Emin Hacıyev
| Emin Hacıyev | |
|---|---|
Vəzifədədir | |
| 10 mart 2020-ci ildən | |
| Seçki dairəsi | 2020 — 43 saylı Sumqayıt üçüncü |
| Əvvəlki | Muxtar Babayev |
| Şəxsi məlumatlar | |
| Doğum adı | Emin Məcid oğlu Hacıyev |
| Doğum tarixi | 13 fevral 1982 (42 yaş) |
| Doğum yeri | |
| Partiya | |
| Təhsili | |
| Fəaliyyəti | siyasətçi |
|
|
|
| Təltifləri |
  |
Emin Hacıyev (azərb. Emin Məcid oğlu Hacıyev; 13 fevral 1982, Sumqayıt) — Azərbaycan Respublikasının Milli Məclisi VI çağırış deputatı.
Həyatı[redaktə | mənbəni redaktə et]
Hacıyev Emin Məcid oğlu 1982-ci ildə Sumqayıt şəhərində anadan olub.
Emin Hacıyev 1998-ci ildə Sumqayıt şəhər 5 saylı və 22 saylı orta məktəbləri bitirmiş, 2002-ci ildə Azərbaycan Dövlət İqtisad Universitetinin bakalavr, 2004-cü ildə isə magistr pilləsini fərqlənmə diplomu ilə başa vurmuşdur. 2008-ci ildə Azərbaycan Memarlıq və İnşaat Universitetində "Azərbaycanda ipoteka mənzil kreditləşməsinin formalaşması və inkişafı" mövzusunda namizədlik dissertasiyasını uğurla müdafiə edərək iqtisad elmləri üzrə fəlsəfə doktoru dərəcəsini qazanmışdır. Daha sonra 2013–2015-ci illərdə Rusiya Xarici İşlər Nazirliyi Diplomatik Akademiyasında magistr təhsili almışdır.
Ailəlidir, 3 övladı var.
İctimai-siyasi fəaliyyəti[redaktə | mənbəni redaktə et]
2006-cı ildə İqtisadi İnkişaf Nazirliyində aparıcı məsləhətçi vəzifəsində çalışıb. 2007-ci ildən Sankt-Peterburq şəhərindəki Azərbaycan Respublikasının Baş Konsulluğunun əməkdaşı, 2009–2020-ci illərdə Rusiyanın Azərbaycanlı Gənclər Birliyinin idarə heyətinin üzvü və məsul katibi vəzifəsində çalışmışdır. Azərbaycandakı və Rusiyadakı fəaliyyəti dövründə bir-birindən əhəmiyyətli layihə və tədbirlərin təşkil olunmasının təşəbbüskarı və icraçısı kimi çıxış edib, eləcə də Azərbaycan həqiqətlərinin Rusiya ictimaiyyətinə çatdırılmasında əhəmiyyətli addımlar atmışdır. 9 fevral 2020-ci ildə keçirilən parlament seçkilərində 43 saylı Sumqayıt 3-cü seçki dairəsindən namizədliyini irəli sürmüş və 63,5% səs toplayaraq Azərbaycan Respublikası Milli Məclisinin VI çağırış deputatı seçilmişdir.
Təltif və mükafatları[redaktə | mənbəni redaktə et]
- 2016-cı ildə Azərbaycan Respublikasının Prezidenti İlham Əliyev tərəfindən xalqlar arasındakı dostluğun möhkəmləndirilməsi və Azərbaycan diasporunun inkişafındakı xidmətlərinə görə "Tərəqqi" medalı ilə təltif edilib[1].
İstinadlar[redaktə | mənbəni redaktə et]
- ↑ "Azərbaycan diasporunun inkişafındakı xidmətlərinə görə bir qrup şəxsin təltif edilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI" (Azərbaycan dili). e-qanun.az. 7 yanvar 2020 tarixində arxivləşdirilib.
Xarici keçidlər[redaktə | mənbəni redaktə et]
- 13 fevralda doğulanlar
- 1982-ci ildə doğulanlar
- Yaşayan insanlar
- Sumqayıtda doğulanlar
- Yeni Azərbaycan Partiyasının üzvləri
- Azərbaycan Dövlət İqtisad Universitetinin məzunları
- "Heydər Əliyevin 100 illiyi (1923–2023)" yubiley medalı ilə təltif edilənlər
- "Tərəqqi" medalı ilə təltif edilənlər
- Əlifba sırasına görə vəzifəli şəxslər
- Azərbaycan Milli Məclisinin VI çağırış deputatları