Kamal Cəfərov (deputat)

Vikipediya, azad ensiklopediya
Jump to navigation Jump to search
Kamal Cəfərov
Kamal Cəfərov.jpg
bayraqAzərbaycan Respublikası Milli Məclisinin deputatıbayraq
Vəzifədədir
10 Mart 2020-ci ildən
Şəxsi məlumatlar
Doğum adı Kamal Xaqani oğlu Cəfərov
Doğum tarixi 15 dekabr 1989(1989-12-15) (32 yaş)
Doğum yeri
Partiya
Təhsili

Kamal Xaqani oğlu Cəfərov (15 dekabr 1989, Bakı) — Azərbaycan Respublikası Milli Məclisinin VI çağırış deputatı, Yeni Azərbaycan Partiyasının İdarə Heyətinin üzvü, Baş Prokurorluğun Anti-Korrupsiya Təlim Mərkəzinin rəhbəri.[1]

Həyatı[redaktə | mənbəni redaktə et]

Kamal Cəfərov 1989-cu il 15 dekabr tarixində Bakı şəhərində anadan olub. Bakı Dövlət Universitetinin Hüquq fakultəsinin bakalavr pilləsini, Böyük Britaniyanın London Kral Kollecində Beynəlxalq vergi hüququ üzrə magistr pilləsini və Vyana şəhərində yerləşən Beynəlxalq Antikorrupsiya Akademiyasının "Antikorrupsiya elmləri üzrə" magistr proqramnı fərqlənmə ilə bitirib.[2]

Amerika Birləşmiş Ştatlarının Mərkəzi Texas Kollecində "Amerika hüquq sisteminə giriş" mövzusunda mübadilə proqramını və Azərbaycan Respublikasının Prezidenti yanında Dövlət İdarəçilik Akademiyasının "Dövlət və bələdiyyə idarəetməsi" ixtisası üzrə magistr proqramını (qiyabi əsaslarla) bitirib.[3]

K.Сəfərov Çirkli Pulların Yuyulmasına Qarşı Mübarizə üzrə Sertifikatlaşdırılmış Ekspertlər Assosiasiyasının (ACAMS) müvafiq imtahanını keçərərək çirkli pulların yuyulmasına qarşı mübarizə üzrə beynəlxalq ekspert sertifikatına layiq görülmüşdür.[2]

Evlidir, bir övladı var. İngilis, fransızrus dillərini bilir. 2013–2014-cü illərdə hərbi xidmət keçib.

İctimai-siyasi fəaliyyəti[redaktə | mənbəni redaktə et]

Kamal Cəfərov Avropa Hüquqşünas Tələbələr Assosiasiyası (ELSA) və Avropa Gənclər Parlamentinin Azərbaycan nümayəndəliklərinin təsisçisi olub. 2011–2013-cü illərdə Azərbaycan Hüquqşünaslar Konfederasiyasının Baş katibi olub.[4][5] Kamal Cəfərov 2016–2020-ci illərdə "Açıq Hökumət Tərəfdaşlığı" beynəlxalq təşkilatının Azərbaycan üzrə Milli koordinatoru olub.[6]

2012–2013-cü illərdə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin beynəlxalq əlaqələr şöbəsində məsləhətçi və böyük məsləhətçi vəzifələrində işləyib.

2014–2016-cı illərdə Korrupsiyaya qarşı mübarizə üzrə Komissiyanın Katibliyinin böyük məsləhətçisi və Komissiya yanında Qanunvericiliyin təkmilləşdirilməsi üzrə İşçi Qrupun katibi, 2016–2020-ci illərdə Korrupsiyaya qarşı mübarizə üzrə Komissiyanın katibi vəzifəsində çalışıb.

Parlamentdə[redaktə | mənbəni redaktə et]

2020-ci il 9 fevral tarixində keçirilən Azərbaycan Respublikası Milli Məclisinin VI çağırış deputat seçkilərində Kamal Cəfərov 2020–2025-ci illər üçün Yeni Azərbaycan Partiyasının namizədi olaraq 63 saylı Sabirabad 1-ci Seçki Dairəsindən deputat seçilib.

