İsa Məmmədov (dövlət xadimi)

İsa Məmmədov
İsa Məmmədov
Azərbaycan Kommunist Partiyası Mərkəzi Komitəsinin katibi
	yanvar 1981 – 1987
Birinci katib	Heydər Əliyev; Kamran Bağırov
Azərbaycan Kommunist Partiyası Lənkəran Şəhər Komitəsinin birinci katibi
	1970 – yanvar 1981
Əvvəlki	Məmməd Babayev
Sonrakı	Dilrubə Camalova
Naxçıvan MSSR mədəniyyət naziri
	1965 – 1970
Sonrakı	Hüseyn İbrahimov
Şəxsi məlumatlar
Doğum tarixi	11 iyul 1926
Doğum yeri	Aşağı Aralıq, Şərur rayonu, Naxçıvan MSSR, Azərbaycan SSR, ZSFSR, SSRİ;
Vəfat tarixi	10 avqust 2007 (81 yaşında)
Vəfat yeri	Bakı, Azərbaycan;
Partiya	Sovet İttifaqı Kommunist Partiyası (1965–1991);
Elmi fəaliyyəti
Elmi dərəcəsi	psixologiya elmləri doktoru (2006);
Təltifləri	; ;

İsa Əli oğlu Məmmədov (11 iyul 1926, Aşağı Aralıq, Naxçıvan MSSR – 10 avqust 2007, Bakı) — Azərbaycan dövlət xadimi, Azərbaycan Kommunist Partiyası Mərkəzi Komitəsinin katibi (1981–1987), Lənkəran Şəhər Komitəsinin birinci katibi (1970–1981), Naxçıvan MSSR mədəniyyət naziri (1965–1970), Sosialist Əməyi Qəhrəmanı (1976), Azərbaycan SSR əməkdar müəllimi (1964), psixologiya elmləri doktoru (2006).

Həyatı

İsa Məmmədov 1926-cı il iyulun 11-də Naxçıvan Muxtar Respublikası indiki Şərur rayonunun Aralıq kəndində anadan olmuşdur. 1942-ci ildə Şərur rayon mərkəzi orta məktəbini bitirdikdən sonra o, 1945–1947-ci illərdə Moskva ali komsomol məktəbində oxumuş, 1947–1950-ci illərdə Azərbaycan Pedaqoji İnstitutunda ali təhsil almışdır. 1972–1977-ci illərdə isə Moskva ali partiya məktəbində təhsilini davam etdirib.

Əmək fəaliyyətinə 1943–1944-cü illərdə Şərur rayonunda orta məktəbdə başlayıb, 1944–1945-ci illərdə Şərur rayon komsomol komitəsinin birinci katibi, 1947–1953-cü illərdə əvvəl Naxçıvan vilayət komsomol komitəsinin katibi, sonra isə birinci katibi, 1953–1961-ci illərdə Naxçıvan şəhər və rayon təhsil şöbələrinin müdiri, 1961–1965-ci illərdə Naxçıvan şəhər internat məktəbinin direktoru, 1965–1970-ci illərdə Naxçıvan Muxtar Respublikasının mədəniyyət naziri, 1970–1981-ci illərdə Lənkəran şəhər partiya komitəsinin birinci katibi, 1981–1987-ci illərdə Azərbaycan kommunist partiyası mərkəzi komitəsinin katibi olub.

1988-ci ildən ömrünün sonunadək isə Bakı Pedaqoji Kadrların İxtisasartırma və Yenidənhazırlanma İnstitutunun direktoru vəzifəsində çalışmışdır. 1997-ci ildə namizədlik, 2006-cı ildə doktorluq dissertasiyalarını müdafiə etmişdir. O, ümumtəhsil məktəblərində psixoloji xidmətin təşkilində, praktik psixoloqların hazırlanması sahəsində fəaliyyət göstərmişdir.

O, 1976-cı ildə sovet dövrünün ən yüksək adlarından biri olan Sosialist Əməyi Qəhrəmanı adına layiq görülmüş, bir sıra orden və medallarla təltif olunmuşdur.

2007-ci il avqustun 10-da 82 yaşında vəfat etmişdir.^[1]

Təltifləri

Sosialist Əməyi Qəhrəmanı — 1976^[2]
Azərbaycan Respublikası Prezidentinin fərdi təqaüdü — 02.10.2002^[3]

Kitabları

Əmək və dostluq bayramı. Bakı: Azərnəşr, 1973.
Сознание общественного долга. Баку: Азернешр, 1979.
İctimai vəzifənin dərk edilməsi. Bakı: Azərnəşr, 1981.
Школьная психологическая служба Азербайджана: научно-методические проблемы и опыт организации психологической практики. Москва: "Флинта", 2000.
Məktəbdə psixoloji xidmət: Psixoloji praktikanın elmi-metodik problemləri və yaradılması təcrübəsi. Bakı: Təhsil, 2002; Pedaqogika, 2003 (ikinci nəşri).
İzahlı psixoloji lüğət. Bakı: Təhsil, 2002.
Ömrümdən fraqmentlər. Hissə 1. Bakı: [n. y.], 2006.

İstinadlar

↑ "İSA ƏLİ OĞLU MƏMMƏDOV" (azərb.). AzərTAc. 11.08.2007. 2017-03-07 tarixində arxivləşdirilib. İstifadə tarixi: 24 iyun 2016.
↑ указом Президиума Верховного Совета СССР от 27 декабря 1976 года
↑ "Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı". «LegalActs» LLC (az.). legalacts.az. 02.10.2002. 2016-02-14 tarixində arxivləşdirilib. İstifadə tarixi: 2014-09-13.

[1] "İSA ƏLİ OĞLU MƏMMƏDOV" (azərb.). AzərTAc. 11.08.2007. 2017-03-07 tarixində arxivləşdirilib. İstifadə tarixi: 24 iyun 2016.

[2] указом Президиума Верховного Совета СССР от 27 декабря 1976 года

[02.10.2002-3] "Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı". «LegalActs» LLC (az.). legalacts.az. 02.10.2002. 2016-02-14 tarixində arxivləşdirilib. İstifadə tarixi: 2014-09-13.

[1]

[2]

[3]