Sadiq Qurbanov

Vikipediya, azad ensiklopediya
Jump to navigation Jump to search
Sadiq Qurbanov
Sadiq Qurbanov.jpg
Şəxsi məlumatlar
Doğum adı Sadiq Haqverdi oğlu Qurbanov
Doğum tarixi 12 iyul 1972(1972-07-12) (50 yaş)
Doğum yeri
Partiya
Təhsili

Sadiq Qurbanov (Sadiq Haqverdi oğlu Qurbanov; 12 iyul 1972, Əlikli, İliç rayonu) — Texniki elmlər namizədi. Yeni Azərbaycan Partiyasının üzvü, Azərbaycan Respublikası Milli Məclisinin VI çağırış deputatı (2020).[1]

Həyatı[redaktə | mənbəni redaktə et]

Sadiq Qurbanov 12 iyul 1972-ci ildə Naxçıvan MR-nın Şərur rayonunun Ələkli kəndində anadan olmuşdur. 1989-cu ildə Ərəbyengicə kənd orta məktəbini bitirmiş, həmin ildə də Bakı Dövlət Universitetinin Mexanika-riyaziyyat fakultəsinə daxil olmuşdur. 1994-cü ildə təhsilini başa vuraraq həmin fakultənin dissertantı olmuş, eyni zamanda "Nəzəri mexanika və bütöv mühit mexanikası" kafedrasında laborant vəzifəsində çalışmışdır. 2005-ci ildə namizədlik dissertasiyasını müdafiə edərək texnika elmlər namizədi namizədlik dərəcəsini almışdır. 1997–2001-ci illərdə BDU-nun hüquq fakültəsində təhsil almışdır. 2001–2004-cü illərdə YAP-ın göndərişi ilə Prezident yanında Dövlət İdarəçilik Akademiyasının "Dövlət və bələdiyyə idarəetməsi" fakultəsində təhsil almışdır. Ailəlidir, iki övladı var.

Fəaliyyəti[redaktə | mənbəni redaktə et]

1999–2006-cı illərdə YAP-ın icra katibliyində "Partiyalar arası əlaqələr şöbəsi"nin müdiri vəzifəsində çalışmışdır. 2010-cu ildə AR Əmək və Əhalinin Sosial Müdafiəsi Nazirliyinin "Yoxsulluq problemləri və ünvanlı sosial yardım siyasəti şöbəsi"ndə nəzarət sektorunun rəhbəri vəzifəsində çalışmışdır. İqtisad Universitetinin "İqtisadi hüquq" kafedrasının baş müəllimi vəzifəsində çalışmışdır. Eyni zamanda "Azərbaycan Respublikası Neft – qaz sənayesi işçilərinin respublika həmkarlar komitəsində" sədr müavini vəzifəsində çalışır. Mexanika-riyaziyyat sahəsində 11 elmi məqalənin, hüquq ixtisası sahəsində isə 15 elmi əsərlərin və "Əmək Məcəlləsinin kommentariyası" kitabının həmmüəllifidir.

9 fevral 2020-ci ildə Yeni Azərbaycan Partiyasının 54 saylı Şabran-Siyəzən Seçki Dairəsindən deputat seçilmişdir.[2]

Yeni Azərbaycan Partiyasının VII qurultayında (5 mart 2021-ci il) YAP İdarə Heyətinin üzvü seçilib.[3]

Xarici keçidlər[redaktə | mənbəni redaktə et]

İstinadlar[redaktə | mənbəni redaktə et]

  1. ↑ "Qurbanov Sadiq Haqverdi oğlu". 2020-02-10 tarixində arxivləşdirilib. İstifadə tarixi: 2020-02-04.
  2. ↑ "YAP-çı namizəd Sadiq Qurbanov Şabran və Siyəzən rayonlarında 41 görüş keçirib". 2020-02-10 tarixində arxivləşdirilib. İstifadə tarixi: 2020-02-04.
  3. ↑ "Arxivlənmiş surət". 2021-02-10 tarixində arxivləşdirilib. İstifadə tarixi: 2021-03-11.
Mənbə — "https://az.wikipedia.org/w/index.php?title=Sadiq_Qurbanov&oldid=6908220"