Azay Quliyev

Vikipediya, azad ensiklopediya
Jump to navigation Jump to search
Azay Quliyev
Mr.Azay Guliyev.jpg
Şəxsi məlumatlar
Doğum tarixi 23 iyun 1971(1971-06-23) (50 yaş)
Doğum yeri
Elmi fəaliyyəti
Elmi dərəcəsi fəlsəfə doktoru
Vikianbarın loqosu Vikianbarda əlaqəli mediafayllar

Azay Əjdər oğlu Quliyev (23 iyun 1971, Vağudi, Qarakilsə rayonu) — Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin Müşahidə Şurasının sədri (2021-ci ildən); Azərbaycan Respublikası Milli Məclisinin III[1], IV çağırış, V çağırış və VI çağırış deputatı; ATƏT-in Parlament Assambleyasının Siyasi Məsələlər və Təhlükəsizlik Komitəsinin sədr müavini (2013–2016); ATƏT PA-nın vitse-prezidenti (2016-cı ildən)[2][3]; ATƏT PA-nın İpək Yoluna Dəstək Qrupunun sədri (2017-ci ildən); Dialoq və Əməkdaşlıq üzrə Bakı Parlament Platformasının koordinatoru (2019-cu ildən); Azərbaycan Respublikası Milli Məclisinin ATƏT PA-dakı nümayəndə heyətinin rəhbəri (2020-ci ildən); Siyasi elmlər üzrə fəlsəfə doktoru.

Həyatı və təhsili[redaktə | mənbəni redaktə et]

Azay Quliyev 23 iyun 1971-ci ildə Zəngəzur mahalı, Qarakilsə rayonunun Vağudi kəndində anadan olmuşdur.

Orta təhsilini doğulduğu kənddə almışdır.

1989–1991-ci illərdə həqiqi hərbi xidmətdə olmuşdur.

1992–1998-ci illərdə Bakı Dövlət Universitetinin Tarix fakültəsində,

1995–1996-cı illərdə Ankarada Türkiyə və Orta Şərq Dövlət İdarəçilik İnstitutunun "Beynəlxalq Dövlət İdarəçilik Proqramı"nda,

2010-cu ilin fevral-mart aylarında ABŞ-da Harvard, "Kennedy School"-da, "QHT Liderləri üçün Strateji İdarəetmə" proqramında,

2007–2013-cü illərdə isə Bakı Dövlət Universitetinin Doktoranturasında təhsil almışdır.

Azay Quliyev Almaniya, Böyük Britaniya, Fransa, Türkiyə, Macarıstan, Gürcüstan, Rusiya, Belçika, İsveçrə, Avstriya, Rumuniya, Serbiya və digər ölkələrdə Qarabağ probleminin ədalətli həlli, vətəndaş cəmiyyəti inistitutları, insan hüquqları, tolerantlıq və digər mövzularda keçirilən konfranslarda məruzələr edib.

İngilis və rus dillərini bilir.

Ailəlidir, üç övladı var

Parlamentdə tutduğu vəzifələr[redaktə | mənbəni redaktə et]

2005 və 2010-cu illərdə 46 saylı Şirvan seçki dairəsindən Azərbaycan Respublikası Milli Məclisinə deputat seçilmişdir.

2005-ci ildən Hüquq siyasəti və dövlət quruculuğu komitəsinin üzvüdür.

2005-ci ildən Azərbaycan – Rumıniya Parlamentlərarası İşçi qrupun rəhbəridir.

2005-ci ildən Azərbaycan – Çexiya, Azərbaycan — Estoniya, Azərbaycan — Türkiyə, Azərbaycan – Avstriya, Azərbaycan – Cənubi Afrika Respublikası, Azərbaycan – İsveçrə, Azərbaycan — Özbəkistan, Azərbaycan — Serbiya Parlamentlərarası İşçi qruplarının üzvüdür.

2015-ci ildə 8 saylı Binəqədi birinci Seçki Dairəsindən Azərbaycan Respublikası Milli Məclisinə deputat seçilmişdir.

