Nəzir Əhmədov

Vikipediya, azad ensiklopediya
Jump to navigation Jump to search
Nəzir Əhmədov
Nəzir Laçın oğlu Əhmədov
Nəzir Eltəkin.jpg
İlk adı Nəzir Əhmədov
Təxəllüsü Nəzir Eltəkin
Doğum tarixi
Doğum yeri Dağ Qaraqoyunlu, Nuxa qəzası, Azərbaycan Azərbaycan SSR, Zaqafqaziya Sosialist Federativ Sovet Respublikası ZSFSR, SSRİ SSRİ
Vəfat tarixi (79 yaşında)
Vəfat yeri Bakı, Azərbaycan Azərbaycan
Vətəndaşlığı Azərbaycan AzərbaycanSSRİ SSRİ
Milliyyəti azərbaycanlı
Həyat yoldaşı Zlota Əhmədova
Atası Laçın Əhmədov
Təhsili Leninqrad Dövlət Universiteti
Fəaliyyəti Ali Sovetinin deputatı, Şəki şəhər İcra hakimiyyətinin başçısı, şair, publisist
Mükafatları "Qırmızı Əmək Bayrağı" ordeni "Lenin" ordeni "Şərəf Nişanı" ordeni

Nəzir Əhmədov və ya Nəzir Eltəkin (azərb. Nəzir Laçın oğlu Əhmədov‎; 8 noyabr 1926(1926-11-08) və ya 27 dekabr 1925(1925-12-27), Nuxa rayonuBakı, Bakı qəzası) — şair, publisist, 1996-cı ildən Azərbaycan Yazıçılar Birliyinin üzvü. Ali Sovetinin deputatı (1967-1971), Şəki şəhər İcra hakimiyyətinin başçısı (1993-1998), Azərbaycan Respublikası iqtisadiyyat nazirinin müavini (1998 – 2001).

Həyat və fəaliyyəti[redaktə | əsas redaktə]

Nəzir Əhmədov 1925-ci il dekabrın 27-də Azərbaycanın Şəki rayonunun Dağ Qaraqoyunlu kəndində Kəhriz obasında anadan olub. Kənd yeddiillik məktəbi bitirdikdən sonra Şəki pedaqoji məktəbinə qəbul olunmasına baxmayaraq 1942-ci ildə məktəbin 2-ci kursunda oxuyarkən könüllü olaraq hərbi xidmətə getmişdir. 1944-1946-cı illərdə Xarkov şəhərində hərbi kəşfiyyat məktəbində, eyni zamanda axşam orta məktəbində təhsil almış, 1946-1950-ci illərdə Sovet sərəhəd qoşunları hissəsində qulluq etmişdir. 1950-1955-ci illərdə Leninqrad Dövlət Universitetinin siyasi iqtisad fakültəsini fərqlənmə diplomu ilə bitirən publisist 1955-1957-ci illərdə Leninqrad Vilayət Partiya komitəsində təlimatçı, bölmə müdiri, 1954-1974-cü illərdə Zaqatala rayon komitəsinin birinci katibi, 1967-1971-ci illərdə Azərbaycan SSR Ali Sovetinin təbiəti mühafizə daimi komissiyasının sədri, 1974-1975-ci illərdə Abşeron rayon komitəsinin birinci katibi, 1975-1993-cü illərdə Azərbaycan Respublikası Dövlət Plan Komitəsinin elmi-tədqiqat institutunda baş elmi işçi və şöbə müdiri, 1993-1998-ci illərdə Şəki şəhər İcra hakimiyyətinin başçısı, 1998-2002-ci illərdə isə Azərbaycan iqtisadiyyat nazirinin müavini vəzifələrini icra etmişdir. 1991-1993-cü illərdə Şəki, Balakən və digər bölgələrdə milli azadlıq hərəkatında fəal iştirak etmişdir. 1965-1970-ci illərdə Çexoslovakiya, Kuba, Amerika, MacarıstanRumıniya ölkələrinə rəsmi nümayəndə heyəti tərkibində xarici səfərlərdə olan şair, eyni zamanda 1966-1974-cü illərdə Azərbaycan KP MK-nın üzvü seçilmiş, 1967-1971-ci illərdə Azərbaycan Ali Sovetinin deputatı olmuşdur.

Kitabları[redaktə | əsas redaktə]

  • "Desələr xatırlayın" (1955);
  • "İzim qala" (1995);
  • "Sarı Laçın" (1996);
  • "Ömür körpüsü" (1998);
  • "İsmipünhan sorağında" (poema) (1998);
  • "Qaçaq Abbas" (poema) (2001);
  • "Ömrün son baharı" (şeirlər və poemalar) (2006)

Mükafatları[redaktə | əsas redaktə]

1966-cı ildə "Qırmızı Əmək Bayrağı" ordeni, 1968-ci ildə "Lenin ordeni", 1969-cu ildə "Şərəf nişanı" ordeni, 1967-1970-ci illərdə SSRİ XTNS-nin 2 qızıl medalına və birinci dərəcəli diplomlarına, əlavə 15 medalla da təltif olunmuşdu.

Mənbə[redaktə | əsas redaktə]

  • Teymur Əhmədov. Azərbaycan yazıçıları (XX-XXI yüzillikdə) ensiklopedik məlumat kitabı. Bakı: "Nurlar", 2011.