Məhərrəm Əliyev (general)

Məhərrəm Əliyev
Məhərrəm Əliyev
Azərbaycan Respublikasının Belarus Respublikasında fövqəladə və səlahiyyətli səfiri
	Vəzifədədir
	9 dekabr 2023-cü ildən
Azərbaycan Respublikası Prezidentinin köməkçisi — Azərbaycan Respublikası Prezidentinin Administrasiyasının Hərbi məsələlər şöbəsinin müdiri
	29 noyabr 2019 – 9 dekabr 2023
Prezident	İlham Əliyev
Əvvəlki	Fuad Ələsgərov (Hüquq-mühafizə orqanları ilə iş və hərbi məsələlər şöbəsinin müdiri kimi)
Sonrakı	Fərid Seyidov (Hərbi məsələlər şöbəsinin müdiri kimi)
Azərbaycan Respublikası ədliyyə nazirinin müavini
	5 iyun 2017 – 29 noyabr 2019
Nazir	Fikrət Məmmədov
Sonrakı	Eldar Nuriyev
Azərbaycan Respublikasının Tacikistan Respublikasında fövqəladə və səlahiyyətli səfiri
	20 avqust 2007 – 26 may 2011
Sonrakı	Abbasəli Həsənov
Bakı Şəhər Baş Polis İdarəsinin rəisi
	noyabr 1993 – iyun 2007
Əvvəlki	Cavanşir Məmmədov
Sonrakı	Rafiq Abbasov
Şəxsi məlumatlar
Doğum tarixi	20 oktyabr 1951 (74 yaş)
Doğum yeri	Maxta, Noraşen rayonu, Naxçıvan MSSR, Azərbaycan SSR, SSRİ;
Fəaliyyəti	siyasətçi, diplomat, hüquqşünas, polis əməkdaşı[d]
Rütbəsi	; General-polkovnik; ; Polis general-leytenantı
Təltifləri
	Vikianbarda əlaqəli mediafayllar

Məhərrəm Abış oğlu Əliyev (20 oktyabr 1951, Maxta, Naxçıvan MSSR) — Azərbaycan siyasətçisi və diplomatı, Azərbaycan Respublikasının Belarus Respublikasında fövqəladə və səlahiyyətli səfiri (2023-cü ildən).

Həyatı

Məhərrəm Abış oğlu Əliyev 1951-ci il oktyabrın 20-də hazırkı Naxçıvan Muxtar Respublikasının Şərur rayonunun Maxta kəndində anadan olmuşdur. 1973-cü ildən daxili işlər orqanlarında xidmət etmiş, 1978-ci ildə Moskva şəhər Orta Xüsusi Milis Məktəbini bitirdikdən sonra şəhər milis İdarəsi 131 saylı milis bölməsinə cinayət işləri üzrə əməliyyat müvəkkili vəzifəsinə təyin edilmişdir.

1980–1992-ci illərdə Bakının rayon polis idarələrində cinayət-axtarış strukturlarında müxtəlif vəzifələrdə xidmət aparmışdır. 1985-ci ildə SSRİ Daxili İşlər Nazirliyinin Ümumittifaq Qiyabi Hüquq İnstitutunu bitirmişdir. Bakı şəhərinin Nizami, Sabunçu, Xətai, Səbail rayon Polis İdarələrində rəhbər vəzifələrdə çalışıb. 1993-cü ilin noyabrından 2007-ci ilin iyun ayınadək Bakı Şəhər Baş Polis İdarəsinin rəisi olub.

2007–2011-ci illərdə Azərbaycan Respublikasının Tacikistan Respublikasında fövqəladə və səlahiyyətli səfiri vəzifəsində çalışmışdır.

Azərbaycan Respublikası Prezidentinin 30 noyabr 2012-ci il tarixli Sərəncamı ilə general-leytenant hərbi rütbəsi verilməklə həqiqi hərbi xidmətə qəbul edilib.

2012–2017-ci illərdə isə Azərbaycan Respublikası Prezidentinin Müdafiə məsələləri üzrə köməkçisi xidmətinin Müdafiə məsələləri şöbəsinin müdiri vəzifəsində çalışıb.

Azərbaycan Respublikası Prezidentinin 5 iyun 2017-ci il tarixli Sərəncamı ilə Azərbaycan Respublikası ədliyyə nazirinin müavini təyin olunmuşdur.

2019-cu ilin noyabrında Azərbaycan Respublikası Prezidentinin köməkçisi — Azərbaycan Respublikası Prezidentinin Administrasiyasının Hərbi məsələlər şöbəsinin müdiri təyin edilmişdir.^[1]

9 dekabr 2023-cü ildə Prezidentin Sərəncamı ilə hərbi geyim formasını daşımaq hüququ verilməklə, Azərbaycan Respublikasının Silahlı Qüvvələrində həqiqi hərbi xidmətdən istefaya buraxılmışdır. Dövlət başçısının digər sərəncamı ilə Azərbaycan Respublikası Prezidentinin köməkçisi – Azərbaycan Respublikası Prezidenti Administrasiyasının Hərbi məsələlər şöbəsinin müdiri vəzifəsindən azad edilib.^[2] Prezidentin daha bir Sərəncamı ilə o, Azərbaycan Respublikasının Belarus Respublikasında fövqəladə və səlahiyyətli səfiri təyin olunmuşdur.^[3]

Ailəsi

Azərbaycan Kikboksinq Federasiyasının prezidenti, Azərbaycan Respublikası Milli Məclisinin III, IV, V və VI çağırış deputatı Adil Əliyev Məhərrəm Əliyevin qardaşıdır.

