Hadi Rəcəbli

Vikipediya, azad ensiklopediya
Jump to navigation Jump to search
Hadi Rəcəbli
Şəki Şəhər Partiya Komitəsinin birinci katibibayraq
1983 — 1989
bayraqAzərbaycan KP MK-nın inspektorubayraq
1981 — 1983
bayraqLənkəran Şəhər İcraiyyə Komitəsinin sədribayraq
1980 — 1981
bayraq"Bakinskiy raboçiy" qəzetinin xüsusi müxbiribayraq
1978 — 1980
bayraqLənkəran Şəhər Komsomol Komitəsinin birinci katibibayraq
1972 — 1978
bayraqLənkəran Şəhər Komsomol Komitəsinin ikinci katibibayraq
1971 — 1972
Şəxsi məlumatlar
Partiya КПСС.svg Kommunist partiyası
Təhsili Moskva Yeyinti Sənayesi İnstitutunun texnologiya fakültəsini və Bakı Ali Partiya məktəbini
Doğum tarixi 25 oktyabr 1947 (1947-10-25) (72 yaş)
Doğum yeri SSRİ, Azərbaycan SSR, Lənkəran rayonu, Viravul kəndi
Milliyyəti SSRİ SSRİ
Azərbaycan Azərbaycan azərbaycanlı

Mükafatları "Əmək igidliyinə görə" medalı  — 1976 "Şərəf Nişanı" ordeni  — 1986 "Şöhrət" ordeni (Azərbaycan) — 2007 II dərəcəli "Vətənə xidmətə görə" ordeni — 2017
http://fb.com/h.recebli

Hadi Rəcəbli (25 oktyabr 1947(1947-10-25), Viravul, Lənkəran rayonu) — I-V çağırış Azərbaycan Respublikası Milli Məclisinin deputatı, Əmək və Sosial Siyasət Komitəsinin sədri, Azərbaycanda ilk siyasi elmlər namizədi, siyasi elmlər doktoru, professor.

Həyatı[redaktə | əsas redaktə]

Rəcəbli Hadi Musa oğlu 1947-ci il oktyabrın 25-də Lənkəran rayonunun Viravul kəndində anadan olmuşdur. Moskva Yeyinti Sənayesi İnstitutunun texnologiya fakültəsini və Bakı Ali Partiya məktəbini bitirmişdir. 1963-cü ildən Lənkəran çörək zavodunda fəhlə, mühasib, texnoloq, iqtisadçı işləmişdir. 1971-ci ildən Lənkəran Şəhər Komsomol Komitəsinin ikinci katibi, 1972-ci ildən birinci katibi, 1978-ci ildən "Bakinskiy raboçiy" qəzetinin xüsusi müxbiri, 1980-ci ildən Lənkəran Şəhər İcraiyyə Komitəsinin sədri olmuşdur. 1981-ci ildən Azərbaycan KP MK-nın inspektoru, 1983-cü ildən Şəki Şəhər Partiya Komitəsinin birinci katibi, 1989-1995-ci illərdə Azərbaycan Respublikasının Nazirlər Kabinetində referent, aparıcı mütəxəssis, bölmə müdiri, şöbə müdirinin müavini, şöbə müdiri vəzifələrində çalışmışdır.

Yeni Azərbaycan Partiyası Siyasi Şurasının üzvüdür.

On birinci çağırış Azərbaycan SSR Ali Sovetinin, birinci, ikinci, üçüncü, dördüncü və beşinci çağırış Azərbaycan Respublikası Milli Məclisinin deputatı olmuşdur.

2015-ci il noyabrın 7-də 74 saylı Lənkəran kənd seçki dairəsindən deputat seçilmişdir. Milli Məclisin Əmək və Sosial Siyasət Komitəsinin sədridir. Azərbaycan-Yunanıstan parlamentlərarası əlaqələr üzrə işçi qrupunun rəhbəri, Azərbaycan-Çin, Azərbaycan-İran, Azərbaycan-Belarus, Azərbaycan-Koreya, Azərbaycan-Serbiya, Azərbaycan-Yaponiya parlamentlərarası əlaqələr üzrə işçi qruplarının üzvüdür.

Siyasi elmlər doktoru, professordur, "ƏMƏK İGİDLİYİNƏ GÖRƏ" medalı (1976), "ƏMƏK RƏŞADƏTİNƏ GÖRƏ" medalı (1977), "ŞƏRƏF" nişanı (1986), "ŞÖHRƏT" ordeni (2007), İkinci dərəcəli "VƏTƏNƏ XİDMƏTƏ GÖRƏ" ordeni (2017) ilə təltif edilmişdir. Ehtiyatda olan mayordur. 9 kitabın və 220-dən çox elmi-publisistik məqalənin müəllifidir. Rus və ingilis dillərini bilir.

Evlidir, 4 övladı, 10 nəvəsi var.

MARAQLI FAKTLAR

Azərbaycanda ilk siyasi elmlər namizədidir.

Milli Məclisdə vətəndaşları ən çox qəbul edən millət vəkilidir. Qəbulların 80 fazidən çoxu onun rəhbərlik etdiyi komitənin payına düşür.

Mənbələr[redaktə | əsas redaktə]