Yevda Abramov

Yevda Abramov
Yevda Abramov
Azərbaycan Respublikasının Milli Məclisinin III, IV və V çağırış deputatı
	2005 – 2019
Seçki dairəsi	2005, 2010 və 2015 — 53 saylı Quba-Qusar
Şəxsi məlumatlar
Doğum tarixi	12 iyun 1948
Doğum yeri	Qırmızı Qəsəbə, Quba rayonu, Azərbaycan;
Vəfat tarixi	6 dekabr 2019 (71 yaşında)
Vəfat yeri	Bakı, Azərbaycan;
Dəfn yeri	Quba;
Partiya	Yeni Azərbaycan Partiyası;
Təhsili	Azərbaycan Dövlət Pedaqoji Universiteti;
Fəaliyyəti	siyasətçi
Təltifləri

Yevda Sasunoviç Abramov (12 iyun 1948, Qırmızı Qəsəbə, Quba rayonu – 6 dekabr 2019, Bakı) — yəhudi əsilli Azərbaycan siyasətçisi, Azərbaycan Milli Məclisinin deputatı (2005–2019), "Şöhrət" ordeni laureatı (2018).

Həyatı

Yevda Abramov 12 iyun 1948-ci ildə Quba rayonunun Qırmızı Qəsəbəsində anadan olmuşdur. Milliyətcə yəhudidir.

"Azərbaycan DNT" layihəsinin məlumat bazasında mövcud olan genetik nəticələrə əsasən, Yevda Abramovun Y-DNT nümunəsinin J1 haploqrupunun Z18271 subkladına, daha dəqiq – ZS2458 alt qoluna aid olduğu müəyyən edilmişdir. Filogenetik analizlər göstərir ki, Yevda Abramovun ata xətti təxminən 1000–1400 il əvvəl iraqmənşəli, Kohen nəslinə aid olan iki fərqli yəhudi paternal xətti ilə birləşir. Müəyyən edilmiş J1-Z18271 üst subkladı beynəlxalq elmi ədəbiyyatda "Kohen Modal Haplotipi" kimi tanınan və ənənəvi olaraq Harunun soyundan gəldiyi qəbul edilən kohenlər arasında geniş şəkildə aşkarlanır. Bu genetik göstəricilər Yevda Abramovun ata xəttinin Kohen ənənəsi ilə və Harunun nəsli ilə əlaqələndirildiyini göstərir. Test edilmiş nümunə birbaşa Yevda Abramova məxsus olmuş və fərdi xarakter daşımışdır.^[1]^[2]

Azərbaycan Dövlət Pedaqoji Universitetinin Tarix fakültəsini bitirib və pedaqoji fəaliyyətlə məşğul olmağa başlayıb.

7 dekabr 2019-cu ildə vəfat etmişdir.

Azərbaycan, türk, rus və fars dillərini bilirdi.

Ailəsi

Ailəli idi, 4 övladı var.

Siyasi fəaliyyəti

Yeni Azərbaycan Partiyasının üzvü olmuşdur. Azərbaycan Milli Məclisinin III, IV və V çağırış deputatı seçilmişdir.

Mükafatları

11 iyun 2018-ci ildə Azərbaycan Respublikasının ictimai-siyasi həyatında fəal iştirakına görə Yevda Sasunoviç Abramov "Şöhrət" ordeni ilə təltif edilib.^[3]

İstinadlar

↑ "Welcome to FamilyTreeDNA Discover". FamilyTreeDNA Discover.
↑ "FamilyTreeDNA - Genetic Testing for Ancestry, Family History & Genealogy". www.familytreedna.com.
↑ President.Az. "Y.S. Abramovun "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı" (az.). President.az. 11.06.2018. 2021-05-11 tarixində arxivləşdirilib. İstifadə tarixi: 2018-06-16.

Vikisitatda Yevda Abramov ilə əlaqədar sitatlar var.

[1] "Welcome to FamilyTreeDNA Discover". FamilyTreeDNA Discover.

[2] "FamilyTreeDNA - Genetic Testing for Ancestry, Family History & Genealogy". www.familytreedna.com.

[3] President.Az. "Y.S. Abramovun "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı" (az.). President.az. 11.06.2018. 2021-05-11 tarixində arxivləşdirilib. İstifadə tarixi: 2018-06-16.

[1]

[2]

[3]