2019-cu ildən Azərbaycan-Almaniya, Azərbaycan-Böyük Britaniya, Azərbaycan-İspaniya və Azərbaycan-İtaliya Parlamentlərarası İşçi qruplarının üzvüdür.

ATƏT PA-da tutduğu vəzifələr[redaktə | mənbəni redaktə et]

2005-ci ildən ATƏT-in Parlament Assambleyasında Azərbaycan nümayəndə heyətinin üzvüdür,

2005–2013-cü illərdə Böyük Britaniya, Ukrayna, Serbiya, Rumıniya, Rusiya, Belarus və Gürcüstanda keçirilən seçkilərdə ATƏT PA-nın seçki müşahidə missiyalarının üzvü olub,

2013–2016-cı illərdə bu qurumun Siyasi Məsələlər və Təhlükəsizlik Komitəsinin sədr müavini olub,

2016-cı ildə Monteneqroda keçirilən parlament seçkilərində ATƏT PA-nın Seçki Müşahidə Missiyasının rəhbəri olub,[4]

2016-cı ildə Keçmiş Yuqoslaviya Respublikası Makedoniyada keçirilən parlament seçkilərində ATƏT PA-nın Seçki Müşahidə Missiyasının rəhbəri olub,[5]

2016-cı ildə ATƏT-in Parlament Assambleyasının vitse-prezidentidir,

2017-ci ildə Qırğızıstan Respublikasında keçirilən prezident seçkilərində ATƏT-in Seçki Müşahidə Missiyasının xüsusi koordinatoru olub,

2017-ci ildə ATƏT PA-nın "İpək Yoluna Dəstək Qrupu"nun (Silk Road Support Group of the OSCE PA, SRG) yaradılmasının təşəbbüskarı olmuş və Qrupun Sədri seçilmişdir.. Qrupa hazırda ATƏT-in 27 ölkəsi üzvdür.[6]

2020-ci ildən Azərbaycan Respublikası Milli Məclisinin ATƏT PA-dakı nümayəndə heyətinin rəhbəri.

2021-ci ildə Albaniya Respublikasında keçirilən parlament seçkilərində ATƏT-in xüsusi koordinatoru və qısamüddətli seçki missiyasının rəhbəri olub.

ATƏT çərçivəsində 15-dən artıq ölkədə keçirilən seçkilərdə müşahidəçi olmuşdur.

Müəllifi olduğu qanunlar[redaktə | mənbəni redaktə et]

Azay Quliyevin müəllifliyi ilə Milli Məclisdə 2 qanun qəbul edilib:

  • 2009 — "Könüllü fəaliyyət" haqqında Azərbaycan Respublikasının qanunu.

Bu qanunla könüllü fəaliyyətin istiqamətləri və təşkilatçılarının əhatə dairəsi, könüllülərin hüquqları və vəzifələri müəyyən edilib.

  • 2013 - "İctimai iştirakçılıq" haqqında Azərbaycan Respublikasının qanunu.

Qanunun məqsədi Azərbaycan Respublikası vətəndaşlarının dövlətin idarə olunmasında iştirak etmək hüququnun ictimai iştirakçılıq formasında gerçəkləşdirilməsi üçün təminatlar yaratmaqdır.

Müəllifi olduğu beynəlxalq qətnamələr[redaktə | mənbəni redaktə et]

Azay Quliyevin müəllifi olduğu 4 qətnamə ATƏT-in Parlament Assambleyasında qəbul olunub:

  • 2013 - "ATƏT Regionunda Vətəndaş Cəmiyyəti İnstitutlarının Gücləndirilməsi"

Qətnamənin məqsədi iştirakçı dövlətləri və ATƏT inistutlarını milli QHT-lərin fəaliyyət imkanlarının genişlənməsi, inkişafı, ölkələri daxilində qərar qəbuletmə prosesində yaxından iştirak etməsi üçün əlverişli şəraitin yaradılmasına həvəsləndirməkdir. ATƏT-in müvafiq inistitutlarında QHT-lərə məşvərətçi statusun verilməsini nəzərdə tutan qətnamənin qəbulundan sonra ATƏT PA-nın illik sessiyalarında QHT-lərin iştirakına icazə verilir[7][8][9].