Kamal Cəfərov Milli Məclisdə Hüquq siyasəti və dövlət quruculuğu komitəsi və Müdafiə, təhlükəsizlik və korrupsiya ilə mübarizə komitəsinin üzvüdür. Kamal Cəfərov Azərbaycan-Belçika parlamentlərarası əlaqələr üzrə işçi qrupun rəhbəridir.[7] Bundan əlavə, o, Azərbaycan-Fransa, Azərbaycan-Böyük Britaniya, Azərbaycan-İtaliya, Azərbaycan-ABŞ, Azərbaycan-Macarıstan, Azərbaycan-Yaponiya, Azərbaycan-Avstraliya parlamentlərarası əlaqələr üzrə işçi qruplarının üzvüdür.

Kamal Cəfərov həmçinin Milli Məclisin İntizam Komissiyasının fəaliyyətini gücləndirmək üçün yaradılan İşçi Qrupun rəhbəridir.[8]

Avropa Şurası[redaktə | mənbəni redaktə et]

Kamal Cəfərov Azərbaycanın Avropa Şurası Parlament Assambleyasındakı (AŞPA) nümayəndə heyətinin sədrinin müavinidir.[9] Kamal Cəfərov AŞPA-nın İnsan hüquqları Komitəsinin sədr müavini və Avropa İnsan Hüquqları Məhkəməsinə Hakimlərin Seçki Komitəsinin üzvüdür. [10][11]

2015–2020-ci illərdə Avropa Şurasının Şərq tərəfdaşlığı proqramı çərçivəsində "Yaxşı idarəçilik və korrupsiyaya qarşı Mübarizə" layihəsinin Milli koordinatoru olub. 2017–2020-ci illərdə Avropa Şurasının Korrupsiyaya qarşı Dövlətlə Qrupunda (GRECO) Azərbaycanın nümayəndə heyətinə rəhbərlik edir.[12] Kamal Cəfərov QREKO tərəfindən ölkəmizə verilən tövsiyələrin icrası, anti-korrupsiya qanunvericiliyinin təkmilləşdirilməsində fəal iştirak etmiş, eyni zamanda bir sıra ölkələrin qiymətləndirmələrində iştirak etmişdir.

Birləşmiş Millətlər Təşkilatı[redaktə | mənbəni redaktə et]

Kamal Cəfərov 2015–2020-ci illərdə BMT-nin "Korrupsiya əleyhinə Konvesiyası"nın icrası üzrə Milli əlaqələndiricisi olub. Birləşmiş Millətlər Təşkilatının Korrupsiya Əleyhinə Konvensiyasının ölkəmiz tərəfindən 2-ci monitorinq mərəhələsi üzrə implementasiyası və onun dəyərləndirilməsi prosesinə rəhbərlik edib.

İstinadlar[redaktə | mənbəni redaktə et]

  1. "Arxivlənmiş surət". 2021-06-24 tarixində arxivləşdirilib. İstifadə tarixi: 2021-06-18.
  2. 1 2 "Arxivlənmiş surət". 2019-08-22 tarixində orijinalından arxivləşdirilib. İstifadə tarixi: 2019-08-22.
  3. "Arxivlənmiş surət". 2019-08-22 tarixində orijinalından arxivləşdirilib. İstifadə tarixi: 2019-08-22.
  4. "Arxivlənmiş surət". 2019-08-22 tarixində arxivləşdirilib. İstifadə tarixi: 2019-08-22.
  5. "Arxivlənmiş surət". 2019-08-22 tarixində arxivləşdirilib. İstifadə tarixi: 2019-08-22.
  6. "Arxivlənmiş surət". 2021-10-19 tarixində arxivləşdirilib. İstifadə tarixi: 2020-04-29.
  7. "Arxivlənmiş surət". 2021-10-19 tarixində arxivləşdirilib. İstifadə tarixi: 2022-04-13.
  8. "Arxivlənmiş surət". 2021-10-19 tarixində arxivləşdirilib. İstifadə tarixi: 2020-04-29.
  9. "Arxivlənmiş surət". 2020-09-21 tarixində orijinalından arxivləşdirilib. İstifadə tarixi: 2020-04-29.
  10. https://pace.coe.int/en/aplist/subcommittees/8/sub-committee-on-human-rights
  11. https://pace.coe.int/en/aplist/committees/30/committee-on-the-election-of-judges-to-the-european-court-of-human-rights
  12. "Arxivlənmiş surət". 2019-08-23 tarixində arxivləşdirilib. İstifadə tarixi: 2019-08-22.