Gövhər Baxşəliyeva

Gövhər Baxşəliyeva
Gövhər Baxşəli qızı Baxşəliyeva
Doğum tarixi	26 noyabr 1954 (1954-11-26)
Doğum yeri	Bərdə, Azərbaycan SSR
Vətəndaşlıq	Azərbaycan
İş yeri	AMEA-nın Şərqşünaslıq İnstitutunun direktoru
Elmi dərəcəsi	filologiya elmləri doktoru
Elmi vəzifəsi	professor

Gövhər Baxşəli qızı Baxşəliyeva (26 noyabr, 1954) – filologiya elmləri doktoru, professor, AMEA-nın Akademik Z.M.Bünyadov adına Şərqşünaslıq İnstitutunun direktoru, Milli Məclisin deputatı, AMEA-nın həqiqi üzvü (2017)

Həyatı

Gövhər Baxşəliyeva 1954-cü ildə Azərbaycan Respublikasının Bərdə şəhərində anadan olmuşdur. C.M.Kirov adına Azərbaycan Dövlət Universiteti (Bakı Dövlət Universiteti), şərqşünaslıq fakültəsini fərqlənmə diplomu ilə bitirmişdir.

Elmi fəaliyyəti

• Çapdan çıxmış elmi əsərlərin ümumi sayı: 120-dən artıq məqalə və məruzə, 4 monoqrafiya, 10 kitab
• Xaricdə çıxmış elmi əsərlərin sayı: 23
• Əsas elmi nailiyyətləri: Qədim və müasir ərəb ədəbiyyatının, ərəbdilli Azərbaycan ədəbiyyatının, ərəbdilli mənbələrin, ərəb-Azərbaycan ədəbi əlaqələrin tədqiqi; Şərqşünaslıq elminin ən müxtəlif sahələrinə aid yüzlərlə əsərin hazırlanıb çap olunması.

Dünya ədəbiyyatı (ərəb ədəbiyyatı) ixtisası üzrə 12 elmlər namizədi yetişdirmişdir. Azərbaycan elmini bir çox xarici ölkələrdə uğurla təmsil edib (Türkiyə, Rusiya, İran, Misir, Səudiyyə Ərəbistanı, Suriya, BƏƏ, Fransa, İngiltərə, İtaliya, Macarıstan, Rumıniya, Çin, Malaziya, İndoneziya və s.).

10.01.02 – «Türk xalqları ədəbiyyatı» və 10.01.03 - «Dünya ədəbiyyatı» ixtisasları üzrə Müdafiə Şurasının sədridir. Şərqşünaslıq sahəsində Respublikada aparılan elmi işlərin koordinasiyası üzrə Problem Şurasının sədridir. «Elmi araşdırmalar» dərgisinin məsul redaktoru, «Azərbaycan şərqşünaslığı» dərgisinin baş redaktorudur.

Plagiat iddiası

2014-cü ildə Bakı Dövlət Universitetinin professoru, şərqşünas alim Aida Qasımova elm adamları arasında qalmaqal yaradacaq iddia ilə çıxış edib. Onun fikrincə, filologiya elmləri doktoru, professor, AMEA-nın Akademik Z.M.Bünyadov adına Şərqşünaslıq İnstitutunun direktoru Gövhər Baxşəliyevanın iki cildlik “Məqalələr, məruzələr, müsahibələr” kitabı plagiatdır.

Əsas elmi əsərləri

• Əbdüsslam əl-Useyli. Həyat və yaradıcılığı. Bakı, "Elm", 1989.
• Əbülfərəc İsfahani. Bir məcnun vardı. Ərəb dilindən tərcümə, öz söz və şərhlər G.Baxşəliyevanındır. Bakı, "Yazıçı", 1990, 4 ç.v.
• Əbulfərəc əl-İsfahani. Nəğmələr kitabı, ərəbcədən tərcümə və şərhlər. Bakı, "Elm", 1994
• Əbdülfərəc əl-İsfahani. "Nəğmələr kitabı" və klassik Azərbaycan ədəbiyyatı. Bakı, "Elm", 1998
• İlahi eşq dastanları. Tərcümə və şərhlər G.B.Baxşəliyevanındır. Bakı, 2001
• Hamıdan ucadır alimin yeri. Bakı, Nurlan, 2003, 322 səh.
• Akademik Z.M.Bünyadov adına Şərqşünaslıq İnstitutu. Bakı, NM, 2005 il, 80 səh.
• Абу-л-Фарадж ал-Исфахани. Рассказы о Кайсе ибн Мулаввахе по прозвищу Меджнун и арабоязычных азербайджанских поэтах. Баку, Элм, 2006, 374 стр.
• Современный сирийский рассказ. Баку, АNЭ, 2007, 352 стр.
• S.Baxşəliyeva. Məhəmmədtağı Qaraqoyunlunun «Fərhəngi-türkü» lüğəti və Azərbaycan dilinin tarixinin öyrənilməsində onun əhəmiyyəti.» Tərtib edəni və ön söz müəllifi professor Gövhər Baxşəliyeva. Bakı, ƏNE, 2009, 264 səh.
• Əbülfərəc İsfahani. Ölməzliyə aparan yol. Ərəb dilindən tərcümə, tədqiqat, şərh və qeydlər. Bakı, Adiloğlu, 2010, 156 səh.
• Cübran Xəlil Cübran. Qırılmış qanadlar. Ərəbcədən tərcümə. Ə.Məmmədova ilə birlikdə. Bakı, BÇE, 2010, 108 səh.
• Məqalələr, məruzələr, müsahibələr... 2 cilddə. Bakı, BÇE, 2011. I c. – 436 səh, II c. – 512 səh.
• Taufiq əl-Həkimin ədəbi görüşləri. Bakı, Elm, 2012, 508 səh. (rus dilində.

Pedaqoji fəaliyyəti

Bakı Dövlət Universitetinin Şərqşünaslıq fakültəsində ərəb ədəbiyyatı fənni üzrə xüsusi kurs aparıb.

Mənbə

• Gövhər Baxşəliyeva