Məzmuna keç

Sadiq Qurbanov

Vikipediya, azad ensiklopediya
Sadiq Qurbanov
Yeni Azərbaycan Partiyasının Təftiş Komissiyasının üzvü
Vəzifədədir
5 mart 2021-ci ildən
Azərbaycan Respublikasının Milli Məclisinin deputatı
Vəzifədədir
9 fevral 2020-ci ildən
SədrSahibə Qafarova
Seçki dairəsiVI çağırış - 54 saylı Şabran-Siyəzən seçki dairəsi
VII çağırış - 64 saylı Salyan seçki dairəsi
Şəxsi məlumatlar
Doğum adı Sadiq Haqverdi oğlu Qurbanov
Doğum tarixi 12 iyul 1972(1972-07-12) (54 yaş)
Doğum yeri
Partiya
Təhsili
Fəaliyyəti siyasətçi
Elmi fəaliyyəti
Elmi dərəcəsi
Təltifləri "Tərəqqi" medalı

Sadiq Qurbanov (12 iyul 1972, Ələkli, Naxçıvan MSSR) — Azərbaycan ictimai-siyasi və dövlət xadimi. Texniki elmlər namizədi. Yeni Azərbaycan Partiyasının Təftiş Komissiyasının üzvü, Azərbaycan Respublikası Milli Məclisinin VI və VII çağırış deputatı[1]. Milli Məclisin Təbii ehtiyatlar, energetika və ekologiya komitəsinin sədri. Yeni Azərbaycan Partiyasının ilk üzvlərindən biri olduğu qeyd olunur.[2] Yeni Azərbaycan Partiyası Gənclər Birliyinin təşkilat komitəsinin ilk sədri olmuşdur.

Həyatı

[redaktə | vikimətni redaktə et]

Sadiq Qurbanov 12 iyul 1972-ci ildə Naxçıvan MR-nın Şərur rayonunun Ələkli kəndində anadan olmuşdur. 1989-cu ildə Ərəbyengicə kənd orta məktəbini bitirmiş, həmin ildə də Bakı Dövlət Universitetinin Mexanika-riyaziyyat fakültəsinə daxil olmuşdur. 1994-cü ildə təhsilini başa vuraraq həmin fakültənin dissertantı olmuş, eyni zamanda "Nəzəri mexanika və bütöv mühit mexanikası" kafedrasında laborant vəzifəsində çalışmışdır. 2005-ci ildə namizədlik dissertasiyasını müdafiə edərək texnika elmlər namizədi namizədlik dərəcəsini almışdır. 1997–2001-ci illərdə BDU-nun hüquq fakültəsində təhsil almışdır. 2001–2004-cü illərdə YAP-ın göndərişi ilə Prezident yanında Dövlət İdarəçilik Akademiyasının "Dövlət və bələdiyyə idarəetməsi" fakültəsində təhsil almışdır. Ailəlidir, üç övladı var.

Fəaliyyəti

[redaktə | vikimətni redaktə et]

1999–2006-cı illərdə YAP-ın icra katibliyində "Partiyalar arası əlaqələr şöbəsi"nin müdiri vəzifəsində çalışmışdır. 2010-cu ildə AR Əmək və Əhalinin Sosial Müdafiəsi Nazirliyinin "Yoxsulluq problemləri və ünvanlı sosial yardım siyasəti şöbəsi"ndə nəzarət sektorunun rəhbəri vəzifəsində çalışmışdır. Hazırda İqtisad Universitetinin "İqtisadi hüquq" kafedrasının baş müəllimi vəzifəsində çalışır. Eyni zamanda "Azərbaycan Respublikası Neft – qaz sənayesi işçilərinin respublika həmkarlar komitəsində" sədr müavini vəzifəsində çalışmışdır. Mexanika-riyaziyyat sahəsində 11 elmi məqalənin, hüquq ixtisası sahəsində isə 15 elmi əsərlərin və "Əmək Məcəlləsinin kommentariyası" kitabının həmmüəllifidir.[3]

Yeni Azərbaycan Partiyası Gənclər Birliyinin təşkilat komitəsinin ilk sədri olmuşdur.

2000-ci ildə keçirilən Milli Məclis seçkilərində Yeni Azərbaycan Partiyasının proporsional siyahısı üzrə namizəd olmuşdur.

2005-ci ildə Yeni Azərbaycan Partiyası tərəfindən Xətai rayonu üzrə 34 saylı seçki dairəsindən deputatlığa namizədliyi irəli sürülmüşdür.

