akademiyası Tarix İnstitutunun Elmi Arxivi, Azərbaycan Respublikası Dövlət Ədəbiyyat və İncəsənət Arxivi, Azərbaycan Respublikası Milli Məclisinin Arxivi, Azərbaycan Dövlət Statistika Komitəsinin Arxivi və digər arxivlərin sənədlərindən, dövri mətbuat materiallarından geniş istifadə olunmuşdur.[1]
İkinci cild[redaktə | mənbəni redaktə et]
"Heydər Əliyev" ikicildliyinin 2-ci cildi Ulu Öndərin ömür yolunun Müstəqillik dövrünü əhatə edir. Cild Giriş məqaləsi və 8 fəsli əhatə edən 2 bölmədən ibarətdir. Cildin əvvəlində verilmiş "Azərbaycan tarixində Heydər Əliyev şəxsiyyəti" adlanan Giriş məqaləsi dahi şəxsiyyətin Azərbaycan xalqının tarixi keçmişindəki böyük xidmətlərinə həsr olunmuşdur. Əsərin 2-ci cildi İlham Əliyevin Ulu Öndərin inkişaf strategiyasını böyük uğurla davam etdirilməsinə və Heydər Əliyev Fondunun fəaliyyətinə həsr olunmuş materiallarla tamamlanır.[2]
İstinadlar[redaktə | mənbəni redaktə et]
- ↑ 1,0 1,1 1,2 1,3 Heydər Əliyev. İki cilddə. I cild. (Müstəqillik illərinə qədərki dövr) / layihə rəhbəri, elmi red., giriş məqaləsi və son sözün müəllifi: Yaqub Mahmudov; AMEA A.A.Bakıxanov ad. Tarix İnstitutu. – Bakı: Turxan NPB, 2013 – 500 səh. ISBN 978-9952-8211-5-4.
- ↑ 2,0 2,1 2,2 Heydər Əliyev. İki cilddə. II cild. (Müstəqillik illəri dövrü) / layihə rəhbəri, elmi red., giriş məqaləsi və son sözün müəllifi: Yaqub Mahmudov; AMEA A.A.Bakıxanov ad. Tarix İnstitutu. – Bakı: Turxan NPB, 2013 – 704 səh. ISBN 978-9952-8211-6-1.