  • 2014 - "ATƏT Regionunda Mədəni Mülkiyyətin Qorunması"

Qətnamənin məqsədi iştirakçı dövlətlərin mühüm əhəmiyyət kəsb edən mədəni və tarixi, dini mülkiyyətin, xüsusi ilə də işğal edilmiş ərazilərdə olan abidələrin qorunması, saxlanılması, qanunsuz olaraq formasının və məzmununun dəyişdirilməsinə qarşı mübarizəsinin gücləndirilməsi və bu istiqamətdə fəaliyyətinin əlaqələndirilməsidir.[10]

  • 2015 — "ATƏT Ərazisində Dövlətlərarası Münasibətlərdə Helsinki Prinsiplərinə Bağlılıq"

Bu qətnamənin məqsədi dövlətlərarası münasibətlərdə, xüsusilə də Azərbaycan, Gürcüstan, Ukrayna və Moldova ərazilərində davam edən münaqişələrdə Helsinki prinsiplərinə riayət edilməsinin vacibliyini vurğulamaqdır. Qətnamədə Azərbaycan, Gürcüstan, Moldova və Ukraynada mövcud münaqişələrdən ciddi narahatlıq və bu münaqişələrin yalnız beynəlxalq hüququn norma və prinsipləri, xüsusuilədə həmin dövlətlərin ərazi bütövlüyü, suverenliyi və sərhədlərinin dəyişilməzliyi prinsipləri əsasında həll edilməsinin vacibliyi vurğulanır.[11][12]

  • 2018 — "Nəqliyyat şəbəkələrinin və dəhlizlərin inkişafı yolu ilə, o cümlədən qədim İpək Yolunun dirçəldilməsi vasitəsilə ATƏT regionunda qarşılıqlı əlaqəliliyin artırılması"

Bu qətnamənin məqsədi ticarət və nəqliyyat sahəsində əməkdaşlığın möhkəmləndirilməsinin, həmçinin, Şimal-Cənub və Şərq-Qərb multimodal dəhlizlərinin artan əhəmiyyəti fonunda bu sahədə müvafiq prosedurların asanlaşdırılmasının vacibliyini vurğulamaqdır. Qətnamədə həmçinin Böyük İpək Yolunun dirçəldilməsinin potensialı qeyd olunur və ATƏT PA-nın İpək Yoluna Dəstək Qrupu tərəfindən həyata keçirilən fəaliyyətlərə dəstək verilir.[13]

Digər vəzifələri[redaktə | mənbəni redaktə et]

2008–2021-ci illərdə: Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının sədri[14]

2021-ci ildən: Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin Müşahidə Şurasının sədri.

2001–2003-cü illərdə: Yoxsulluğun Azaldılması və İqtisadi İnkişaf üzrə dövlət proqramı katibliyinin eksperti.

2011–2015-ci illərdə: Avronest Parlament Assambleyasının Sosial Məsələlər, Təhsil və Vətəndaş Cəmiyyəti Komitəsinin sədr müavini.

Üzv olduğu dövlət qurumları[redaktə | mənbəni redaktə et]

1999-cu ildən: Azərbaycan Respublikasının Nazirlər Kabinetinin yanında Məcburi Köçkünlərin Sosial İnkişaf Fondunun Müşahidə Şurası

2001-ci ildən: Azərbaycan Respublikası Prezidenti yanında Əfv Məsələləri Komissiyası

2005-ci ildən: Əsir və itkin düşmüş, girov götürülmüş vətəndaşlarla əlaqədar Dövlət Komissiyası

2005-ci ildən: İnsan hüquqları məsələləri üzrə birgə işçi qrup

2013-cü ildən: Azərbaycan Respublikasının Avropa İttifaqı ilə Əməkdaşlığı üzrə Dövlət Komissiyasının üzvüdür.

İctimai fəaliyyəti[redaktə | mənbəni redaktə et]

1993–1998-ci illərdə "Elitar" Gənclər Klubunun və "Azərbaycan Gənclərinin Sülh və Təhlükəsizlik İttifaqı" İctimai Birliyinin sədri olmuşdur.