9 fevral 2020-ci ildə Yeni Azərbaycan Partiyasının 54 saylı Şabran-Siyəzən Seçki Dairəsindən deputat seçilmişdir.[4][5][6][7]

Yeni Azərbaycan Partiyasının VII qurultayında (5 mart 2021-ci il) Təftiş Komissiyasının üzvü seçilib.[8]

2024-cü il 23 sentyab tarixində yenidən 64 saylı Salyan seçki dairəsindən deputat seçilmişdir.[9]

2024-cü il oktyabrın 8-də Azərbaycan - Mavritaniya parlamentlərarası əlaqələr üzrə işçi qrupunun rəhbəri seçilib.[10][11]

Kitabları

[redaktə | vikimətni redaktə et]
  • Qurbanov, Sadiq Haqverdi oğlu. Zamana sığmayan lider: Heydər Əliyevin idarəçilik və varislik fəlsəfəsi / S. H. Qurbanov; elmi red. Ə. Muradov; red. C. Cəfərov; Azərbaycan Dövlət İqtisad Universiteti.- Bakı, 2022.- 436 s.[12]
  • Qurbanov, Sadiq Haqverdi oğlu. "Yaşıl iqtisadiyyat və ekoloji imperativlərə doğru yol: yeni çağırışlar, imkanlar və perspektivlər" mövzusunda beynəlxalq elmi-praktiki konfrans: 12-14 oktyabr 2022 = Towards a new economic model or an alternative development path of "Greening" the economy: at the plenary session of the "Green" economy conference: october 12-14, 2022 / S. H. Qurbanov; Azərbaycan Respublikası Elm və Təhsil Nazirliyi [et al.].- Bakı: İzə, 2022.- 96 s..- Azərbaycan və ingilis dillərində.
  • Ümummilli lider Heydər Əliyevin anadan olmasının 100 illik yubileyinə həsr olunmuş "Azərbaycan təhlükəsizlik orqanlarının fəxri rəhbəri" adlı respublika elmi-praktiki konfransının materialları: Bakı, 5 may 2023-cü il / S. H. Qurbanov, F. İbrahimli, Z. Əsgərov [et al.]; Azərbaycan Respublikası Dövlət Təhlükəsizliyi Xidmətinin Heydər Əliyev adına Akademiyası.- Bakı, 2023.- 650 s.
  • Qurbanov, Sadiq. Davamlı inkişaf kontekstində ekoloji siyasətin prioritet istiqamətləri və yaşıl iqtisadiyyat / S. H. Qurbanov; elmi red. Ə. Muradov. - Bakı : İzə, 2023. - 272 s.
  • Gurbanov, Sadig. Aleader transcending time: Heydar Aliyev s governance and succession philosophy / G. H. Gurbanov .- Bakı : 2023, 424 pag.
  • Davamlı inkişaf kontekstində ekoloji siyasətin prioritet istiqamətləri və yaşıl iqtisadiyyat.[13]
  • IV kitab: noyabr, 2004 - dekabr, 2004.- Bakı: Bəstəkar NPM, 2005.- 342 s.
  • Qurbanov, Sadiq Haqverdi oğlu. Dünya və Azərbaycan siyasətində Heydər Əliyev kursu / S. H. Qurbanov. - Bakı : İZƏ, 2024. - 400 s[14]
  • Qurbanov, Sadiq Haqverdi oğlu; Məmmədov, Zahid. Yaşıl iqtisadiyyat: ekoloji və iqtisadi krizlərə qarşı antiböhran idarəetmə modeli / S. H. Qurbanov, Z. Məmmədov. – Bakı, 2024. – 424 s.[15]
  • Qurbanov, Sadiq Haqverdi oğlu. Neft və davamlı inkişaf: Azərbaycanın enerji strategiyası: I cild / S. H. Qurbanov. - Bakı : İzə, 2025. - 816 s.[16]
  • Qurbanov, Sadiq Haqverdi oğlu. Neft və davamlı inkişaf: Azərbaycanın enerji strategiyası: II cild / S. H. Qurbanov. - Bakı : İzə, 2025. - 816 s.[17]
  • Qurbanov, Sadiq Haqverdi oğlu. Neft və davamlı inkişaf: Azərbaycanın enerji strategiyası: III cild / S. H. Qurbanov. - Bakı : İzə, 2025. - 768 s.[18]

Haqqında

[redaktə | vikimətni redaktə et]
  • "Sədaqət və cəsarət kredosu" kitabı. [19]

Təltifləri

[redaktə | vikimətni redaktə et]
  • "Heydər Əliyevin 100 illiyi (1923–2023)" yubiley medalı — "Heydər Əliyevin 100 illiyi (1923–2023)" yubiley medalı
  • "Tərəqqi" medalı.
  • "Azərbaycan Respublikasının xüsusi rabitə və informasiya təhlükəsizliyi orqanlarının 30 illiyi (1993–2023)" yubiley medalı.
  • Müstəqil Dövlətlər Birliyi Parlamentlərarası Assambleyasının "MPA СНГ – 30 лет" yubiley medalı
  • Azərbaycan Respublikası Dövlət Gömrük Komitəsinin "30 illik (1992–2022)" yubiley medalı.
  • Azərbaycan Respublikası Müdafiə Sənayesi Nazirliyinin "15 illiyi" yubiley medalı.
  • Azərbaycan Respublikası Elm və Təhsil Nazirliyinin "Azərbaycan Dövlət Pedaqoji Universitetinin 100 illiyi (1921–2021)" yubiley medalı.