Mükafatları

24 dekabr 1998-ci ildə Azərbaycan Respublikası Prezidentinin fərmanı ilə "Azərbaycan bayrağı" ordeni ilə^[4], 25 iyun 2013-cü ildə "Vətən uğrunda" medalı ilə^[5], 24 iyun 2014-cü ildə 3-cü dərəcəli "Vətənə xidmətə görə" ordeni^[6] ilə təltif olunub.

19 oktyabr 2021-ci ildə Azərbaycan Respublikasında dövlət qulluğunda uzunmüddətli səmərəli fəaliyyətinə görə "Şöhrət" ordeni ilə təltif olunub^[7]

İstinadlar

↑ "Məhərrəm Abış oğlu Əliyev". justice.gov.az. 4 avqust 2023 tarixində arxivləşdirilib.
↑ "M.A.Əliyevin Azərbaycan Respublikası Prezidentinin köməkçisi – Azərbaycan Respublikası Prezidenti Administrasiyasının Hərbi məsələlər şöbəsinin müdiri vəzifəsindən azad edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 9 dekabr 2023 tarixində arxivləşdirilib. İstifadə tarixi: 9 dekabr 2023.
↑ "M.A.Əliyevin Azərbaycan Respublikasının Belarus Respublikasında fövqəladə və səlahiyyətli səfiri təyin edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 9 dekabr 2023 tarixində arxivləşdirilib. İstifadə tarixi: 9 dekabr 2023.
↑ "Azərbaycan Respublikası Daxili İşlər Nazirliyinin bir qrup əməkdaşının təltif edilməsi haqqında AZƏRBAYCAN RESPUBLIKASI PREZIDENTININ FƏRMANI". 14 avqust 2018 tarixində arxivləşdirilib. İstifadə tarixi: 28 yanvar 2016.
↑ "Azərbaycan Respublikası Silahlı Qüvvələrinin hərbi qulluqçularının təltif edilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI". 29 mart 2022 tarixində arxivləşdirilib. İstifadə tarixi: 28 yanvar 2016.
↑ "Azərbaycan Respublikası Silahlı Qüvvələrinin hərbi qulluqçularının və mülki işçilərinin təltif edilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI". 16 iyul 2020 tarixində arxivləşdirilib. İstifadə tarixi: 28 yanvar 2016.
↑ "M.A.Əliyevin "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı". 23 oktyabr 2021 tarixində arxivləşdirilib. İstifadə tarixi: 19 oktyabr 2021.

Xarici keçidlər

[1] "Məhərrəm Abış oğlu Əliyev". justice.gov.az. 4 avqust 2023 tarixində arxivləşdirilib.

[2] "M.A.Əliyevin Azərbaycan Respublikası Prezidentinin köməkçisi – Azərbaycan Respublikası Prezidenti Administrasiyasının Hərbi məsələlər şöbəsinin müdiri vəzifəsindən azad edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 9 dekabr 2023 tarixində arxivləşdirilib. İstifadə tarixi: 9 dekabr 2023.

[3] "M.A.Əliyevin Azərbaycan Respublikasının Belarus Respublikasında fövqəladə və səlahiyyətli səfiri təyin edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 9 dekabr 2023 tarixində arxivləşdirilib. İstifadə tarixi: 9 dekabr 2023.

[4] "Azərbaycan Respublikası Daxili İşlər Nazirliyinin bir qrup əməkdaşının təltif edilməsi haqqında AZƏRBAYCAN RESPUBLIKASI PREZIDENTININ FƏRMANI". 14 avqust 2018 tarixində arxivləşdirilib. İstifadə tarixi: 28 yanvar 2016.

[5] "Azərbaycan Respublikası Silahlı Qüvvələrinin hərbi qulluqçularının təltif edilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI". 29 mart 2022 tarixində arxivləşdirilib. İstifadə tarixi: 28 yanvar 2016.

[6] "Azərbaycan Respublikası Silahlı Qüvvələrinin hərbi qulluqçularının və mülki işçilərinin təltif edilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI". 16 iyul 2020 tarixində arxivləşdirilib. İstifadə tarixi: 28 yanvar 2016.

[7] "M.A.Əliyevin "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı". 23 oktyabr 2021 tarixində arxivləşdirilib. İstifadə tarixi: 19 oktyabr 2021.

[1]

[2]

[3]

[4]

[5]

[6]

[7]