1998–1999-cu illərdə Azərbaycan Respublikası Gənclər Təşkilatları Milli Şurasının sədri,

1999–2008-ci illərdə Azərbaycan Milli QHT Forumunun prezidenti vəzifələrində çalışmışdır.

Beynəlxalq Əməkdaşlıq Mərkəzi İctimai Birliyinin sədridir.

Elmi fəaliyyəti[redaktə | mənbəni redaktə et]

2013-cü ildə "Qeyri-Hökumət Təşkilatlarının İctimai-Siyasi Sistemdə yeri: Milli və Beynəlxalq Təcrübə" mövzusunda dissertasiya işi müdafiə edib, siyasi elmlər üzrə fəlsəfə doktorudur.

QHT sahəsində ilk doktorluq işi olan dissertasiyada vətəndaş cəmiyyətinin vacib tərkib hissəsi olan QHT-lərin inkişaf dinamikası, müasir Azərbaycan siyasi elmində QHT institutlarının yeri və rolu araşdırılıb, mövzu beynəlxalq təcrübə müstəvisində geniş təhlil edilib.

2018-ci ildə nəşr edilmiş "Azərbaycanda qeyri-hökumət təşkilatları: tarix və inkişaf" adlı kitabın (monoqrafiya) müəllifidir.

ABŞ, Ukrayna, Moldova, Gürcüstan, Rusiya və digər Avropa ölkələrinin nüfuzlu elmi jurnallarında vətəndaş cəmiyyətinin qarşısında dayanan aktual problemlərin təhlilinə həsr edilən 30-dan artıq elmi məqaləsi dərc olunub.

İstinadlar[redaktə | mənbəni redaktə et]

  1. Üçüncü çağırış Azərbaycan Respublikası Milli Məclisinin deputatları haqqında seçildikləri tarixə olan qısa MƏLUMATLAR. meclis.gov.az  (az.)
  2. Azay Quliyev ATƏT PA-nın vitse-prezidenti seçilib http://az.trend.az/azerbaijan/politics/2554230.html Arxivləşdirilib 2016-09-06 at the Wayback Machine
  3. Azərbaycanlı deputatın ATƏT PA-nın vitse-prezidenti seçilməsi diplomatiyamızın nailiyyətidir http://azertag.az/xeber/968596
  4. "Arxivlənmiş surət". 2016-12-02 tarixində orijinalından arxivləşdirilib. İstifadə tarixi: 2017-01-14.
  5. "Arxivlənmiş surət". 2016-12-13 tarixində orijinalından arxivləşdirilib. İstifadə tarixi: 2017-01-14.
  6. "The Silk Road Support Group of the OSCE PA". 2020-07-01 tarixində orijinalından arxivləşdirilib. İstifadə tarixi: 2019-11-25.
  7. "Arxivlənmiş surət". 2017-12-11 tarixində orijinalından arxivləşdirilib. İstifadə tarixi: 2017-12-11.
  8. "İlk dəfə olaraq ölkəmizin müəllifi olduğu qətnamə layihəsi ATƏT PA tərəfindən qəbul edildi". 2020-07-01 tarixində orijinalından arxivləşdirilib. İstifadə tarixi: 2016-08-16.
  9. Azay Quliyev bir ilkə imza atdı
  10. "Arxivlənmiş surət". 2017-12-11 tarixində orijinalından arxivləşdirilib. İstifadə tarixi: 2017-12-11.
  11. "Arxivlənmiş surət". 2017-12-11 tarixində orijinalından arxivləşdirilib. İstifadə tarixi: 2017-12-11.
  12. ATƏT PA-da Azay Quliyevin qətnamə layihəsi qəbul olundu[ölü keçid]
  13. http://www.oscepa.org/documents/all-documents/annual-sessions/2018-berlin/declaration-26/3742-berlin-declaration-eng/file
  14. "Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının üzvlərinin təyin edilməsi haqqında Azərbaycan Respublikası Prezidentinin Sərəncamı". president.az (azərb.). Azərbaycan Respublikası Prezidentinin rəsmi internet saytı. 20 aprel 2016. İstifadə tarixi: 21 aprel 2016.

Xarici keçidlər[redaktə | mənbəni redaktə et]