Xarici keçidlər

[redaktə | vikimətni redaktə et]

İstinadlar

[redaktə | vikimətni redaktə et]
  1. ↑ Azərbaycan Respublikasının Milli Məclisi. "Qurbanov Sadiq Haqverdi oğlu". 21 iyun 2025 tarixində arxivləşdirilib. İstifadə tarixi: 10 aprel 2026.
  2. ↑ Xural Qəzeti. "YAP-ın qurucularından biri parlamentdə olacaq – Sadiq Qurbanov". İstifadə tarixi: 10 aprel 2026.
  3. ↑ Azərbaycan Dövlət İqtisad Universiteti. "Qurbanov Sadiq Haqverdi oğlu". 10 fevral 2020 tarixində arxivləşdirilib. İstifadə tarixi: 4 fevral 2020.
  4. ↑ "Kimlər deputat seçildi? – Exit-poll nəticələri". Report.az. 25 aprel 2026 tarixində arxivləşdirilib. İstifadə tarixi: 10 aprel 2026.
  5. ↑ "YAP-çı namizəd Sadiq Qurbanov Şabran və Siyəzən rayonlarında 41 görüş keçirib". AzPost.info. 10 fevral 2020 tarixində arxivləşdirilib. İstifadə tarixi: 4 fevral 2020.
  6. ↑ "Şabranlıların seçimi YAP-ın namizədi Sadiq Qurbanovdur". Yeni Azərbaycan Partiyası. İstifadə tarixi: 10 aprel 2026.
  7. ↑ "Sadiq Qurbanov seçicilərlə görüşləri davam etdirir". Yeni Azərbaycan Partiyası. 14 aprel 2026 tarixində arxivləşdirilib. İstifadə tarixi: 10 aprel 2026.
  8. ↑ "Yeni Azərbaycan Partiyasının VII Qurultayı keçirildi" (az.). President.az. 10 dekabr 2025 tarixində arxivləşdirilib. İstifadə tarixi: 10 aprel 2026.
  9. ↑ Azərbaycan Respublikasının Milli Məclisi. "Qurbanov Sadiq Haqverdi oğlu". 21 iyun 2025 tarixində arxivləşdirilib. İstifadə tarixi: 10 aprel 2026.
  10. ↑ "Parlamentlərarası əlaqələr üzrə işçi qruplarına rəhbərlər seçildi – siyahı". Modern.az. 27 aprel 2026 tarixində arxivləşdirilib. İstifadə tarixi: 10 aprel 2026.
  11. ↑ "Milli Məclisin parlamentlərarası əlaqələr üzrə işçi qruplarına rəhbərlər seçilib – siyahı". APA. 8 oktyabr 2024 tarixində arxivləşdirilib. İstifadə tarixi: 10 aprel 2026.
  12. ↑ ""Zamana sığmayan lider: Heydər Əliyevin idarəçilik və varislik fəlsəfəsi" kitabının müzakirəsi olub". 3 dekabr 2024 tarixində arxivləşdirilib. İstifadə tarixi: 13 oktyabr 2023.
  13. ↑ "Davamlı inkişaf kontekstində ekoloji siyasətin prioritet istiqamətləri və yaşıl iqtisadiyyat". 8 sentyabr 2025 tarixində arxivləşdirilib. İstifadə tarixi: 31 oktyabr 2025.
  14. ↑ "Dünya və Azərbaycan siyasətində Heydər Əliyev kursu". 5 avqust 2025 tarixində arxivləşdirilib. İstifadə tarixi: 31 oktyabr 2025.
  15. ↑ "Davamlı inkişaf kontekstində ekoloji siyasətin prioritet istiqamətləri və yaşıl iqtisadiyyat". Prezident Kitabxanası. 13 fevral 2026 tarixində arxivləşdirilib. İstifadə tarixi: 10 aprel 2026.
  16. ↑ "Neft və davamlı inkişaf: Azərbaycanın enerji strategiyası. I cild". Prezident Kitabxanası. İstifadə tarixi: 10 aprel 2026.
  17. ↑ Neft və davamlı inkişaf: Azərbaycanın enerji strategiyası: II cild. Prezident Kitabxanası.
  18. ↑ Neft və davamlı inkişaf: Azərbaycanın enerji strategiyası. III cild. Prezident Kitabxanası. 18 fevral 2026 tarixində arxivləşdirilib. İstifadə tarixi: 10 aprel 2026.
  19. ↑ "Sadiq Qurbanova həsr olunmuş "Sədaqət və cəsarət kredosu" - FOTO". 14 iyun 2025 tarixində arxivləşdirilib. İstifadə tarixi: 29 oktyabr 2025.
Mənbə — "https://az.wikipedia.org/w/index.php?title=Sadiq_Qurbanov&oldid=9110021"