Məhərrəm Əliyev (general)

Vikipediya, açıq ensiklopediya
Jump to navigation Jump to search
Məhərrəm Əliyev
Məhərrəm Abış oğlu Əliyev
Məhərrəm Əliyev (general).jpg
bayraqAzərbaycan Respublikası Ədliyyə nazirinin müavinibayraq
5 iyun 2017 — indiyə kimi
bayraqAzərbaycan Respublikası Prezidentinin Müdafiə məsələləri üzrə köməkçisi xidmətinin Müdafiə məsələləri şöbəsinin müdiribayraq
30 noyabr 2012 — 1 iyun 2017
Sələfi vəzifə təsis edilib
Xələfi vəzifə ləğv edilib
Doğum tarixi 20 oktyabr 1951 (1951-10-20) (67 yaş)
Doğum yeri Maxta, Şərur, Naxçıvan MSSR,
Flag of the Azerbaijan Soviet Socialist Republic.svg Azərbaycan SSR,
Hərbi xidmət
Rütbəsi 17.AzLF-LG.png General-leytenant
Təltifləri Azərbaycan Bayrağı ordeni - lent (1993-2013).png III dərəcəli "Vətənə xidmətə görə" ordeni — 2014 "Vətən uğrunda" medalı  — 2013

Məhərrəm Əliyev (tam adı: Məhərrəm Abış oğlu Əliyev; d. 20 oktyabr 1951, Maxta, Şərur, Naxçıvan MSSR, Azərbaycan SSR, SSRİ) — Azərbaycan Respublikası Ədliyyə nazirinin müavini, general-leytenant.

Həyatı[redaktə | əsas redaktə]

Əliyev Məhərrəm Abış oğlu 1951-ci ilin oktyabrın 20-də Naxçıvan Muxtar Respublikasının Şərur rayonunun Maxta kəndində doğulub. 1973-cü ildən Daxili İşlər orqanlarında xidmət edib. 1978-ci ildə Moskva şəhər Orta Xüsusi Milis Məktəbini bitirdikdən sonra şəhər milis İdarəsi 131 saylı milis bölməsinə cinayət işləri üzrə əməliyyat müvəkkili vəzifəsinə təyin edilib.

1980-1992-ci illərdə Bakının rayon polis idarələrində cinayət-axtarış strukturlarında müxtəlif vəzifələrdə xidmət aparıb. 1985-ci ildə SSRİ Daxili İşlər Nazirliyinin Ümumittifaq Qiyabi Hüquq İnstitutunu bitirib. Bakı şəhərinin Nizami, Sabunçu, Xətai, Səbail rayon Polis İdarələrində rəhbər vəzifələrdə çalışıb. 1993-cü ilin noyabrından 2007-ci ilin iyun ayınadək Bakı Şəhər Baş Polis İdarəsinin rəisi olub.

2007-2011-ci illərdə Azərbaycanın Tacikistanda fövqəladə və səlahiyyətli səfiri vəzifəsində çalışıb.

Azərbaycan Respublikası Prezidentinin 30 noyabr 2012-ci il tarixli Sərəncamı ilə general-leytenant hərbi rütbəsi verilməklə həqiqi hərbi xidmətə qəbul edilib.

2012-2017-ci illərdə isə Azərbaycan Respublikası Prezidentinin Müdafiə məsələləri üzrə köməkçisi xidmətinin Müdafiə məsələləri şöbəsinin müdiri vəzifəsində çalışıb.

Azərbaycan Respublikası Prezidentinin 5 iyun 2017-ci il tarixli Sərəncamı ilə Azərbaycan Respublikası Ədliyyə nazirinin müavini təyin eilib.

Ailəsi[redaktə | əsas redaktə]

Azərbaycan Kikboksinq Federasiyasının prezidenti, Azərbaycan Respublikası Milli Məclisinin III, IV və V çağırış deputatı Adil Əliyev Məhərrəm Əliyevin qardaşıdır.

Mükafatları[redaktə | əsas redaktə]

24 dekabr 1998-ci ildə Azərbaycan Respublikası Prezidentinin fərmanı ilə “Azərbaycan bayrağı” ordeni ilə[1], 25 iyun 2013-cü ildə "Vətən uğrunda" medalı ilə[2], 24 iyun 2014-cü ildə 3-cü dərəcəli "Vətənə xidmətə görə" ordeni[3] ilə təltif olunub.

İstinadlar[redaktə | əsas redaktə]

  1. ↑ Azərbaycan Respublikası Daxili İşlər Nazirliyinin bir qrup əməkdaşının təltif edilməsi haqqında AZƏRBAYCAN RESPUBLIKASI PREZIDENTININ FƏRMANI
  2. ↑ Azərbaycan Respublikası Silahlı Qüvvələrinin hərbi qulluqçularının təltif edilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI
  3. ↑ Azərbaycan Respublikası Silahlı Qüvvələrinin hərbi qulluqçularının və mülki işçilərinin təltif edilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI

Xarici keçidlər[redaktə | əsas redaktə]

Mənbə — "https://az.wikipedia.org/w/index.php?title=Məhərrəm_Əliyev_(general)&oldid=4712355"